Matewu 19:9 - Bhibhiliya Nya Guage

⁹ Eni nyi ngu mi embelani, kheni: Uye a hulago mwangadzi waye, vbavbandze nya dzegano nya guloledziswe, a gu dzega wa walo, a ngu bhaya, uye a dzegwago khuye a nuye a ngu bhaya.”

Matewu 19:9 Iomraidhean Croise

Genesi 20:3

Aholu Nungungulu a di embela Abhimeleki khu ndroroni ni wutshigu, khuye: “U nafa khu kotani nya nyamayi u dzegidego, kholu ngadzavane.”

2 Dzikoronika 21:11

Uye giride gambe malanga nya gukhugege musigomoni sa Judha, a kutsedzela va na Judha ni vavbanyi va Jerusalema gu ndreya ndzilani; a ghohisa kharati va na Judha.

Jeremiya 3:1

Gu ngu ganedwa gupwani: “Mwama a gu hula mwangadzi waye, nyamayi yoyu aya dzegwa khu mumbe mwama, ina gu ngu kodzega gu bwelo khavbo ata hakhwa khuye nya guphele, gani? Ina kha na nga nyenyezisa litigo latshavbo, gani? Uwe u dzi ningedego ga sibhayi nya singi, ina uwe u ngu dzi kodza gu bwelelela gambe eno gwangu, gani?” A ngu wudzisa Pfhumu Nungungulu.

Jeremiya 3:8

U mu wone Israyeli idzo nyi nga mu tutumisa khidzo khu kotani nya wuphuphulu a wu giridego, nyi mu ningide Mosi, khu kotani nya sighoho saye, nyi wonide gukheni ndriyaye Judha nyamba tumbega, a di gira nuye wuphuphulu nyamba thava gilo.

Ezekiyeli 16:15

Aholu uwe u di dzega ndruma nya wumburi wago, u dzi gira liphuphulu, u di gu bhaya ni vavbindri vatshavbo nya ndzila, va khala vago.

Ezekiyeli 16:29

Matshigu hwane, u engedzede wuphuphulu wago khu gu bhaya ni vathu va tigoni ga Khanani kala Kalidhiya, a gu vathu nya mabhindzu, ambari khu kharato, khwa nga kodwa.

Ezekiyeli 16:8

Khu hwane nya ugo, nyi di vbindra khu vbafuvbi gwago, nyi di gu khedza nyi gu wona gukheni u diri ni tanga nya guenele gu liti lihaladzo; khavbo avbo, nyi di thawuludza gifenengelo, nyi fenengedza wumbwiri wago. Nyi di gira gisambanyo ni gu hunga gidzumeledzwano nago gasi gu gu dzega; a ngu ganela Mune Pfhumu Nungungulu.

Matewu 19:10

Vapizane va di mu embela, khavo: “A gu bani ari isoso siguruvedzo nya mwama ni mwangadzi waye, gwadi khu gumba dzega!”

Matewu 19:8

Jesu a di phindrula, khuye: “Mosi, a di mi dzumedzisani gu hula vagadzi vanu, khu kotani nya guvivbe nya myonyo yanu; aholu guhegulani khandri kharato.

Matewu 5:32

Gasi eni nyi ngu mi embelani, kheni: Watshavbo uye a hulago mwangadzi waye, vbavbandze nya wubhayi a ngu mu girisa gibhayi. Mwama a na mu dzegago a na khala nuye gibhayi.

Luka 16:18

“Muthu watshavbo a hulago mwangadzi waye, a dzega mumbe, a ngu bhaya; oyu nuye a dzegago nyamayi nya guhudwe, a ngu bhaya.”

1 Vakorinto 5:1

Gu pwade ndruma khu mahungu nya wubhayi wu guromo vbakari gwanu, wubhayi nya guthise wu si tidwigo ambari khu va nya mayigo; gupwani moyo wanu dzegide mwangadzi wa babe waye.

1 Vakorinto 7:39

Nyamayi a dzegidwego hungidwe khu nayo na nga gu vbanya mwama waye. A gufa mwama waye, nyamayi tshulegide; a ngu dzi kodza gu dzegwa khu mwama a munago. Egi gi vbwetegago basi khu gu a dzegwe khu mwama nya mukhodwa, nayoni wa Pfhumu.

1 Vakorinto 7:4

Mwangadzi kha fumeli givili gyaye, kholu gya gu lumba mwama waye. Khidzo gambe kharato, mwama kha fumeli givili gyaye, kholu gya gu lumba mwangadzi waye.