Matewu 2:4 - Bhibhiliya Nya Guage

⁴ Na tombaniside vakhongolo vatshavbo nya vaphasi nya mhamba ni vahevbudzi nya Nayo, a di va wudzisa, khuye: “Khu hayini a na gu velegedwago avbo Kristo?”

Matewu 2:4 Iomraidhean Croise

2 Dzikoronika 34:13

Valevhi vava va di gu wonelela avo va nga bani va rwala mirwalo nya gulemele ni gu gimbidzisa avo va nga bani na va thuma ni wevbini thumo. Vbakari ga va na Levhi gu diromo vambe va nga bani vari valovi, vathangeli ni vawoneleli nya dzinyangwa.

2 Dzikoronika 34:15

Hilikiya, a di embela mulovi Safani, khuye: “Nyi tugude Libhuku nya Nayo Nyumbani ga Pfhumu Nungungulu.” Khavbo avbo, Hilikiya a di ningela Libhuku ga Safani.

2 Dzikoronika 36:14

Vathangeli vatshavbo nya vaphasi nya mhamba ni vathu, va di engedzela ngudzu gu gira mithumo nya guvivbe ya va nya mayigo; va nyenyezisa ni Nyumba ya Pfhumu Nungungulu, iyo a nga bani a yi agiside Jerusalema.

Ezira 10:5

Khavbo avbo, Ezira a di khuga a ema, a sambanyisa vathangeli nya vaphasi nya mhamba, ni va na Levhi ni vatshavbo va na Israyeli, gukhavo va na gira isoso. Avo va di sambanya.

Ezira 7:6

Ezira yoyu a di khuga khu Bhabhiloni; a diri mulovi a wutigo gwadi Nayo wa Mosi.

Nehemiya 12:7

Salu, Amoki, Hilikiya ni Jedhaya; ava khavo va nga bani vari vathangeli nya vaphasi nya mhamba gumogo ni gu thangela vandriyawe matshiguni ya Jesuwa.

Dzindzimo 2:2

Vafumeli nya litigo va wugide, manganagana ma ngu gira gikungo ma wugela Pfhumu Nungungulu ni gihathwa gyaye, khavo:

Jeremiya 8:8

Olu, khu ginani mu ganelago, khenu: Ethu hi nguti, kholu milayo ya Pfhumu Nungungulu yomo gwathu? Wonani nya gukhenu milowo ya valovi vanu, yi vbindrugedzide nayo wu khala malipha.

Malakiya 2:7

Kholu likana la muphasi nya mhamba, li fanede gu sayisa guti, gambe vathu va lirede gupwa nayo khu kanani gwaye, kholu uye ngilozi ya Pfhumu Nungungulu nya Tshivba Yatshavbo.

Matewu 13:52

Khavbo avbo, a di va embela, khuye: “Khu kharato, muhevbudzi watshavbo nya Nayo a hevbudego iso si lumbago Mufumo wa Ndzadzini a ngu fanana ni mune ndranga a dusago khumo nya thomba yaye silo nya siphya niso sa gale.”

Matewu 2:3

Mufumeli Herodhi, na pwide mahungu yaya, a di thuruga, gumogo ni vathu va Jerusalema gwatshavbo.

Matewu 2:5

Va di khavo: “Khu Bhetlehema ga Judheya, kholu khidzo gu nga lowago khidzo khu muprofeti, a nga khuye:

Matewu 21:15

Na va wonide siliwugiso a nga bani a gira, ni sanana si nga bani si gulumela Nyumbani ga Nungungulu, khiso: “Hosana ga Mwamana wa Dhavhidhe!” Vaphasi nya vakhongolo ni vahevbudzi nya Nayo va di garadzega, va mu embela, khavo:

Matewu 21:23

Avbo Jesu a nga vboha Nyumbani ga Nungungulu, nari vbakari nya guhevbudze a dita randredwa khu vakhongolo nya vaphasi nya mhamba ni madhota vaya, khavo: “Wa gu yi mana hayi tshivba nya gugire esi? Khu mani a nga gu ninga tshivba yoyo?”

Matewu 26:3

Khavbo avbo, vakhongolo nya vaphasi nya mhamba ni madhota va di gira tshangano ndrangani ga Khayifasi, a nga bani ari uye khongolo nya vaphasi vatshavbo.

Matewu 26:47

Na nga guganela, a di bela moyo nya vale nya likhumi na vavili, nari ni libutho nya likhongolo nya vathu, va nga rumedwago khu vakhongolo nya vaphasi ni madhota, na vari ni matshari ni sighomba.

Matewu 27:1

Na gugide, vaphasi vatshavbo nya vakhongolo ni madhota va di gira tshangano nya guvbwete lipindru nya gusonge Jesu.

Matewu 7:29

Kholu a di gu va hevbudza kha nga uye a gu ni fanelo nya guhevbudze, nasiri kha nga vahevbudzi nya Nayo.

Marko 8:31

Khavbo avbo, a di phela gu va hevbudza, khuye: “Mwamana wa Muthu a na ni fanelo nya gusaniseke ngudzu, a gu nyenywa khu madhota, ni vakhongolo nya vaphasi nya mhamba, ni vahevbudzi nya Nayo, a songwa. Aholu, khu litshigu nya wuraru a na wuga.”

Luka 20:19

Avbovbo, vahevbudzi nya Nayo ni vakhongolo nya vaphasi nya mhamba va di vbweta gu mu mola, aholu va di thava gidzemo, kholu va di wona nya gukhavo gipimaniso gile gi di thula avo.

Luka 23:10

Vakhongolo nya vaphasi nya mhamba ni vahevbudzi nya Nayo va nga bani va romo avbovbo, va di simamisa gu mu ketsari.

Johane 18:3

Judha a di vbelegedza tsawa nya masotshwa ni dzindruna dzi nga rumedwago khu vaphasi nya vakhongolo ni Vafarisi, vari ni myenge ni matshari.

Johane 3:10

Jesu a di phindrula, khuye: “Uwe u gu Muhevbudzi tigoni ga Israyeli, khu mati mahungu yaya, gani?

Johane 7:32

Vafarisi va dipwa gu ganedzisana nya gidzemo khu kotani ya Jesu; vakhongolo nya vaphasi nya mhamba ni Vafarisi va di rumela dzindruna gasi guya mu mola.

Johane 8:3

Nari vbakari nya guhevbudze, vahevbudzi nya Nayo ni Vafarisi va di mu resela nyamayi moyo a nga manwa na gu bhaya. Na va mu vegide vbakari gwawe,

Mithumo 23:9

Khavbo avbo, li di wuga ligwaha nya likhongolo. Vambe vahevbudzi nya tsawa nya vafarisi va di khuga va gu ganedza khu tshivba, khavo: “Kha hi mani gighoho ga muthu yoyu! Ahati nari liphuvbo, mwendro ngilozi gya Nungungulu gi nga ganelago naye?”

Mithumo 4:5

Khu mindru gakone, vakhongolo nya Vajudha ni madhota ni vahevbudzi nya Nayo, va di gira tshangano Jerusalema.

Mithumo 6:12

Va di kutsedzela vathu, madhota ni vahevbudzi nya Nayo, va ta mu mola va mu yisa Phathani.