Matewu 18:7 - Bhibhiliya Nya Guage

⁷ Libango ga litigo khu kotani nya sikhunguvanyiso! Nyi ngu dziti nya gukheni iso si mwalo gu vhikedwa; aholu, libango li na ni wule a si vangago!

Matewu 18:7 Iomraidhean Croise

Genesi 13:7

Gu di phela gu wuga siregera ga vahavisi va Abrama ni ava va Loti. Khu matshigu yoyo Vakhanani ni Vaperezi va di gu vbanya navo tigoni mule.

2 Samuweli 12:14

Aholu kha nga u gorosidego Nungungulu khu iso u giridego, khu lisine mwamana a gu velegedego a nafa.

Matewu 16:23

Gasi uye, a di thendregedza, a embela Pedro, khuye: “Leya, Sathane! U womo kha nga mutshunganisi wangu, kholu mapimo yago kha mati khu ga Nungungulu; aholu, khu ga vathu!”

Matewu 26:24

Khu lisine Mwamana wa Muthu, a na hongola, kha nga idzo yi ganelago khidzo Milowo, aholu libango khya wule a na gu mu ningelago. Dari tshukwana ga muthu yoyo, na sa velegwa!”

Marko 13:7

Mwa gupwa huwa nya dzinyimbi ni guganedwa khu dzinyimbi ni ligwaha nya dzinyimbi mu nga thurugi; gu vbwetega si girega isoso, aholu khandri mahegiso.

Luka 17:1

Jesu a di embela vapizane vaye, khuye: “Sikhunguvanyiso kha si vhikedwi, aholu libango khya wule a si girago.

Johane 17:12

Na nyi ngari navo mafuni nyi di gu va sayisa khu lina lago. Nyi sayiside vatshavbo u nga nyi ningago, mwalo ni moyo a nga dzimelago, vbavbandze ga wule gu nga vbwetega a dzimele, gasi gu tadzisega Milowo.

Mithumo 1:16

“Vandruye, gu di vbwetega gutadzisega umo nya Milowo, satshavbo iso si nga ganedwa khu Liphuvbo nya Guage, khu likana la Dhavhidhe, khu mahungu ya Judha a nga thangelago ava va nga hunga Jesu.

1 Vakorinto 11:19

Gwadi gu manega guhambanelana nya mavbanyelo mwendro makhalelo, gasi gu wonega avo va gu vakhodwa nya lisine vbakari gwanu.

1 Thimoti 6:1

Vale va gu dzikhumbi va na ninge githawo ga vafumeli vawe, gasi gu si poyidwi lina la Nungungulu gumogo ni nayo waye.

Tito 2:5

va kodze gu dzi phara ni gurula, ni gu sayisa dzindranga dzawe, va yingela vama vawe, gasi vathu va si ganeli guvivba khu Mahungu ya Nungungulu.

Tito 2:8

Ganela silo nya lisine, gasi a si manegi muthu nya gu gu kawuke, va fela gu khala dzitshoni valala vathu khu gu hamuga gilo nya guganele khu mahungu yathu.

Judha 1:4

Kholu vambe vathu nyamba khodwa va bede vbakari gwathu nyamba tidwa. Avo va gu vbindrugedza mahungu ma ganelago khu wuhigo wa Nungungulu wathu, va fela gu vhikela mavbanyelo yawe nya guvivbe. Va nyenyide gambe Jesu Kristo a gu uye basi Muhevbudzi ni Pfhumu yathu. Gale ngudzu Milowo nya Guage yi tivisidego gumbembiswa va gu hakhidego.

1 Samuweli 2:17

A diri gighoho nya gikhongolo gya madzaha yaya mahoni ga Pfhumu Nungungulu, kholu avo va di si ningi githawo miningelo yi giredwago Pfhumu Nungungulu.