Matewu 19:28 - Bhibhiliya Nya Guage

²⁸ Jesu a di va hakha, khuye: “Khu lisine nyi ngu mi embelani: Mufumoni wa Nungungulu, gikhati Mwamana wa Muthu a na khalago vbagikhalotunu gwaye nya gutale khu gidhumo, enu mu na nyi landrela, mu na khalani vbasikhalotunu, gasi gu lamulani mahundzu yatshavbo nya likhumi na mavili ya Israyeli.

Matewu 19:28 Iomraidhean Croise

1 Dzipfhumu 18:31

Khu hwane a di dzega likhumi na sivili siwindri, mayelano ni tengo nya sanana sa Jakobe, a nga embedwago khu Pfhumu Nungungulu, khuye: “U na ranwa pwani khuwe Israyeli.”

2 Dzikoronika 9:19

Ni mudzibambe nya livbandre na gimwegyo sigandro, gu diri ni likhumi na dzimbili dzinghala; iso si nga bani si si gu girwi khu mumbe mufumeli.

Ezira 6:17

Va di gira miningelo nya guagise Nyumba yeyi ya Nungungulu khu lizana dzimombe (100), mazana mavili dzihamba (200), mazana mana dzinvuta (400), ni likhumi na dzimbili dziphongo, gasi gu gira phaselo nya gutsetseledwe gighoho gya vatshavbo va na Israyeli, mayelano khu tengo nya mahundzu ya na Israyeli.

Ekisodha 15:27

Khavbo avbo, va di vboha wulanga wu ranwago pwani Elimi, gu nga bani guromo avbo likhumi na sivili sifefe nya mati ni livbandre na mavili magumi migindru; va di tsitsa avbo mitshatsha yawe vbafuvbi ni mati.

Ekisodha 24:4

Mosi a di lova magana yatshavbo ya Pfhumu Nungungulu. A di wuga ni dzimindru ngudzu, a gira giluvelo vbavbatshi nya gigomo, a di vbaha likhumi na mavili madingo, gukhedza khu likhumi na mavili mahundzu ya Israyeli.

Ekisodha 28:21

gu na bani guri likhumi na sivili siwindri gukhedza khu malina ya sanana sa Israyeli. Avbo nya giwindri ni giwindri gu na lowa lina limwedo nya yale nya likhumi na mavili mahundzu ya na Israyeli. Malina ma na khu gu khandrwa kha nga gifungo.

Isaya 65:17

Wonani! Nyi na vanga ndzadzi yiphya ni mafu maphya, gasi silo sa gale mu si si dundrugi, ambari gu si alakanyela gambe.

Isaya 66:22

Kha nga olu ndzadzini nya guphya ni litigo nya liphya, nyi na gu si girago, si na khalago mbeli gwangu, kharato nilo livelego lanu ni lina lanu li na khala kharato gikhati gyatshavbo, a ngu ganela Pfhumu Nungungulu.

Levhi 24:5

U na dzega gambe wuguvbi nya gudadatwe u phula khuwo likhumi na sivili sibaba, gibaba ni gibaba gi na dzega mipimo mivili nya gipandre nya likhumi nya efa.

Matewu 16:27

Kholu Mwamana wa Muthu a nata ni dzingilozi dza Nungungulu, na tade khu gidhumo gya Babe waye, ata ninga moyo ni moyo, tshatshazelo waye gukhedza khu mithumo yaye.

Matewu 19:27

Pedro a di khusa lito a mu embela, khuye: “Ethu hi digide silo sathu satshavbo hi gu landra. Libhaso muni hi na gu li manago?”

Matewu 20:21

Jesu a di mu wudzisa, khuye: “Wa guvbweta ginani?” Uye a di mu hakha, khuye: “Dzumela gukhuwe, mufumoni gwago, sanana sesi sangu sa sivili, si khale gimwegyo khu nyamudye, gimbe khu nyambade gwago.”

Matewu 25:31

“Gikhati Mwamana wa Muthu a na gu tago na tade khu gidhumo gyaye, nari ni satshavbo sihathwa ni dzingilozi dzatshavbo, gumogo naye a nata khala vbagikhalotunu gwaye nya wufumu.

Matewu 6:33

Aholu, guphela dwanelani Mufumo wa Nungungulu ni gugola gwaye; gasi simbe mu na ningwa khu gu engedzedwa.

Matewu 8:20

Jesu a di mu hakha, khuye: “Migehe yi na ni mavbala yawe; sinyoni sa damboni si na ni sihaga sawe. Aholu Mwamana wa Muthu mwalo avbo nya gukhihimele hungo waye.”

Marko 10:37

Avo va di mu hakha, khavo: “Hi dzumedzise gu khala wudhumoni gwago, mumbe khu nyamudye, mumbe khu nyambade gwago.”

Mithumo 3:21

Uye a fanelago gu hakhwa Ndzadzini kala gu vboha matshigu nya guwusedzwe silo satshavbo a nga tivisago Nungungulu gukhugela gale khu magana ya vaprofeti nya gukatege.

2 Thimoti 2:12

Ha gu saniseka gumogo naye, hi na fuma naye. Ha gu mu danga, uye nuye a na hi danga.

Josuwa 3:12

Hathani likhumi na vavili vama va na Israyeli, khu lihundzu ni lihundzu.

2 Pedro 3:13

Aholu, khu kotani nya gitumbiso gya Nungungulu, ethu hi ngu lindrela ndzadzi yiphya ni mafu maphya, umo gu guromo gululama.

Gutuledwa 11:16

Madhota yatshavbo nya magumavili na mana ma khadego vbasikhalotunu gwawe nya wufumu mbeli ga Nungungulu, ma di noga kala vbavbatshi, ma gu khozela Nungungulu,

Gutuledwa 12:1

Gi di tumbuluga giwoniso nya gikhongolo ndzadzini: Nyamayi nya gukari na ambade lidambo, na gandride ngima vbavbatshi nya migondro yaye. Hungoni gwaye a diri ni gihugu nya gulugwe khu likhumi na dzimbili dzinyeledzi.

Gutuledwa 20:4

Nyi di wona gambe mihefemulo ya vale va nga songwago kholu va nga tumbegago khu gu fakaza Jesu ni Mahungu ya Nungungulu. Avo kha va nga khozela girengo ambari gifananiso gyaye, gambe kha va dzumela gu vegwa gifungo gyaye vbagiwombotunu ambari mandzani. Avovo va wugide va vbanya, va gu fuma gumogo ni Kristo gipimo nya likhumi mazana (1.000) myaga.

Gutuledwa 21:5

Wule a khadego vbagikhalotunu nya wufumu a di tivisa, khuye: “Eni nyi ngu gira siphya silo satshavbo.” A engedza gambe, khuye: “Lova kholu magana yaya ma tumbegide, gambe khya lisine.”

Gutuledwa 22:2

Vbakari nya tendrela waye, khu maphuvbo ya mavili nya tsongo womo simbo nya womi wu velegago mihandro, likhumi na dzimbili dzinyondro, khu ngima ni ngima, gu velega. Gasi mahagane yakone rendre nya guhawulugise vathu vatshavbo.

Gutuledwa 22:5

Gima kha gu na manega gambe wutshigu; kha gu na vbwetega safa nya mwenge, ambari guwenengedza nya lidambo, kholu Pfhumu Nungungulu a na wenengedza vbatshani gwawe, avo va na fuma khu gupindruga nya gupindruge.

Gutuledwa 3:21

“Wule a na palago nyi na mu dzumedzisa gu khala naye vbagikhalotunu gwangu nya wufumu kha nga eni neni nyi nga palago nyi khadego vbagikhalotunu nya wufumu wa Babe wangu.

Gutuledwa 4:4

Na si randrede gikhalo gegi nya wufumu, si diromo magumavili na sina sikhalo nya wufumu, avbo gu nga bani gu khade magumavili na mana madhota, ma na ambade dzingandzu nya guage ni sihugu nya wufumu, nya gugirwe khu ndralama.

Gutuledwa 7:4

Khavbo avbo, nyi di pwa tengo nya vale va nga bani va lovidwe gifungo, a gu lizana ni magumana na mana magumi mazana (144.000) nya vathu va lumbago mahundzu yatshavbo nya sanana sa Israyeli: