Matewu 22:17 - Bhibhiliya Nya Guage

¹⁷ Nga hi embela, na: Khu mawonelo yago, hi na ni fanelo mwendro hi mwalo nya gulivbe khupho ga Sezari?”

Matewu 22:17 Iomraidhean Croise

Ezira 4:13

Olu dziti gwadi mufumeli nya gukhuwe va gu wusa lidhoropa leli ni makhokhola yaye, li vbela, gima kha va na nga livba gambe fanelo nya khupo, ambari gu luva ni gu dusa mihengo; khu kharato thomba ya mufumeli yi na vbwasama.

Ezira 7:24

Gambe hi ngu mi tivisa gukhethu, vatshavbo vaphasi nya mhamba, va na Levhi, vaembeleli, vasayisi nya dzinyangwa, va na Netine, ni vathumegeli va Nyumbani ga Nungungulu, va nga dusi gikhaba ambari mihengo mwendro khupo.

Nehemiya 5:4

Vambe va di khavo: “Hi di pharisa ni marembwe yathu nya sivbila, ni ayo nya vhinya, gasi hi mane dzitsapawu nya gulivbe khupo ga mufumeli.”

Nehemiya 9:37

Mihandro nya litigo leli ya gu velegelana ngudzu, gasi yi hodzwa khu vafumeli va mambe mayigo, u va vegidego gu hi fumela khu kotani nya sighoho sathu; va gu khozisa sivili sathu khu gugola gwawe gumogo ni mitshambi yathu; khu guralo, hi womo gutshanisekani nya gukhongolo.

Jeremiya 42:20

Kholu mu dzi girede mwabune libango khu gu nyi rumani nyi mu lombelela ga Pfhumu Nungungulu wathu, khenu: Satshavbo a na gu hi rumago hi embele, hi na si gira.

Matewu 17:25

A di hakha, khuye: “A ngu livba.” Na vbohide gaya, Jesu a di thangulela gu mu wudzisa, khuye: “Nga nyi embela, Simoni: Khu vamani va khuphelago ni gu girela mihengo vafumeli nya mafu? Khu ngamo yawe, mwendro khu valombo?”

Matewu 22:18

Jesu, na gu guti guvivba nya mahingigedzo yawe, a di va hakha, khuye: “Vapfhadzi! Mwa gu nyi lingela ginani?

Luka 2:1

Khu matshigu yale, gu di tshayedwa thetho nya gilovela nya litigo latshavbo khu mufumeli nya khongolo Sezari Augusto.

Luka 20:22

Nga hi embela, na. Hi na ni fanelo mwendro hi mwalo nya gulivbe khupho ga Sezari, gani?”

Luka 3:1

Khu mwaga nya likhumi na livbandre nya gufume ga mufumeli nya khongolo wa Roma, Tibheriyu Sezari; Pilato nari mwamangulu wa Judheya, Herodhi na gu fumela Galileya, ndriyaye Filipi na gu fumela Itureya ni Trakonite, Lizaniya na gu fumela Abhileni,

Mithumo 17:7

Jasoni a va hakha gaya gwaye. Avo vatshavbo va gu ganedza milayo ya Sezari, va tivisa gukhavo Jesu khu mumbe mufumeli.”

Mithumo 25:8

Khavbo avbo, Pawulo a di hakha, khuye: “Eni kha nya ghoha gilo khu Nayo wa Mosi ambari gu ghohela Nyumba ya Nungungulu, mwendro gu ghohela mufumeli Sezari.”

Mithumo 28:22

Aholu ethu hi di gola gu gupwa na wu gu ganela khu likana lago esi u pimisago, kholu hi ngu dziti gukhethu, gikhodwagi gyanu nya gu pambuge, gi ngu ganedzwa ni gu wugedwa malangani gwatshavbo.”

Mithumo 5:37

Khu hwane a dita Judha, mugalilewu, khu matshigu nya gilovela. Uye nuye a di landredwa khu vathu nya vangi, aholu a di songwa. Vale va nga bani va gu mu landrela va di phalalega.