Matewu 21:19 - Bhibhiliya Nya Guage

¹⁹ Na wonide nguyu vbafuvbi ni ndzila, a di hidzimela aholu khaya mana gilo, a di ya mana mahagane basi. Khavbo avbo, a di khuye: “Gima khu na nga velega gambe mihandro kala gupindruga!” Wu di dzegela gu banga.

Matewu 21:19 Iomraidhean Croise

Isaya 5:2

A li limide a dusa siwindri, a gira libhiyo, a yala miuvha nya gutsakise; khu vbakari a di vbaha nyumba nya gukhale avbo ghadhi, a vbaha ni gikhwathi nya gugamele avbo dziuvha; a di gu lindrela gukhuye lithembwe li na velega dziuvha nya dzadi, aholu li di velega dziuvha nya guvave.

Jeremiya 8:13

“Nyi na va vbiyela havo bhi.” A ngu ganela Pfhumu Nungungulu. Kha gu na tshala likandzu vbatshani nya kandzu, ambari lidimwa dimwani ni mahagane ma na wu na; olu nyi rumede avo va na gu ya va sasela.

Matewu 21:20

Vapizane, na va wonide esi, va di liwuga, khavo: “Nguyu yoyu wu di bangisa kharini nugunugu olu?”

Marko 11:14

Khavbo avbo, Jesu a di embela ngure, khuye: “Gu khugela muhuno mwalo a na hodzago gambe mihandro yago.” Vapizane va dipwa magana yaya.

Marko 11:20

Ni dzimindru, na va gu vbindra khu ndzila, va di wona ngure wule na wu bangide ni mikhamba yaye.

Luka 3:9

Gibhewula gyomo tshinani nya misimbo. Khu kharato, simbo watshavbo wu si ningigo mihandro nya yadi wu na kokwa, wu rinywa niloni.”

Johane 15:2

Ni levbini litamo li nyi lumbago, la gumba ninga mihandro, uye a na li pila; gasi lile li ningago mihandro, a ngu li thena, li fela gu ninga mihandro nya yingi.

Johane 15:6

Uye a si khaligo neni, a na vegwa phuvbo, a banga kha nga litamo; matamo nya nga ayoyo ma gu wungedzedwa ma gu vbiswa.

2 Thimoti 3:5

Va na sayisa giemo nya wukhodwa, aholu va ganedza tshivba yakone. Hambana navo vathu vovo.

Tito 1:16

Vari khavo va ngu muti Nungungulu, aholu mithumo yawe yi ngu va ganedza, kholu va tade khu livengo ni gumba yingisa. Kha va kodzi gu gira ni gimwegyo nya gyadi.

Judha 1:12

Vathu vava, khavo va gu gikhuvekiso mitshanganoni gwanu nya wundruye, va gu hodza ni gu leva malevelo nya dzitshoni, nya gukhunguvanyise. Avo va gu dzi havisa vabune wurumba wawe. Va gu khala nga mapfhi nyambana ndzadzi ma pengiswago khu phuvbo; va gu khala nga misimbo yile nya gu, ambari vbamatshigatunu yi si velegigo mihandro; va khade nga misimbo yi sigudwago ni mikhamba yaye, yifa yi banga;

Gutuledwa 22:11

Muthu nyambana ndruda a na simame ni mithumo yaye nya guwegele, muthu nya gunyenyeze a na simame ni gu dzi nyenyezisa gwaye, muthu nya gululame a na simame ni mithumo nya gululame gwaye. Ni uye a agidego a na simame gu dzi agisa.