Matewu 21:3 - Bhibhiliya Nya Guage

³ Uye a mu angulago, mu embeleni, khenu: Khu Pfhumu a dzi vbwetago; a na dzi resa nyamba hwela.”

Matewu 21:3 Iomraidhean Croise

1 Dzipfhumu 17:9

“Khuga, u hongole tigoni ga Sarepita wa Sidhoni, u ya khala iyoyo; nyi leletede nyamayi nya noni gasi a ta gu ninga guhodza.”

Ezira 1:1

Khu mwaga nya guhegule nya gufume ga Kiro, mufumeli wa Perisiya (gasi gu tadzisega magana ya Pfhumu Nungungulu, ma nga dugago khu kanani ga muprofeti Jeremiya). Pfhumu Nungungulu a di khendzugisa liphuvbo la Kiro, mufumeli wa Perisiya, a huwelela tigoni gwaye gwatshavbo bwelo khavbo a lova khu khwepa a ganela, khuye:

Ezira 1:5

Khavbo avbo, va di khuga vathangeli nya dzinyumba dza Judha, ni dza Bhejami, vaphasi nya mhamba ni Valevhi, gumogo ni vatshavbo va nga khendzugiswago khu liphuvbo la Nungungulu gasi va gwele va ya vbaha Nyumba ya Pfhumu Nungungulu, a guromo Jerusalema.

Ezira 7:27

A na rungudzwe Pfhumu Nungungulu wa vababe vathu, uye a vegidego mahungu nya nga aya monyoni ga mufumeli wathu, gasi hi zundza Nyumba ya Pfhumu Nungungulu wa Jerusalema.

Dzindzimo 24:1

Litigo la gu lumba Pfhumu Nungungulu, ni satshavbo si guromo ga ilo, mafu ni vatshavbo va vbanyago mafuni.

Matewu 21:2

“Indrani talalani mule mu gu wonago khavba, mu na ya mana buru na yi hungidwe ni giburwana gyaye. Dzi tshuleni dza dzimbili muta nadzo.

Matewu 21:4

Esi si giregide gasi gu tadzisega mahungu ya muprofeti, a nga khuye:

Johane 17:2

kholu u mu ningide tshivba nya gufumele sivangwa satshavbo, gasi a ninge guvbanya nya gupindruge vatshavbo vale u nga mu ningago.

Johane 3:35

Babe a ngu gola Mwanaye, gambe vegide silo satshavbo mandzani gwaye.

Mithumo 17:25

Gambe kha thumedwi khu mandza nya vathu nga khwatshi a gu keneledwa khu gilo, kholu khuye a ningago ga vatshavbo guvbanya ni guhefemula ni silo satshavbo.

2 Vakorinto 8:16

A na bongwe Nungungulu, a ningidego ligolo monyoni ga Tito, nga eli nyi gu nalo neni khu enu.

2 Vakorinto 8:9

Mu ngu wuti wuhindzi wa Pfhumu yathu Jesu Kristo: Uye a nga bani fumide, a di dzi gira gisiwana khu kota yanu, mufela gu mana gufuma khu kota nya wusiwana waye.

Jakobe 1:17

Satshavbo nya sadi hi hakhidego ni giningwa nya gululame sa guta khu ndzadzini. Satshavbo sa guta khu ga Babe, Muvangi nya satshavbo si wenengedzago ndzadzini. Uye kha vbindrugedzi, gambe gi mwalo gwaye gi yeyedzago gu vbindrugedza.

1 Samuweli 10:26

Sawule nuye a di bwelela gaya gwaye, tigoni ga Gibheya, na gu bangaladzwa khu vama nya masotshwa, avo myonyo yawe yi nga khumbwa khu Nungungulu.