Matewu 2:11 - Bhibhiliya Nya Guage

¹¹ Va di bela nyumbani, vaya wona gyanana ni mayi waye Mariya; va di khidzima va gi khozela; va di tula sikhwama sawe, va gi luva khu ndralama, khu libani ni mafura.

Matewu 2:11 Iomraidhean Croise

Genesi 43:11

Babe waye, Israyeli, a di khuye gwawe: “A gu bani ari kharato, ma tshambide! Girani, kharati: Thelani somboni gwanu mihandro yile nya yadi ya tigoni gwathu mu ya ningani mwama yoyo kha nga ndruwo: Mafura, wulombe, mafura nya gunungele, dzimendrwa, mavbudzu ni dzikarusu.

1 Dzipfhumu 10:10

Hwane nya ugo, a di ningela ga mufumeli, lizana ni magumavili (120) dzitaleta nya ndralama, ni mafura nya mangi nya gunungele, ni siwindri nya lisima nya gukhedzige; gima ni litshigu limwedo kha gu ngata mafura nya gunungele nya mangi ngudzu, kha nga ayo Pfhumugadzi ya Sabha a nga reselago mufumeli Solomoni.

1 Dzipfhumu 10:2

A di vboha Jerusalema nari ni gikwata nya gingi nya dziphelegedzi, ni dzingameriya na dzi rwade mafura nya gunungele ni ndralama nya yingi ni siwindri nya lisima nya gukhedzige. Na vbohide ga Solomoni, a di mu wudzisela satshavbo si nga bani si tade monyoni gwaye.

Dzindzimo 2:12

Khidzimani mawundruni ga mwamana gasi a si gorogi, mu si mbembi na mu ngari ndzilani, kholu hwane nya gikhatinyana a na tala khu likhulo. Va kategide vatshavbo vale va thavelago gwaye.

Dzindzimo 45:8

Guambala gwago gwatshavbo gu ngu bhumudziswa khu mafura nya mira, haluwe ni kasiya. Dzindzimo nya guembeledwe khu sitendre dzi ngu tsakisa dzinyumbani ga vafumeli, nya gugirwe khu magwaha nya dzindzofu.

Dzindzimo 72:10

Vafumeli va Tarisisi ni va sidwani va na rese miningelo nya gu mu luve; vafumeli va Sabha ni va Sebha, va na mu resele miningelo.

Dzindzimo 72:15

A na vbanye mufumeli, a na hakhe ndralama ya Sabha; va na mu girele milombelo khavbo gu si vbeligo, matshigu yatshavbo a kategiswa khu Nungungulu.

Dzindzimo 95:6

Deluni hi ta khidzima hi lombelela Pfhumu Nungungulu. Kholu khuye muvangi wathu.

Ekisodha 30:23

“Dzega misimbo yile u yitigo gukhuwe khiyo nya gunungele gwadi ga misimbo yatshavbo: Mahwe nya mira nya gulemele livbandre mazana (500) dzisekeli; ni kinamomo nya gunungele nya mazana mavili ni livbandre magumi (250) dzisekeli, ni bandrwa nya gubhumule gwadi, nya mazana mavili ni livbandre magumi dzisekeli;

Ekisodha 30:34

Pfhumu Nungungulu a di engedza a embela Mosi, khuye: “Vbweta misimbo nya gunungele, mitshafura, libani, ni simbe sinungedziso nya guhambanelane u pima satshavbo khu pimo moyo.

Gizimba 3:6

Wuyelelo —Gasi ginani egi gi tago khu giwulani nya nga madingo nya wutshi, nya nga gunungela nya mafura ni libani, nya gufanane ni mafura yatshavbo ya varengisi.

Isaya 60:6

Dzingameriya nyambana tengo, dzi na fenengedza litigo lago, ni marole nya dzingameriya dza Medhiyani ni Efa. Va nata vatshavbo khu Sabha, na va rwade ndralama ni libani, na va gu embelela wudhumo wa Pfhumu Nungungulu.

Levhi 6:15

Moyo nya vaphasi nya mhamba a na baga gyandza nya wuguvbi nya ningelo ni mafura ni libani latshavbo, a vbisa vbatshani nya giluvelo, kha nga gialakanyiso nya phaso nya gunungele gwadi wu salalegisa Pfhumu Nungungulu.

Malakiya 1:11

Aholu gukhugela Khugadambo kala Muhwadambo. Lina langu likhongolo ngudzu vbakari nya mayigo; malangani gwatshavbo va ngu nyi rungudza, va vbisa libani khu lina langu, va nyi girela miphaso yi agidego, kholu lina langu likhongolo vbakari nya mayigo, a ngu ganela Pfhumu Nungungulu nya Tshivba Yatshavbo.

Mitengo 7:14

ni gimbiyana gimwegyo nya ndralama nya gulemele likhumi dzisekeli, na gi tade khu libani;

Mitengo 7:86

avbo nya likhumi na sivili simbiyana nya gutale khu libani, gimbiyana ni gimbiyana gi di gu lemela likhumi dzisekeli, mayelano ni pimo wa Wulangani nya Guage; ndralama yatshavbo nya simbiyana yi di enedza pimo nya lizana ni magumavili (120) dzisekeli;

Matewu 1:18

Guvelegwa ga Jesu Kristo gu di girega, kharati: Mariya mayi waye, a nga bani a tumbisidwe khu Josefe, a di khura mimba khu tshivba nya Liphuvbo nya Guage, nasi gu tshangani ni mwama waye.

Matewu 12:46

Na nga guganela vbakari nya gidzemo, a di vboha mayi Waye ni vandriyaye, va ngata khalago khu vbavbandze, na va vbweta gu ganela naye.

Matewu 14:33

Vatshavbo va nga bani varomo ngalavani, va di khidzima migondroni ga Jesu, va gu mu embela, khavo: “Khu lisine u Mwamana wa Nungungulu!”

Matewu 2:10

Na va wone nyeledzi yile, va di tala khu gunengela.

Matewu 2:2

Va di ya wudzisa, khavo: “Mufumeli wa Vajudha a ngarigu gu velegwa, a gu manegela hayi? Hi wonide nyeledzi yaye khu Khugadambo, hi dzude gasi guta mu khozela.”

Luka 2:16

Khavbo avbo, va di hongola khu guvbiredza, vaya mana Mariya ni Josefe ni gyanana, na gi ladzisidwe mugighowoloni.

Luka 2:38

Uye nuye a di vboha khu gikhati gile, a di dhumisa Nungungulu gumogo ni gu ganela khu gyanana gile ga vatshavbo va nga bani va gu lindrela guvbanyiswa ga Jerusalema.

Johane 19:39

A diya nuye Nikodhemo, wule a nga hongola aya bhula ni Jesu ni vbakari nya wutshigu, ni gipimo nya magumararu dzikilu nya mafura nya mira ni alowe.

Gutuledwa 19:10

Eni nyi di thega migondroni gwaye gasi gu yi khozela. Aholu, iyo yi di nyi embela, khiyo: “Ahihi! Wona gwadi! Eni nyi githumi kha nga uwe ni vandriyago vatshavbo va girago wufakazi wa Jesu. Nungungulu khuye basi a fanelago gu khozedwa.” Khu lisine, wufakazi wa Nungungulu khu liphuvbo nya wuprofeti.

Gutuledwa 5:8

Na gu hakha libhuku, sirengo sile sa sina ni madhota yale nya magumavili na mana ma di khidzima mbeli ga Nvutana, mari ni sitendre ni sikombe nya gugirwe khu ndralama na si tade khu libani, a gu milombelo nya sihathwa.

1 Samuweli 10:27

Aholu vathu nya guvivbedwe khu monyo, va di ganela, khavo: “A na dzi kodza kharini gu hi vbulugisa mwama yoyu?” Va di mu kanyisa va si dzumeli gu dusa miningelo va mu luva. Aholu Sawule kha nga khathala khavo.