Matewu 13:25 - Bhibhiliya Nya Guage

²⁵ Ni wutshigu, vathu na va lade, a di ta nala waye a ta yala nyasavare vbakari nya mavbila, a gu hongola.

Matewu 13:25 Iomraidhean Croise

1 Dzipfhumu 3:20

A di wuga ni vbakari nya wutshigu eni githumi gyago na nyi lade, a ta dusa gyanana gyangu gi nga bani giri wubambe gwangu, aya lala nagyo, a dzega egi gyaye nya gufe ata gi ladzisa avbo gwangu.

Matewu 13:24

Jesu a di va ninga gimbe gipimaniso, khuye: “Mufumo wa Ndzadzini wu ngu fanana ni muthu a nga yalago mbewu nya yadi thembweni gwaye.

Matewu 13:26

Na ma dandride mavbila, ma thela mihandro, wu di manega nuwo nyasavare.

Matewu 13:27

Sithumi sakone si diya ga mune ndranga si ya, khiso: ‘Pfhumu, khandri u di yala basi mbewu nya yadi thembweni gwago, gani? Nyasavare wa guta khu hayi?’

Matewu 13:29

A di va hakha, khuye: Ahihi, kholu mu nga phazamani avbo mu kulago nyasavare, mu kula gumogo ni mavbila.

Matewu 13:30

Si digeni si dandre satshavbo kala gu vboha nango nya guvbwere; gikhati gyogyo nyi na embela vavbweri, kheni: Dusani guphela nyasavare, mu wu hunga khu dzinyandra mu vbisa; gasi mavbila, ma pileni, mu ma thela gisangalani gwangu.”

Matewu 13:39

nala a nga yalago nyasavare khu Sathane. Gu vbwera khu guhegisa nya litigo; vavbweri khu dzingilozi.

Matewu 25:5

Kha nga ulo mwane a nga hwelago gu vboha, sagadzyana si di phela gu wotela, si gu lala.

Vagalatiya 2:4

Ambari va nga dugelela vambe vbakari gwathu, va nga hi pfhadza khavo vakhodwa; vathu vovo va bede tsawani gwathu khu gufela guta sola mavbanyelo nya gutshulege hi gu nawo khu ga Kristo, gasi va mane ndzila nya gu hi yise nyaluphye wugumbini.

Vahebheru 12:15

Dzi woneleni, gasi ni moyo wanu a si segedwi wuhigo wa Nungungulu. Dzi woneleni, gasi ni moyo wanu a si khali nga khamba nya guvave wu bayisa vathu nya vangi khu wuvasi waye.

1 Pedro 5:8

Dzi phareni, mu dzi wonele, kholu, nala wanu Sathane a ngu mi dzuwulugela na gu dzuma-dzuma nga nghala yi vbwetago muthu gu mu hodza.

2 Pedro 2:1

Matshigu ya gale, va manegide vaprofeti nya malipha vbakari nya vathu, khu kharato gambe, va na manega vahevbudzi nya malipha vbakari gwanu. Va na hevbudza sihevbudzo nya gupfhungumule, nya malipha, va na danga Muhevbudzi a nga va vbanyisago. Isoso si na va gira va mbembiswa nyamba hwela.

Gutuledwa 12:9

Khidzo a nga tshipiswa khidzo mwamilambo nya khongolo, mamba nya guhegule, yi ranwago pwani khiyo dhemoni, ni Sathane, mupembi nya litigo latshavbo. Rinyidwe mafuni gumogo ni dzingilozi dzaye.

Gutuledwa 13:14

Gi ngu pengisa vathu va tigoni khu siliwugiso gi ningidwego gu gira khu tshivba nya girengo nya guhegule. Gya gu senga vathu va tigoni va gira gifananiso nya gudhumise girengo nya gukokwe phandza khu litshari gi wuya gi vbanya.

Gutuledwa 2:20

Aholu, u na ni nandru kholu u digago Jezabheli, nyamayi a dzi girago muprofeti, a ndreyisa sithumi sangu, a si hevbudza gu gira wuphuphulu, ni gu hodza nyama nya guphasedwe vanungungulu nya malipha.