Matewu 13:51 - Bhibhiliya Nya Guage

⁵¹ “Mu si mane satshavbo sesi nyi mi embedego, gani?” Va di hakha, khavo: “Ina.”

Matewu 13:51 Iomraidhean Croise

Matewu 13:11

A di va hakha, khuye: “Kholu enu, mu ningidwe guti misihalo nya Mufumo wa Ndzadzini, gasi avo va mwalo giningwa gyogyo.

Matewu 13:19

Muthu a gupwa mahungu nya Mufumo a si ma pimi ma gu thula ginani, a nata Sathane ata fugula iso si nga bani na si yadwe monyoni gwaye. Egi khu gipimaniso nya mbewu nya guthegele bambe nya ndzila.

Matewu 13:50

dzi va rinya niloni, umo va na gu lilago ni gu khukhurusa magwaha.

Matewu 13:52

Khavbo avbo, a di va embela, khuye: “Khu kharato, muhevbudzi watshavbo nya Nayo a hevbudego iso si lumbago Mufumo wa Ndzadzini a ngu fanana ni mune ndranga a dusago khumo nya thomba yaye silo nya siphya niso sa gale.”

Matewu 15:17

Ina kha mu dziti nya gukhenu gyatshavbo igyo gi belago khu kanani gya gu hongola kala gisusuni, gi hegisa khu gu duga vbavbandze khu ndzila yaye, gani?

Matewu 16:11

Khu ginani mu ngamba tugula nya gukhenu khandri nyi di thula gibaba gikhati nyi nga mi embelani, kheni: Gwadigwadi ni mela nya Vafarisi nuwo nya Vasadhusi.

Matewu 24:15

“Khu kharato, mwa gu wona manyala nya guthavise, ma thudwago khu muprofeti Dhaniyeli na ma romo vbawulangatunu nya gukatege, uye a hevbulago a na si pimise gwadi,

Marko 4:34

Vbakari nya vathu a di ganela khu sipimaniso, aholu, khu phuvbo a di tshamusela satshavbo vapizane vaye.

Marko 7:18

A di va hakha, khuye: “Gasi enu nenu mu lemede mihungo? Ina kha mu dziti nya gukhenu egi gi belago ndrani nya muthu kha gi dzi kodzi gu mu nyenyezisa,

1 Johane 5:20

Hi ngu dziti gambe gukhethu Mwamana wa Nungungulu vbohide, a ngu hi ninga mapimo nya guti Nungungulu nya lisine. Ethu hi ngu hengela guvbanya ni Nungungulu nya lisine, ethu hi guromo ga Mwamana waye Jesu Kristo. Oyu khuye Nungungulu nya lisine, khugo guvbanya nya gupindruge.