Matewu 12:42 - Bhibhiliya Nya Guage

⁴² Pfhumugadzi ya Marandzi yi na wugela mela yoyu, yi wu ninga nandru. Kholu yi dzude khu mahegiso nya litigo, gasi guta pwa guti ga Solomoni. Avba womo uye a gu khongolo guvbindra Solomoni!

Matewu 12:42 Iomraidhean Croise

1 Dzipfhumu 10:24

Vathu vatshavbo va mafuni, va di vbweta gu wonana ni Solomoni, ni gupwa wugengeli owu Nungungulu a nga bani a wu vegide monyoni gwaye.

1 Dzipfhumu 3:12

Eni nyi na gu ninga ugo u lombago; nyi na gu ninga monyo nya wugengeli ni mapimo ngudzu nya gu gima, gu si gu manegi muthu nya gufanane nago, ambari khu hwane gwago kha na nga manega gambe nya nga uwe.

1 Dzipfhumu 3:28

Avbo vatshavbo va na Israyeli va nga pwago mahungu nya malamulelo yaya a nga lamulago khayo mufumeli; vatshavbo va di ninga githawo nya gikhongolo ngudzu ga mufumeli, kholu va di wona gukhavo gulamulani gwaye tade khu guti gwa Nungungulu.

1 Dzipfhumu 3:9

“Khu guralo, ninga githumi gyago, monyo nya gutale khu guti, gasi a kodza gu gimbidzisa vathu vago, a mane wugengeli nya guti guhambanisa wuwadi ni guvivba, kholu, khu mani a na kodzago gulamula vathu vago nya gutale kharati?”

1 Dzipfhumu 4:29

Nungungulu a di ninga Solomoni guti ni mapimo nya gusamadzise ngudzu ni wugengeli nya guete ngudzu nya nga fungu wa phwani.

1 Dzipfhumu 4:34

Va dita vathu nya mayigo yatshavbo gasi gutapwa guti gwa Solomoni; gu dita gambe ni vafumeli nya mayigo yatshavbo ya mafuni va ngapwago ndruma nya guti gwaye.

1 Dzipfhumu 5:12

Pfhumu Nungungulu a di ninga guti Solomoni kha nga a nga mu tumbisago. Gu di manega gurula ga Solomoni ni Hiramo, khu wuvili wawe va gira gidzumeledzwano.

Isaya 7:14

Khu guralo, Pfhumu kamwe a na gu ninga giwonegiso gimwegyo a gu egi: “Nyamahegyane nya likendzi a na khura mimba a velega gyanana nya gikhwathana, a na gi riyago lina nya gupwani Emanuweli.”

Matewu 12:41

Khu litshigu nya gulamudwe Vaninivha va nata ema gumogo ni mela yoyu, va wu wugela, va wu ninga nandru, kholu avo va dzi vbindrugedzide gikhati va nga tshumayedwago khu Jona. Avba womo uye a gu khongolo guvbindra Jona!

Matewu 12:6

Nyi ngu mu embelani nya gukheni avba womo uye a gu khongolo guvbindra Nyumba ya Nungungulu.

Matewu 17:5

Na nga guganela, li dita lipfhi nya gungangamele lita va fenengedza khu mwedzi waye; khu vbakari nya lipfhi gu di pwala lito, na li gu, khilo: “Oyu khu Mwamana wangu nya gu mu haladze ngudzu, a tsakisago monyo wangu; mu yingiseni.”

Matewu 3:17

Khavbo lito nya gute khu Ndzadzini li di, khilo: “Oyu khu Mwamana wangu nya guhaladzege ngudzu, a nengedzisago monyo wangu.”

Johane 1:14

Lito li di dzi gira muthu, li gu vbanya vbakari gwathu. Ethu hi wonide gidhumo gyaye, gidhumo li nga ningwago khu Babe waye, kha nga Mwamana wa moyo nya gutale khu wuhigo ni lisine.

Johane 1:18

Mwalo muthu a wonidego Nungungulu. Mwanaye wa moyo a gu Nungungulu, a guromo monyoni ga Babe, khuye a nga hi tulela gu muti.

Dhewuteronome 30:13

Gambe wu mwalo khisikheyi nya linene, nya gu, u ganela, khuwe: Khu mani a na tshatugago aya khisikheyi nya linene, gasi aya hi dzegela, hi ta wu yingisa ni gu wu landrisa?