Matewu 16:18 - Bhibhiliya Nya Guage

¹⁸ Eni neni nyi ngu gu embela, kheni: Uwe khuwe Pedro; vbatshani nya giwindri gegi nyi na vbaha libandla langu. Ni tshivba nya mufumo nya lufu kha yi na li gira gilo.

Matewu 16:18 Iomraidhean Croise

Genesi 22:17

Eni nyi na gu kategisa; nyi na engedzela livelego lago khu sanana nya singi ngudzu, nya gutale kha nga dzinyeledzi dza ndzadzini, kha nga mafu nya fungu wa phwani. Sanana sago si na khozisa valala vawe si gu va dzegela madhoropa yawe.

2 Samuweli 18:4

Mufumeli a di va hakha, khuye: “Nyi na gira iso mu si wonago na si gu mi tsakisa.” Khu guralo, mufumeli a di ema khu wubambe nya nyangwa; khavbo avbo, vathu vatshavbo va di duga khu sikwata nya lizana (100), niso nya likhumi mazana (1.000).

Joba 38:17

Ina u di nga tuledwa malimba nya vafi mwendro saye gu wona malimba nya gidema nya guthise, gani?

Dzindzimo 107:18

Gu mwalo guhodza va nga bani va gu dzumela, va diri vbafuvbi nya guhadza gufa.

Dzindzimo 127:5

Kategide muthu a gu ni siholoma nya singi nya nga isoso; kha na nga thega dzitshoni a gu ema mbeli ga valala vaye phathani, nyangwani nya lidhoropa.

Dzindzimo 129:2

va nyi tshaniside ngudzu gukhugela wanana wangu, aholu kha va dzi kodza gu nyi pala.

Dzindzimo 69:12

Va gu ganela khu enu dzinyangwani nya lidhoropa, vamaleveni va gu nyi hega, va nyi poyila.

Dzindzimo 9:13

Nyi pwele wuhindzi, Pfhumu Nungungulu; wona wusiwana nyi giredwago khu vale va nyi vengago! Nyi wuse u nyi dusa kanani nya lufu.

Mavingu 24:7

Gipumbu kha gi maneli avbo gu guromo guti litshigu nya gulamudwe gi na tandrega ni gutula likana.

Isaya 28:16

Khu guralo, Mune Pfhumu Nungungulu a ngu ganela kharati, khuye: Wonani nyi vegide Siyoni giwindri nya giseketelo gi tiyidego, a gu giwindri nya gutiye ni wumburi, uye a khodwago gwaye, gima kha na khala hwanga.

Isaya 28:6

A na khala liphuvbo nya gululame ga vale va khalago miphathani gasi gu lamula mahungu, ni tshivba ga vale va gu na ni wundrena nya gu tutumise valala kala dzinyangwani gwawe.

Isaya 38:10

Nyi di ganela, kheni: “Nyi ngari ni matshigu yangu nya guvbanye, nyi di gu alakanya gukheni nya gu hongola gufani, nyi ya bela thowoni nya vafi; nyi wandredwa matshigu yangu nya guvbanye.

Isaya 54:17

Matshari yatshavbo ma giridwego gasi gu gu sasela, kha ma na gu gira gilo; ni watshavbo uye a vbwetago gu gu lumbedza malipha, uwe u na mu kona; eyi khiyo thomba ya sithumi sa Pfhumu Nungungulu, ni gululama gwawe gwa guta khiyo gwangu; a ngu ganela Pfhumu Nungungulu.

Jona 2:6

Nyi relede kala guya vboha dzitshinani nya sigomo; nyi relela kala mafuni, migonyo nya litigo yi di nyi khothela kala gupindruga. Aholu khu thowoni nya vafi, u di vbulugisa womi wangu, uwe Pfhumu Nungungulu wangu!

Matewu 10:2

Malina yawe khaya: Nya guphele khu Simoni, a ranwago pwani khu Pedro, ni ndriyaye Andreya; Jakobe ni ndriyaye Johane, sanana sa Zebhedhewu;

Matewu 11:23

Ahati uwe, Kafarinawume! U na dzi khusedza kala Ndzadzini, gani? U dzi pembide, u na rinywa phalani nya nilo, kholu, nari gupwani siliwugiso si nga girwago mahoni gwago si di giredwe tigoni ga Sodhoma, nolu litigo lolo na li nga romo.

Matewu 18:17

A gumba va yingisa, mu ningele ga libandla; a gumba vbweta gu yingisa libandla, mu vege kha nga muhedheni mwendro kha nga mukhuphisi.

Matewu 4:18

Na gu gimbila siwoni ga Galileya, a di wona Simoni, a ranwago pwani khu Pedro, ni ndriyaye Andreya, va nga bani va thesa dzikhoga, kholu va diri vagogi.

Matewu 7:24

“Wule a pwago mahungu yangu a ma landrisa, a gu fanana ni mwama nya mapimo a nga vbaha nyumba yaye mugiwindrini.

Johane 1:42

A di mu dzega aya naye ga Jesu. Jesu, na khuside maho a mu khedza, a di mu embela, khuye: “Uwe khuwe Simoni, mwamana wa Johane, u na ranwa pwani khuwe Khefasi” gutshamusago pwani: Giwindri.

Mithumo 2:47

Va di rungudza Nungungulu, va godwa khu vathu vatshavbo. Khu litshigu ni litshigu, Pfhumu a di engedzela tsawani gwawe tengo nya vale va na gu vbanyiswago.

Mithumo 20:28

Khu kharato, dzi woneleni enu vamune ni tsawa nya vakhodwa mu pharisidwego khu Liphuvbo nya Guage kha nga vathangeli. Khalani vahavisi nya libandla la Nungungulu, kholu uye a li dzegiside khu novba wa Mwanaye.

Mithumo 8:1

Sawule nuye a di tsakiswa khu gufa gwa Sitefane. Litshigu lolo va di gira liphulo nya gugimbile va molela vakhodwa vatshavbo va Jerusalema. Vatshavbo va di thava va phalalega ni litigo la Judheya ni Samariya, va tshala Vapostoli basi.

1 Vakorinto 15:55

Uwe gufa, olu gomo hayi gupala gwago? Yomo hayini tshivba yago nya gusonge?”

Vagalatiya 2:9

Jakobe, Pedro ni Johane va tidwago kha nga vathangeli, na va wonide gukhavo khu lisine, hi ningidwe wuhigo nya thumo wowu; va di hi phara mandza eni ni Bharinabha, va gu yeyedza kharalo wuhengeli. Hi di pwanana gukhethu hi hongola hiya thuma vbakari ga va nya mayigo gasi avo vaya thuma vbakari nya Vajudha.

Vaefeso 3:10

Gasi olu, vafumeli vatshavbo va mafuni ni vafumeli nya dzitshivba dza Ndzadzini, gu vbwetega va tiviswe gueta gwatshavbo nya guti gwa Nungungulu khu libandla la Kristo.

Vaefeso 5:32

Oyu sihalo khongolo ngudzu, nya gu ganela khu mahungu ya Kristo ni libandla laye.

Vakolosi 1:18

Khuye hungo nya Libandla, a gu givili gyaye; khuye guphela, khuye matiwula nya guwuge ga vafudego. Khuye a thangidego mbeli nya silo satshavbo.

1 Thimoti 3:15

Aholu, nya gu hwela, khala nu gu dziti gukhuwe gu vbweta u khala makhalelo muni Nyumbani ga Nungungulu, a gu libandla la Nungungulu a vbanyago, a gu lidingo ni giseketelo nya lisine.

1 Thimoti 3:5

Kholu, muthu a gumba kodza gu sayisa ndranga yaye, a na kodza kharini gu phara libandla la Nungungulu?

Vahebheru 12:28

Khu guralo, hongoleni hi bonge, kholu, hi hakhide Mufumo wa ndzadzini, owu wu si kodzigo gu kutsungwa. Hongoleni hi bonge, hi khozela Nungungulu khu magirelo nya gu mu tsakise ni githawo.

Gutuledwa 11:15

Ngilozi nya livbandre na dzimbili yi di womba pundru. Khavbo avbo, gu di pwala ndzadzini na va gu kulungela khu tshivba, khavo: “Olu, Mufumo nya litigo wa gu lumba Pfhumu yathu, ni Kristo a na fumago kala gupindruga nya gupindruge.”

Gutuledwa 21:14

Libhiyo nya lidhoropa li vbahidwe vbatshani nya likhumi na sivili siseketelo si lovidwego likhumi na mavili malina nya vapostoli va Nvutana.