Matewu 16:25 - Bhibhiliya Nya Guage

²⁵ Uye a vbwetago gu vbanyisa womi waye, a na wu luza; gasi uye a luzago womi waye khu kotani yangu, a na wu mana.

Matewu 16:25 Iomraidhean Croise

Esiteri 4:14

Aholu wa gu degula khu gikhati nya nga egi, guvbanyiswa ni gutshulega nya Vajudha gu nata khu mambe malanga, dziti gwadi nya gukhuwe uwe ni valongo vago, mwatshavbo mu nafa. Aholu khu mani a dzitigo nya gukhuye uwe gu kala u todzwa wupfhumugadzi, kotani nya gu vbwete gu ndreyisa libango leli!”

Esiteri 4:16

Indra tshanganisa Vajudha vatshavbo va vbanyago dhoropani ga Suza, mu hala khu eni mu vbedza matshigu mararu mu si hodzi ni gu sela gilo wutshigu ni mihani, eni neni gumogo ni sithumi sangu hi na hala. Khu hwane, nyi na ya wonana ni mufumeli, ambari wu si gu nayo; nya gufa, nyi fude.

Muhevbudzi 3:6

gikhati nya gu si mane, ni gikhati nya guhamuge; gikhati nya guvege, ni gikhati nya gudzudzuge;

Matewu 10:39

Uye a zamago gu vegedza womi waye, a na dzimeledwa khuwo, ni wule a na gu dzimedzago womi waye khu kotani yangu, a na wu mana.

Matewu 16:26

Giphaso muni a gi manago muthu a fumelago litigo rumba, a guhegisa khu gu dzimeledwa khu hefemulo waye? Mwendro saye, ginani muthu a dzi kodzago gu ningela gasi gu dzegisa khigyo hefemulo waye?

Marko 8:35

Kholu, oyu a dwanelago gu vbanyisa womi waye a na wu luza; gasi oyu a luzago womi waye khu kotani yangu ni Ivhangeli, a na wu vbanyisa.

Luka 17:33

Uye a vbwetago gu vbanyisa womi waye a na wu luza; gasi uye a wu luzago a na wu vbanyisa.

Johane 12:25

Uye a dzi garadzago ngudzu khu gu sayisa womi waye, a na dzimeledwa khuwo; aholu, uye a nyenyago womi waye a ngu wu vegedza, gasi guya wu mana guvbanyani nya gupindruge.

Gutuledwa 12:11

Vandriyathu va mu pade khu tshivba nya novba wa Nvutana ni wufakazi wawe nya gutimisele; kholu kha va felela guvbanya gwawe, kala va gu dzumela gufa.