Matewu 21:15 - Bhibhiliya Nya Guage

¹⁵ Na va wonide siliwugiso a nga bani a gira, ni sanana si nga bani si gulumela Nyumbani ga Nungungulu, khiso: “Hosana ga Mwamana wa Dhavhidhe!” Vaphasi nya vakhongolo ni vahevbudzi nya Nayo va di garadzega, va mu embela, khavo:

Matewu 21:15 Iomraidhean Croise

Isaya 26:11

Mandza yago ma khusegide, Pfhumu Nungungulu, ambari khu guralo, kha va ma woni! Va yeyedze nya gukhuwe u ngu khathalela vathu vago, gasi va khale dzitshoni; va na dagarele khu nilo u wu dongisedego valala vago.

Matewu 20:24

Na va pwide esi, vambe vale nya likhumi, va di wugela vandruye vale va vavili.

Matewu 21:23

Avbo Jesu a nga vboha Nyumbani ga Nungungulu, nari vbakari nya guhevbudze a dita randredwa khu vakhongolo nya vaphasi nya mhamba ni madhota vaya, khavo: “Wa gu yi mana hayi tshivba nya gugire esi? Khu mani a nga gu ninga tshivba yoyo?”

Matewu 21:9

Avo va nga bani va thangide mbeli navo va nga bani va guta khu hwane, vatshavbo va di mu kulungela, khavo: “Hosana ga Mwamana wa Dhavhidhe! A na rungudzwe uye a tago linani la Pfhumu! Hosana vbatshani Ndzadzini!”

Matewu 22:42

“Nga nyi embelani: Kristo gyanana gya mani?” Va di mu hakha, khavo: “Gyanana gya Dhavhidhe.”

Matewu 26:3

Khavbo avbo, vakhongolo nya vaphasi nya mhamba ni madhota va di gira tshangano ndrangani ga Khayifasi, a nga bani ari uye khongolo nya vaphasi vatshavbo.

Matewu 26:59

Vakhongolo nya vaphasi ni phatha watshavbo va di zama gu mu singedza malipha, gasi gu kodza gu mu ninga nandru, va mu songa;

Matewu 27:1

Na gugide, vaphasi vatshavbo nya vakhongolo ni madhota va di gira tshangano nya guvbwete lipindru nya gusonge Jesu.

Matewu 27:20

Gasi vaphasi nya vakhongolo ni madhota va di kutsedzela gidzemo gu va lomba gu tshudwa Bharabhasi, a gu songwa Jesu.

Matewu 9:27

Jesu, na gu khuga khu vbale, a di landrwa khu sikhumu sivili na si gu rana, khiso: “Mwamana wa Dhavhidhe, hi pwele wusiwana.”

Marko 11:18

Vakhongolo nya vaphasi nya mhamba ni vahevbudzi nya Nayo, na va pwide esi, va di vbweta mano nya gu mu songe; aholu va di mu thava kholu vathu vatshavbo va di gu samala sihevbudzo saye.

Luka 20:1

Matshigu yale, Jesu na romo Nyumbani ga Nungungulu a hevbudza vathu ni gu tivisa Mahungu nya Yadi, a di yedwa khu vakhongolo nya vaphasi nya mhamba ni vahevbudzi nya Nayo ni madhota.

Luka 22:2

Vakhongolo nya vaphasi nya mhamba ni vahevbudzi nya Nayo va di vbweta lipindru nya gusonge Jesu, aholu va di gu thava gidzemo.

Luka 22:66

Na gugide, wu di girwa tshangano nya madhota, vakhongolo nya vaphasi nya mhamba, ni vahevbudzi nya Nayo. Va di dzega Jesu vaya naye phathani gwawe.

Johane 11:57

Vakhongolo nya vaphasi nya mhamba ni Vafarisi va di vegide nayo nya gukhavo uye a gutigo avbo a guromo a na tivise, gasi aya modwa.

Johane 12:19

Vafarisi va di embeledzelana, khavo: “Mu ngu wonani nya gukhenu gimwalo gilo nya gugire! Vathu vatshavbo va gu landra uye.”

Johane 4:1

Vafarisi va pwide mahungu nya gupwani Jesu a ngu mana vapizane nya vangi ni gu bhapatisa guvbindra Johane.

Johane 7:42

Ina kha yi ganeli Milowo khiyo Kristo a na dugela nyumbani ya Dhavhidhe, tigoni ga Bhetlehema, a gu umo a nga velegedwa umo Dhavhidhe, gani?”