Matewu 22:13 - Bhibhiliya Nya Guage

¹³ Khavbo avbo, mufumeli a di embela sithumi saye, khuye: ‘Mu hungeni mawogo ni mawundru, mu mu dzudzuga vbavbandze, mugidemani. Avbovbo a na ya lila ni gu ketsa magwaha.’

Matewu 22:13 Iomraidhean Croise

Dzindzimo 112:10

Muthu nya guvivbe a gu wona esi a napwa wuvi; a tala khu lidiwo ni guvbisega, a khukhurusa magwaha; aholu mapimo yaye ma na hegisa khu gu fuva.

Dzindzimo 37:12

Muthu nya guvivbe a gu wugela oyu nya gululame, a mu khukhurusela magwaha khu likhulo,

Isaya 52:1

Khendzuga! Khendzuga, Siyoni, ambala tshivba yago. Ambala guambala gwago nya wumburi, uwe Jerusalema, Lidhoropa nya gukatege; kholu gima kha va na bela gambe ndrani gwago va nyamba hana wugwera ni vale va dzi nyenyezisidego.

Dhaniyeli 3:20

a leletisa gukhuye dzindrena nya gukari nya nyimbi, dzi na hunge Sadraki, Misaki ni Abhedhi-Negho, va va rinya gidhingiseloni nya nilo nya gudzure khu tshivba.

Matewu 12:29

Nga nyi embelani: Gu kodzega kharini gu muthu aya bela ndrangani nya ndrena a gu yi phanga silo saye satshavbo, nyamba phela khu gu yi hunga? Hwane nya gu bani a yi hungide, khavbo a dzi kodzago gu yi phanga ndranga yaye yatshavbo.

Matewu 13:30

Si digeni si dandre satshavbo kala gu vboha nango nya guvbwere; gikhati gyogyo nyi na embela vavbweri, kheni: Dusani guphela nyasavare, mu wu hunga khu dzinyandra mu vbisa; gasi mavbila, ma pileni, mu ma thela gisangalani gwangu.”

Matewu 13:42

si va rinya niloni, umo va na guya lilago ni gu ketsa magwaha.

Matewu 13:50

dzi va rinya niloni, umo va na gu lilago ni gu khukhurusa magwaha.

Matewu 24:51

Githumi gile gi nata tsayiswa khu tshivba, bwelo khavbo, gi valedwa kha nga muthu nyamba tumbega; avbovbo gi na lila ni gu ketsa magwaha.

Matewu 25:30

Gasi githumi gyogyo gi si phasigo gilo, gi rinyeni vbavbandze, mugidemani; avbovbo gi naya lila ni gu ketsa magwaha.’

Matewu 8:12

gasi va mune thomba va na rinywa vbavbandze, mugidemani, avbo va na guya lilago ni gu ketsa magwaha.”

Luka 13:28

Gikhati mu na wonago Abrahama, Isaki, Jakobe ni vaprofeti vatshavbo Mufumoni wa Ndzadzini, enu mu gu tshidwe vbavbandze, avbovbo gu na manega gulila ni guketsa nya magwaha.

Johane 21:18

Khu lisine, nyi ngu gu embela, kheni: Nu ngari gikhwathana u di dzi ambalela, u gu hongola umo u nga bani u guna. Gasi gikhati u na gumbago, u na thawuludza mawogo yago, va gu ambagisa, gasi va gu yisa umo u si gunigo.”

Mithumo 21:11

A di hidzimela avba gwathu, a dzega keka wa Pawulo a dzi hunga khuwo mawundru ni mawogo yaye, a ganela, khuye: “Liphuvbo nya Guage lari khilo, Vajudha, Jerusalema, va na mola mwama a gu mune keka yoyu, va mu hungelela kharati, va mu ningela ga va nya mayigo.”

Mithumo 7:54

Na va pwide magana yaya va di khunguvanyega myonyoni gwawe, va gu khukhurusela magwaha Sitefane khu likhulo.

2 Vatesalonika 1:9

Avo va na mbembiswa va yiswa hwindzo, nyamba wona ni gupwa tshivba ni wudhumo wa Pfhumu.

2 Pedro 2:17

Vathu vovo, va khade nga milambo nyambana mati, nga mapfhi ma pengiswago khu phuvbo; Nungungulu a va hathede wulanga nya gidema nya guthise ngudzu kala gupindruga.

2 Pedro 2:4

Nungungulu kha ditshedza dzingilozi dzi nga ghohago, aholu, a di dzi yisa phalani nya guete nya gidema a dzi diga mugidemani, a lindrela litshigu nya gu dzi lamule,

Judha 1:13

mavimbi nya guvbenye ya linene, ma gugumugago ma pupuma liguvi nya siguro sawe nya dzitshoni; nga dzinyeledzi dzi legalegago, dzi vegedwego wulanga gidemani nya guthise ngudzu, kala gupindruga.

Judha 1:6

Ni dzingilozi dzi ngamba kodza gu sayisa wurendra wawe, dzi hungidwe khu makhetshe nya gupindruge, phalani nya gidema, omu Nungungulu a dzi vegidego dzi virela Litshigu nya likhongolo nya gulamudwe.

Gutuledwa 21:27

Dhoropani gakone gima kha gu na bela gilo nya gunyenyeze, ni vathu va girago guvivba ni malipha; aholu va na bela basi vale va lovidwego libhukuni nya womi la Nvutana.