Matewu 15:14 - Bhibhiliya Nya Guage

¹⁴ Va digeni; sikhumu si vbwetago gu phara kunga sikhumu sikwawe! Kholu gikhumu gya guvbweta gu phara kunga gikhumu gikwawe, sa sivili si ngu ya thegela phalani.”

Matewu 15:14 Iomraidhean Croise

Isaya 31:3

Kholu Vagipite vathu, khandri vanungungulu; dzikavalu dzawe nyama, khandri liphuvbo. Avbo Pfhumu Nungungulu a na khusedzago gyandza gyaye, vatshavbo va na thega mafuni, gumogo ni muphasedzeli ni uye a phasedzedwago, vatshavbo va na patwa va mbembiswa.

Isaya 42:19

Khu mani a gu gikhumu kha nga githumi gyangu, mwendro givbwiri, kha nga girumwa gyangu nyi gi rumelago? Khu mani a gu gikhumu kha nga wule a phasedwego gwangu, mwendro givbwiri kha nga githumi gya Pfhumu Nungungulu?

Isaya 56:10

Va woneleli vawe vatshavbo, sikhumu, kha vati gilo; vatshavbo va gu fanana ni dzimbwa nya sidudu, nyamba kodza gu huhula; va gu gola gu wotela, va khala na va lade, va lora dzindroro nya wugara.

Isaya 9:16

Kholu vathangeli nya vathu vava va kanganyisi, ni avo va thangedwago khavo, va na mbembiswa.

Jeremiya 5:31

Vaprofeti va di profeta malipha, ni vaphasi nya mhamba va di fuma khu gugola gwawe; gambe khiso si vbwetwago khu vathu vangu. Khu guralo, mu na rini litshigu gu na vbohago mahegiso nya silo sesi?

Jeremiya 6:15

Ina va na dzipwa dzitshoni, khu gu bani va giride gihoso nyi gi nyenyago, gani? Ahihi! Avo va mwalo dzitshoni. Gambe kha va giti gilo gi va thelago dzitshoni; khu guralo, va na thega gumogo ni vambe, va mbembiswa muphelo litshigu nya gulamudwe. A ngu ganela Pfhumu Nungungulu.

Jeremiya 8:12

Va di yede gupwa dzitshoni khu mavbanyelo yawe nyambasi yadi; aholu ne ni vbadugwana kha va dzipwi dzitshoni; gambe kha va giti gilo muni gu khala dzitshoni. Khu guralo, va na thega gumogo ni vale va fudego; va na mbemba litshiguni nya gulamudwe; a ngu ganela Pfhumu Nungungulu.

Hoseya 4:17

Efrayimi fumedwe khu vanungungulu nya sifananiso, mu digeni kharato!

Malakiya 2:8

Aholu enu mu di ndreya ndzilani, mu tshunganisa va nya gutala khu sihevbudzo sanu; mu tshungunula gidzumeledzwano nyi giridego ni Levhi, a ngu ganela Pfhumu Nungungulu nya Tshivba Yatshavbo.

Luka 6:39

A di va embela gambe gipimaniso gegi: “Ina gi ngu dzi kodza gikhumu gu phara kunga gikhumu gikwawe, gani? Kha si na thegela phalani sa sivili, gani?

Johane 9:39

Jesu, khuye: “Eni nyi dzude mafuni kha nga mulamuli, gasi vale va si wonigo va wone; ni gu vale va wonago va khale sikhumu.”

1 Thimoti 6:5

ni guganedzana nya mahala, vathu nyambana mapimo, va guromo hwindzo ni lisine. Avo va gu dzega gukhodwa va gu gira wugwewo.

2 Pedro 2:1

Matshigu ya gale, va manegide vaprofeti nya malipha vbakari nya vathu, khu kharato gambe, va na manega vahevbudzi nya malipha vbakari gwanu. Va na hevbudza sihevbudzo nya gupfhungumule, nya malipha, va na danga Muhevbudzi a nga va vbanyisago. Isoso si na va gira va mbembiswa nyamba hwela.

2 Pedro 2:17

Vathu vovo, va khade nga milambo nyambana mati, nga mapfhi ma pengiswago khu phuvbo; Nungungulu a va hathede wulanga nya gidema nya guthise ngudzu kala gupindruga.

Gutuledwa 19:20

Aholu girengo gi di modwa gumogo ni muprofeti nya malipha, a nga girago siliwugiso tshivbani nya girengo, a gu pengisa vatshavbo ava va nga hakhago gifungo nya girengo ni va khozeli nya gifananiso gyaye. Va vavili va rinyidwe na va gu vbanya tsivani nya nilo wu dzurago na wu gu engedzedwa khu solufa.

Gutuledwa 22:15

Va na tshala vbavbandze dzimbwa, dzindroyi, va nya wubhayi, va nya gu khozela sikwembu ni vanungungulu nya malipha, sighevenga ni vatshavbo vale va golago ni gu thuma mithumo ya malipha.