Matewu 2:2 - Bhibhiliya Nya Guage

² Va di ya wudzisa, khavo: “Mufumeli wa Vajudha a ngarigu gu velegwa, a gu manegela hayi? Hi wonide nyeledzi yaye khu Khugadambo, hi dzude gasi guta mu khozela.”

Matewu 2:2 Iomraidhean Croise

Dzindzimo 2:6

“Kheni nyi nga emisa mufumeli wangu vbatshani nya gigomo gyangu nya gukatege gya Siyoni.”

Dzindzimo 45:11

Khu wumburi wago, Mufumeli a vbede mapimo yaye yatshavbo; noga mbeli gwaye; kholu uye khuye mune wago.

Isaya 60:3

Mayigo ma na mana wenengedzo wago, ni vafumeli va na wona gungangamela nya wuronga wago.

Jeremiya 23:5

Pfhumu Nungungulu a ngu ganela, khuye: “Wonani, ma nguta matshigu nyi na bugiselago Dhavhidhe pfhundre nya gululame; uye a na khala mufumeli, a na fumelago khu wugengeli ni guti, gambe a na lamula vathu khu nongameto.”

Jeremiya 30:9

“Va na thumela Eni Pfhumu Nungungulu wawe, va thumela gambe Dhavhidhe, mufumeli wawe, uye nyi na gu mu hathago vbakari gwawe.”

Zakariya 9:9

Nengela ngudzu uwe nyamahegyane wa Siyoni; womba kulungwane nya gutsake uwe nyamahegyane wa Jerusalema; wona, Mufumeli wago a nguta gwago, uye a lulamide gambe Muvbanyisi, gisiwana, a nguta na khilede buru, avbo nya giburwana, gyanana nya buru nya ngadzi.

Mitengo 24:17

Eni nyi ngu mu wona, aholu khandri olu, nyi na mu khedza, aholu nasiri khu vbafuvbi; gu na duga nyeledzi khavbo ga Jakobe ni ndronga nya wufumu khavbo ga Israyeli. Yi na khungumula mihungo ya va na Mowabhi, yi mbembisa sanana satshavbo sa Seti.

Matewu 2:3

Mufumeli Herodhi, na pwide mahungu yaya, a di thuruga, gumogo ni vathu va Jerusalema gwatshavbo.

Matewu 21:5

“Embelani nyamahegyane wa Siyoni. Khenu khedza Mufumeli wago, a gu telago khu gurula, na khilede giburwana, gyanana nya buru.”

Matewu 27:11

Jesu a di yiswa ga mwamangulu Pilato, a ngaya mu wudzisago, khuye: “Khuwe uwe Mufumeli wa Vajudha?” Jesu a di mu hakha, khuye: “U ganede idzo.”

Luka 19:38

khavo: “A na rungudzwe Mufumeli atago khu lina la Pfhumu! Gurula Ndzadzini, ni gidhumo ga Nungungulu!”

Luka 2:11

Muhuno olu, Dhoropani ga Dhavhidhe mu velegedwe Muvbanyisi wanu, a gu Kristo, Pfhumu.

Luka 23:3

Pilato a di mu wudzisa, khuye: “Ina kamwe uwe khuwe Mufumeli wa Vajudha, gani?” Jesu a di mu hakha, khuye: “Khidzo uwe u ganelago.”

Luka 23:38

Khu vbatshani gwaye gu di lovidwe milowo khu gigereki ni Gihebheru, pwani: “OYU KHU MUFUMELI WA VAJUDHA.”

Johane 1:49

Natanayeli a di mu hakha, khuye: “Rabi! Uwe u Mwamana wa Nungungulu; u Pfhumu ya na Israyeli.”

Johane 12:13

va di dzega matamo nya migindru, va mu khinga, na va gu emba, khu lito limwedo, khavo: “Hosana! A na rungudzwe uye atago khu lina la Pfhumu! A na rungudzwe Pfhumu ya na Israyeli!”

Johane 18:37

Pilato a di khuye: “Gasi kamwe u Mufumeli?” Jesu, khuye: “Nya nga ulo u ganelago! Eni nyi Mufumeli! Nyi velegedwe isoso; khiso nyi si tedego mafuni, gasi guta ninga wufakazi nya lisine. Uye a gu wa lisine a ngupwa lito langu.”

Johane 19:19

Pilato a di lova gitiviso, a gi namega vbatshani nya gihambano. A di lovide, khuye: “JESU WA NAZARETA MUFUMELI WA VAJUDHA.”

Johane 20:28

Tomasi a di khuye: “Pfhumu yangu, Nungungulu wangu!”

Johane 5:23

gasi vatshavbo va rungudze Mwamana kha nga idzo va rungudzago khidzo Babe. Uye a si rungudzigo Mwamana kha rungudzi Babe a nga mu rumelago.

Johane 9:38

A di mu hakha, khuye: “Pfhumu, nyi ngu khodwa.” A di khidzima migondroni gwaye.

Vahebheru 1:6

Gikhati Nungungulu a nga rumelago Mwamana waye wa moyo, a di ganela gambe, khuye: “Dzingilozi dzatshavbo dza Nungungulu dzi na mu khozele.”

Gutuledwa 22:16

“Eni Jesu, nyi rumede ngilozi yangu umo nya mabandla, gasi guta mi fakazela silo sesi. Eni nyi Khamba ni Mbewu nya lihundzu la Dhavhidhe, nyi Thandra nya Wuronga nya guwenengedze ngudzu.”