Matewu 12:4 - Bhibhiliya Nya Guage

⁴ Idzo a nga belago khidzo Nyumbani ga Nungungulu, aya hodza sibaba nya miphaso, si nga bani si si faneli gu hodzwa khuye, ni avo a nga bani ari navo, aholu si nga na si gu fanela gu hodzwa basi khu vaphasi nya mhamba, gani?

Matewu 12:4 Iomraidhean Croise

Ekisodha 25:30

Vbatshani nya meza yeyi u na vega sibaba nya miningelo nya miphaso, si khala avbo gikhati gyatshavbo si wonega mahoni gwangu.

Levhi 8:31

Mosi a di va embela, khuye: “Indrani mu ya phula nyama nyangwatunu nya Tshatsha nya Tshangano; mu na yi hodzela kamwe iyoyo gumogo ni sibaba si guromo gitundruni nya miningelo nya guwumbele, kha nga idzo nyi rumidego khidzo, avbo nyi nga kheni: Aroni ni sanana saye khavo va yelago gu hodza nyama yeyi.”

Matewu 12:3

Aholu uye a di va hakha, khuye: “Mu si gu hevbuli iso a nga girago Dhavhidhe, gikhati a nga pwago ndzala, uye ni avo a nga bani ari navo, gani?

Matewu 12:5

Mwendro mu si gu hevbuli umo nya Nayo gupwani khu litshigu nya Sabhadho vaphasi nya mhamba va ngu ndraga nayo nya Sabhadho, khu gu thuma Nyumbani ga Nungungulu, va gu khala nyambana gighoho, gani?

Marko 2:26

Idzo a bedego khidzo Nyumbani ga Nungungulu gikhati gya Abhiyatari, khongolo nya vaphasi nya mhamba, aya hodza sibaba nya miphaso; a ninga navo ava a nga bani ari navo, sibaba si nga bani si gu lumba gu hodzwa basi khu vaphasi nya mhamba.”

Luka 6:4

Idzo a nga belago khidzo Nyumbani ga Nungungulu, aya dzega sibaba nya miphaso a hodza, a ninga ni ava a nga bani ari navo, sibaba si nga bani si gu lumba gu hodzwa basi khu vaphasi nya mhamba, gani?”

Vahebheru 9:2

Va di vbahide nyumba nya miphaso yi nga kabaniswa khu sipandre sivili. Makhuvini nya guhegule gu di ranwa gupwani “Wulanga nya Guage.” Gu di vegwa umo kandriya nya ndralama ni meza nya sibaba nya guphasedwe Nungungulu.

1 Samuweli 21:4

Muphasi nya mhamba a di hakha Dhavhidhe, khuye: “Nyi mwalo gibaba nya guhodzwe khu vatshavbo, aholu igyo nyi gu nagyo basi gibaba nya gukategiswe; masotshwa ma gu bani ma sa hengela malawu nugunugu ni vanyamayi va ngu dzi kodza gu gi hodza.”

1 Samuweli 21:6

Khavbo avbo, muphasi nya mhamba a di mu ninga sibaba nya gukategiswe, kholu si diri mwalo vbale simbe, vbavbandze nya sibaba nya miningelo, si nga bani si dusidwe mbeli ga Pfhumu Nungungulu, gasi gu tshikedzwa khu gibaba nya guvbise, ga litshigu lolo si duswago.