Matewu 15:32 - Bhibhiliya Nya Guage

³² Jesu, na ranide vapizane vaye, a di va embela, khuye: “Nyi ngu pwa gisiro khu vathu vava, kholu va na ni matshigu mararu na nyiri navo, nyamba hodza gilo. Kha nyi vbweti gu va diga va hongola nyamba hodza gilo, va nga rereka ndzilani.”

Matewu 15:32 Iomraidhean Croise

2 Dzipfhumu 4:42

Mwama moyo nya gute khu Bhahali-Salisa, a di resa ga muthu wa Nungungulu sibaba nya mihandro nya guhegule, magumavili sibaba nya mala, sivbila nya makonva ni mahagane yaye, a embela Elizewu, khuye: Ninga vathu va hodze.

Matewu 12:40

Kha nga Jona a nga khalago girumbuni nya nyatudwi matshigu mararu wutshigu ni mihani, kharato nuye Mwamana wa Muthu a na khala vbavbatshi nya mafu matshigu mararu wutshigu ni mihani.

Matewu 14:13

Jesu, na pwide esi, a di bela ngalavani a khuga khu vbale a gu hongola wulangani nya giwula, gu nga bani guri hwindzwana; aholu vathu, na va dzitide, va di mu landra khu mawundru, gukhugela madhoropani gwawe.

Matewu 15:33

Vapizane va di mu phindrula, khavo: “Hi na va ninga ginani va hodza giwulani momu nyambana ndranga, olu a gu vathu va tadego kharati?”

Matewu 20:34

Na pwide gisiro, Jesu a di va kuha maho. Ma di dzegela gu tulega, va gu mu landra.

Matewu 27:63

“Mwamangulu, hi ngu dundruga nya gukhethu mukanganyisi wule na nga gu vbanya a di nga ganela, khuye: ‘Nyi na wuga hwane nya matshigu mararu.’

Matewu 9:36

Na wonide gidzemo, a di gi pwela gisiro, kholu vatshavbo va di garade havo hokohoko, kha nga dzinvuta nyambana muhavisi.

Marko 9:22

dzinyondro dzingi la gu mu thesa matini ni niloni li dwanela gu mu songa. Khu kharato, wa gu dzina gu hi phasa, hi girele wuhindzi.”

Luka 7:13

Pfhumu na mu wone, a di mu pwela gisiro, a gu mu embela, khuye: “U nga lili.”

Mithumo 27:33

Ni dzimindru dzikhongolo, Pawulo a di lomba vatshavbo khuye va hodze gilogyo, a ganela, khuye: “Gu gira semana mbili khu muhuno na mu khade mu khevisela nyamba hodza gilo.

Vahebheru 4:15

Muphasi wathu nya khongolo nya mhamba a ngu dzi kodza gu hi pwela wusiwana nya sighoho sathu, kholu, uye nuye lingidwe kha nga ethu, aholu, gima kha ghoha.