Matewu 20:12 - Bhibhiliya Nya Guage

¹² ‘Ava va nya guhegisela va thumide wora mweyo basi; aholu u va hakhiside idzosaye ni ethu hi nga thumago litshigu rumba na hi dahulekelana khu lihani.’

Matewu 20:12 Iomraidhean Croise

Jona 4:8

Avbo li nga duga lidambo, Nungungulu a di rumela phuvbo nya guvbise nya gute khu Khugadambo, lidambo li di vbisa hungo wa Jona, uye a di titivala, a lomba gufa, khuye: “Avbo gwangu i tshukwana gufa guvbindra guvbanya.”

Malakiya 1:13

Mu engedza gambe, khenu: Hi garade khu satshavbo sesi, aholu mu simama gumba nyi ningani githawo, a ngu ganela Pfhumu Nungungulu nya Tshivba Yatshavbo. Mwa gu nyi reselani sirengo nya gubidwe, nya guhase niso nya gudwale mu ta nyi girelani khiso miphaso; ina mwa gu pimisani gukhenu eni nyi na si hakha na nyi tsakide khu mandzani gwanu, gani? A ngu wudzisa Pfhumu Nungungulu nya Tshivba Yatshavbo.

Malakiya 3:14

“Enu mu na ganela, khenu: Gu na hi phasa ginani gu thumela Nungungulu? Giphaso muni hi gi manago khu gu landrisa milayo yaye, ni gu ambala silendra mbeli ga Pfhumu Nungungulu nya Tshivba Yatshavbo?

Matewu 20:11

Na va hakhide, va di phela gu bhongela mune gipeto, khavo:

Luka 12:55

Ya gu furugedza phuvbo khu Marandzi, mwa gu ganela, khenu: ‘Li na manega lithonga.’ Li gu manega kamwe.

Varoma 3:27

Khu kharato, khu gevbini gilo nya gu dzi gugumugise khigyo muthu? Gimwalo ni gimwegyo. Khu ginani gi gu mwalo? Khu kotani nya mithumo ya Nayo, gani? Ahihi! Aholu khu kotani nya gukhodwe basi.

Varoma 3:30

kholu womo Nungungulu moyo basi, a nga tshanganisago naye va nya gu hana wugwera khu gukhodwa, a tshanganisa gambe va nya mayigo khu gukhodwa.

1 Vakorinto 4:11

Kala na muhuno, ethu hi va gu saniseka khu ndzala ni lidora, hi na ni wuhagadzo, hi ngu veteledwa, hi valegalegi nyambana gaya,

Vaefeso 3:6

Sihalo nyi wu thulago khowu: Khu tshivba nya Mahungu nya Yadi, vale va si gu Vajudha va emisedwe navo guya hengela gumogo ni Vajudha gu hodza thomba Nungungulu a yi vegisedego vathu, kholu avo navo sivbango nya givili gya gimwegyo, gambe va na ni wulanga avba nya gisambanyo gya Nungungulu khu ga Jesu Kristo.

Jakobe 1:11

Kholu, nga olu lidambo li dzurago khu tshivba, wu banga mwasi khu lihani, gu thega genge, wu vbela wumburi watshavbo, kharalo nugo, gi na wu na gitetema umo nya wugwewo waye.