Matewu 19:23 - Bhibhiliya Nya Guage

²³ Khavbo avbo, Jesu a di embela vapizane vaye, khuye: “Khu lisine nyi ngu mi embelani, gukheni: Gu na garadza ngudzu ga muthu nya gitetema gu bela Mufumoni wa Ndzadzini.

Matewu 19:23 Iomraidhean Croise

Mavingu 11:28

Uye a tumbago thomba yaye a na theswa khiyo, aholu avo valulamidego va na nyuga kha nga simbo wu thelago nyenvu.

Matewu 13:22

Mbewu yi nga thegela mibani, khu wule a pwago mahungu; aholu sigaradzo nya guvbanye ni dzithomba nya mafu si midza mahungu, ma hegisago khu gumba thela gilo.

Matewu 18:3

“Khu lisine nyi ngu mi embelani, kheni: Mwa gumba vbindrugedza mu khala nga sanana, gima kha mu na bela Mufumoni wa Ndzadzini.

Matewu 19:22

Na li pwide mahungu yaya, lidzaha lile li di hongola na li gutshaniseka monyoni, kholu li diri ni dzithomba nya dzingi.

Matewu 21:31

Khu wevbini nya ava va vavili a nga girago guhaladza ga babe wule?” Va di hakha, khavo: “Khuye nya guphele.” Jesu a di va embela, khuye: “Khu lisine nyi ngu mi embelani, kheni: Vakhuphisi ni maphuphulu va na mi thangela Mufumoni wa Ndzadzini.

Matewu 5:20

Kholu nyi ngu mi embelani; gululama gwanu gwa mba vbindra ugo nya vahevbudzi nya Nayo ni Vafarisi, gima kha mu na bela Mufumo wa Ndzadzini.

Marko 10:23

Jesu, na va khedziside gwadi vatshavbo, a di embela vapizane vaye, khuye: “Gu ngu garadza ngudzu gubela Mufumoni wa Ndzadzini ava va gu ni dzithomba!”

Luka 18:24

Na mu wonide kharati, Jesu a di khusa lito, khuye: “Gu ngu garadza ngudzu gu bela Mufumoni wa Ndzadzini avo va gu ni dzithomba!

Johane 3:3

Jesu a di phindrula, khuye: “Khu lisine, nyi ngu gu embela, kheni: Oyu a na gumba velegwa nyaluphye, gima kha na wona Mufumo wa Nungungulu.”

Johane 3:5

Jesu a di phindrula, khuye: “Khu lisine, nyi ngu gu embela, kheni: Oyu a na gumba velegwa khu mati ni Liphuvbo, kha na dzi kodza gubela Mufumoni wa Ndzadzini.

Mithumo 14:22

Va di tiyisela myonyo nya vapizane, va gu va khongotela gu tiya gukhodwani gwawe, kholu, va di gu ganela, khavo: “Gu vbwetega guvbindra khu sigaradzoni nya singi gasi gu bela Mufumoni wa Nungungulu.”

1 Vakorinto 1:26

Olu dundrugani gwadi, vandruye, gukhenu mu diri giemo muni gikhati mu ranidwego. Khu mapimelo nya wuthu, vadugwana va ranidwego nari va nya guti, ni sitetema, ni va nya gudugela dzindrangani nya wufumu.

Jakobe 2:6

Aholu, enu mwa gu nyenya sisiwana. Ina khandriso sitetema si mi sololago si mi yisani phathani muya lamudwa, gani?