Matewu 21:43 - Bhibhiliya Nya Guage

⁴³ “Khu kharato, nyi ngu mi embelani, kheni: Mu na dzegedwani Mufumo wa Nungungulu wu ningedwa ga lihundzu li na gu thelago mihandro.

Matewu 21:43 Iomraidhean Croise

Ekisodha 19:6

Enu mu na khalani litigo nya vaphasi nya mhamba, litigo li agidego. Aya khu magana u na ya embelago sanana sa Israyeli.”

Isaya 26:2

Tulani malimba gasi vathu va lulamidego, vathu nya gutumbege va ta bela.

Isaya 28:2

Wonani nya gukhenu Pfhumu a na rumela mwama nya ndrena ni tshivba kha nga ndzadzi nya maralala ni phuvbo nya gingulu, yi pfhungumulago kha nga talo nya khongolo nya mati ma khulungago khu tshivba, ma kemba mafu.

Matewu 12:28

Aholu nya gu bani nyi tutumisa maphuvbo nya guvivbe khu tshivba nya Liphuvbo la Nungungulu, giyeyedzo nya gupwani Mufumo wa Nungungulu wu mi vbohedeni.

Matewu 21:41

Va di hakha, khavo: “A nata va songa vatshavbo, nyamba kanakana, a dzega lithembwe a tshiyedza vambe valimi avo va na mu ningago mihandro khu gikhati gi vbwetegago.”

Matewu 21:42

Jesu a di va wudzisa, khuye: “Ina mu si hevbulini milowo, yi gu, khiyo: ‘Giwindri gi nga nyenywago khu vavbahi khigyo gi khadego hungo nya gutshanganise, Silo sesi si giridwe khu Pfhumu; siliwugiso mahoni gwathu.’

Matewu 21:44

[“Uye a na thegelago vbatshani nya giwindri gegi, a na pferuga a gu khala sipandryana, uye a na thegedwago khigyo, gi na mu kuya a gu khala kudzudzwane.”]

Johane 3:3

Jesu a di phindrula, khuye: “Khu lisine, nyi ngu gu embela, kheni: Oyu a na gumba velegwa nyaluphye, gima kha na wona Mufumo wa Nungungulu.”

Johane 3:5

Jesu a di phindrula, khuye: “Khu lisine, nyi ngu gu embela, kheni: Oyu a na gumba velegwa khu mati ni Liphuvbo, kha na dzi kodza gubela Mufumoni wa Ndzadzini.

1 Vakorinto 13:2

Ambari nyiri ni giningwa nya gutshumayele mahungu ya Nungungulu, ni guti satshavbo, ni gupima misihalo yatshavbo, ni gukhodwa gwatshavbo nya gu dzi kodze gu sigula sigomo, nyambana lihaladzo, kha nyiri wa gilo.

1 Pedro 2:9

Aholu, enu mu lifumbu li hathidwego, mu vaphasi va Pfhumu, mu lihundzu li agisedwego Nungungulu, mu vathu mu lumbago uye. Enu mu hathidwe gasi mu huwelela tshivba ya Nungungulu, a mi ranidego mu duga gidemani, muta wenengedzoni gwaye nya gusamadzise.