Matewu 15:9 - Bhibhiliya Nya Guage

⁹ Milombelo va nyi girelago khya malipha, kholu milayo va hevbudzago khya vathu.”

Matewu 15:9 Iomraidhean Croise

Dzindzimo 39:6

Muthu a gimbilago a gu fanana ni mwedzi, dzithomba a wungedzelago gambe kha dziti khu mani a na dzi hodzago.

Dzindzimo 73:13

Khu guralo, kha ga phasa gilo gu agisa monyo wangu, gu vbweta guvbanya gwadi ni gu dzi agisa nyi si giri gighoho.

Ekisodha 20:7

U nga hagani khu lina la Pfhumu Nungungulu wago, kholu Pfhumu Nungungulu kha na nga diga gu tsayisa oyu a haganago khu lina Laye umo nyamba vbwetega.

Isaya 29:13

Kholu Pfhumu ganede, khuye: Kha nga olu vathu vava va hidzimelago avbo gwangu khu magana ma dugago khu kanani gwawe, va gu nyi dhumisa khu magana basi, aholu myonyo yawe yomo hwindzo ngudzu ni Eni, kholu githawo gyawe ni Eni gya gu manega basi khu milayo va mi hevbudego ni vathu.

Levhi 26:16

eni nyi na mi girani esi: Nyi na mi rumela sigaradzo nya guthise, gikhohola ni gindrendrewane, si ta mi vbedza tshivba maho yanu ni womi wanu; mu na lima mu yala mahala dzimbewu dzanu, dzi ta hodzwa khu valala vanu.

Levhi 26:20

Mu na luza tshivba khu guthuma mahala; mafu yanu kha ma na dusa dzimbewu, ni misimbo ya tigoni gwanu kha yi na dusa mihandro yaye.

Malakiya 3:14

“Enu mu na ganela, khenu: Gu na hi phasa ginani gu thumela Nungungulu? Giphaso muni hi gi manago khu gu landrisa milayo yaye, ni gu ambala silendra mbeli ga Pfhumu Nungungulu nya Tshivba Yatshavbo?

Matewu 15:10

Khavbo avbo, a di rana gidzemo, gasi gi hidzimele gwaye. A di gi embela, khuye: “Nyi yingiseni, gasi mu si pime gwadi.

Marko 7:7

Milombelo va nyi girelago khya malipha kholu, milayo va hevbudzago khya gu yi khugela.’

1 Vakorinto 15:2

Khayo aya mahungu ma na mi vbanyisago mwa gu ma sayisa gwadi nga edzi nyi mi tivisidego khidzo; mwa gu bani mwa sa khodwa mahala.

Dhewuteronome 12:32

Satshavbo esi nyi gu leletelago u na si sayisa; u nga engedzeli gilo mwendro gu vbungula.

1 Thimoti 1:4

va si vbedzi gikhati khu gu landrisela silo nya tumbunugo ni sibongo nyamba vbela sa vakokwe. Isoso sa gu wusa guganedzana ni mayunga, kha si giri guhaladza ga Nungungulu, ogu hi gu manago khu gukhodwa.

Tito 1:14

Va nga luzi gikhati khu gu yingisela mitsheketo nya guganedwe khu Vajudha, ni sihevbudzo nya tumbunugo nya guvangwe khu vathu va hambanago ni lisine.

Vahebheru 13:9

Mu nga dzi digi mu sengwa khu sihevbudzo nya guhambanehambane, si mi dusago ndzilani nya lisine. Kholu gwadi myonyo yathu yi hakhe tshivba nya wuhigo wa Nungungulu, nasiri khu gu landrisa sihena nya milayo nya guhodze; kholu avo va landrisago milayo yoyo, gimwalo giphaso va gi manago ga iyo.

Jakobe 2:20

Gipumbuwe! U ngu dzina gu wona gukhuwe gukhodwa nyambana mithumo kha gu phasi gilo, gani?

Gutuledwa 22:18

Ga vatshavbo va pwago magana nya wuprofeti nya libhuku leli nyi ngu tivisa, gukheni: A gu kala muthu a engedzela gilogyo ga magana yaya, Nungungulu a na mu engedzela sitsayiso si lovidwego libhukuni momu.

1 Samuweli 25:21

Kholu, Dhavhidhe a di ganela, khuye: Kha sa nyi phasa gilo gu vegedza silo satshavbo si lumbago mwama yoyu, a nga bani ari naso giwulani, gimwalo ni gimwegyo a nga keneledwa khigyo; uye a di nyi livba wuwadi khu guvivba.