Matewu 20:30 - Bhibhiliya Nya Guage

³⁰ Avbovbo, sikhumu sivili si nga bani si khade bambe nya ndzila, na si pwide nya gupwani khu Jesu a vbindrago, si di khusedza lito, si gulumela, na si gu lomba, khiso: “Pfhumu, Mwamana wa Dhavhidhe, hi pwele wuhindzi!”

Matewu 20:30 Iomraidhean Croise

Dzindzimo 146:8

Pfhumu Nungungulu a ngu tula maho sikhumu, a gu wusa avo va vbelago tshivba; Uye a ngu gola vale va lulamidego.

Isaya 29:18

Khu litshigu lolo, sivbwiri si napwa mahungu nya libhuku, ni maho nya sikhumu ma guromo gusivbalani nya gidema, ma na wona.

Isaya 42:16

Nyi na gimbidzisa sikhumu khu ndzila si si yitigo, nyi va gimbidzisa khu sindzilana nya gu gima kha sa nga gimbila khiyo, mbeli gwawe nyi na vbindrugedza gidema gi khala guwonegela, ni dzindzila nya sikhidinga dzi na guledzedwa. Silo sesi nyi na si gira satshavbo nyamba tshiya ni gimwegyo.

Isaya 42:18

Enu sivbwiri yingisani, ni enu sikhumu, tulani maho gasi mu kodze gu wona.

Isaya 59:10

Ha gu phiphithela dzindzarini gukhwatshi hi sikhumu, si phiphithelago khu gumbana maho, ha gu tshunganela vbakari nya mihani, gukhwatshi ha gu gimbila gidemani, hi vathu nya tshivba, aholu ha gu fanana ni vathu va fudego.

Matewu 13:4

Na gu swaya, yimbe mbewu, yi di thegela bambe nya ndzila; si dita sinyoni sita yi rothela.

Matewu 15:22

Khavbo avbo, nyamayi moyo nya mukhanani, a nga bani a guta khu phuvbo ga iyoyo, a di phela gu gulumela, khuye: “Pfhumu, Mwamana wa Dhavhidhe, nyi pwele wusiwana. Nyamahegyane wangu a ngu saniswa ngudzu khu liphuvbo nya guvivbe.”

Matewu 20:31

Gidzemo gi di va kawuka, gasi gu va degudza, aholu avo va di mu rana khu tshivba, khavo: “Pfhumu, Mwamana wa Dhavhidhe, hi pwele wuhindzi!”

Matewu 21:14

Ndrani mule nya Nyumba ya Nungungulu a di tedwa khu sikhumu ni sikhurubwa, a gu si vbanyisa.

Matewu 21:9

Avo va nga bani va thangide mbeli navo va nga bani va guta khu hwane, vatshavbo va di mu kulungela, khavo: “Hosana ga Mwamana wa Dhavhidhe! A na rungudzwe uye a tago linani la Pfhumu! Hosana vbatshani Ndzadzini!”

Matewu 22:42

“Nga nyi embelani: Kristo gyanana gya mani?” Va di mu hakha, khavo: “Gyanana gya Dhavhidhe.”

Marko 10:46

Khu hwane, va di hongola dhoropani ga Jeriko, gikhati a nga vbweta guvbindra ni vapizane vaye, gumogo ni gidzemo nya gingi, mwamana wa Timewu nya gupwani khu Bharitimewu, gisiwana nya gikhumu, a di khade bambe nya ndzila na gu lomba zomola,

Luka 4:18

“Liphuvbo la Pfhumu li nyi tshigede, kholu li nyi phasede gasi guya hevbudza sisiwana Mahungu nya Yadi; li nyi rumede guya tivisa dzikhumbi gutshulega gwawe, guya tivisa sikhumu guwoniswa gwawe, ni ga vasaniseki gutshulega gwawe;

Luka 7:21

Gikhati gyogyo furi Jesu a di hawulugisa vathu nya vangi madwali ni gu vbanyisa ava va nga bani va gu saniswa khu maphuvbo nya guvivbe, gumogo ni gu tula maho sikhumu.

Mithumo 2:30

Kha nga a nga bani ari muprofeti a di gu dziti nya gukhuye Nungungulu a di Mu tumbiside khu gusambanya, gu vega vbagikhalotunu gwaye nya wufumu gyanana nya melego waye.