Matewu 19:5 - Bhibhiliya Nya Guage

⁵ Bwelo khavbo a ganela, khuye: Khu kharato, mwama a na diga babe ni mayi aya patana ni mwangadzi waye, va gu khala va vavili nyama mweyo, gani?

Matewu 19:5 Iomraidhean Croise

Genesi 34:3

Monyo wa Sikemi wu di dandramela ga Dhina nyamahegyane wa Jakobe, a di mu haladza ngudzu a gu ganela naye khu gwadi.

2 Samuweli 1:26

Nyi ngupwa wuvi khuwe, ndriyangu Jonatane; u diri gigodwa gyangu! Nyi di nengedziswa khu lihaladzo lago, gu vbindra ni lihaladzo nya vanyamayi.

1 Dzipfhumu 11:2

Vanyamayi vovo va di gu dugela ga mafumbo yale Pfhumu Nungungulu, a nga layago va na Israyeli, khuye: “Mu nga dzegini vanyamayi vawe va khala vagadzi vanu, ni avo navo, va nga dzegi vanyamahegyane vanu, va khala vagadzi vawe; kholu, khu lisine, va na ndreyisa myonyo yanu yi landrela vanungungulu vawe.” Aholu, Solomoni a di haladzana navo.

Dzindzimo 45:10

Upwa, nyamahegyane; wona u yingisa gwadi; diga vathu vago, u va divala gumogo ni ndranga ya babe wago.

Dzindzimo 63:8

Nyi ngu namarela gwago khu hefemulo wangu watshavbo, mandza yago ya nyamudye ma ngu nyi seketela.

Malakiya 2:15

Ina uye kha mi tshanganisa mu khala mili moyo basi khu nyama ni liphuvbo, gani? Sa gu tshamusedwa ginani gupwa muthu moyo basi, a gu vbweta ginani? Uye a di vbweta livelego la vathu va nya gululama; khu guralo, dzi vegedzeni guvbanyani gwanu, a nga manegi ni wa gumba tumbega ga mwangadzi wa wudzahani gwaye.

Matewu 19:6

Khu kharato, khandri vavili gambe, aholu nyama mweyo basi. Nari kharato, muthu kha dzi kodzi gu tshula egi gi hungidwego khu Nungungulu.”

Varoma 12:9

Lihaladzo lanu li na khale lihaladzo nya lisine, nyamba pembeledzela. Nyenyani guvivba mu gira nya sadi.

1 Vakorinto 6:16

Ina mwa gu hangwa khu gukhenu oyu a dzi tshanganisago ni gibhayi a gu khala mili moyo nagyo, gani? Milowo nya Guage yari, khiyo: “Va vavili va na khala nyama mweyo basi.”

1 Vakorinto 7:2

Aholu khu kota nya wubhayi, mwama ni mwama a na khale ni mwangadzi waye, nyamayi ni nyamayi nuye ni mwama waye.

1 Vakorinto 7:4

Mwangadzi kha fumeli givili gyaye, kholu gya gu lumba mwama waye. Khidzo gambe kharato, mwama kha fumeli givili gyaye, kholu gya gu lumba mwangadzi waye.

Vaefeso 5:31

“Khu kharato, mwama a na diga babe ni mayi, waye aya patana ni mwangadzi waye. Va vavili va na khala muthu moyo basi.”

Dhewuteronome 10:20

U na ninga githawo Pfhumu Nungungulu wago, u khozela Uye basi, u namarela avbo gwaye, u sambanya khu lina laye.

Dhewuteronome 11:22

Kholu, mwa gu vegedzani milayo yeyi yatshavbo nyi mi leletelago gasi mu yi vegedza, mu haladza Pfhumu Nungungulu wanu, mu gimbila khu dzindzila dzaye dzatshavbo, na mu gu dzi ningedzela gwaye,

Dhewuteronome 4:4

Khu guralo, enu mu simamide gutumbega ga Pfhumu Nungungulu wanu, muhuno, enu mwatshavbo mu nga gu vbanya.

1 Samuweli 18:1

Hwane nya mabhulo yaya ya Dhavhidhe ni Sawule, Jonatane a di manega na gu gola ngudzu Dhavhidhe; Jonatane a di gola Dhavhidhe kha nga idzo a dzi golago khidzo wurumba waye.

1 Samuweli 25:43

Dhavhidhe a di dzegana gambe ni Ayinowami, wa Jezireyeli, vatshavbo va di khala vagadzi vaye,