Matewu 12:35 - Bhibhiliya Nya Guage

³⁵ Muthu nya wadi a gu dusa silo nya sadi sa thombani gwaye nya yadi; gasi uye a vivbidego, a gu dusa silo nya guvivbe sa thombani gwaye nya guvivbe.

Matewu 12:35 Iomraidhean Croise

Joba 8:10

Ina avo kha va na gu hevbudza ni gu gu embeledzela satshavbo va sitigo khu monyoni gwawe, gani?

Mavingu 12:6

Magana ya vathu nyambasi vadi i naphwi nya gusonge, aholu ya va nya gululama maganelelo yawe khya guvbanyisa.

Mavingu 15:23

Muthu a gu tsaka khu gu ninga phindrulo nya yadi, mahungu ma gu ganedwa khidzo gu vbwetegago khidzo, ma gu tshamba ngudzu.

Mavingu 15:28

Muthu nya gululame a gu phela khu gu pimisa, khavbo a ningago phindrulo, aholu, khu kanani ga va nya guvivbedwa khu myonyo, gu duga mapongowongo nya gutale.

Mavingu 15:4

Malito nya gutsakise, simbo nya womi, aholu ayo nya gukhunguvanyse, ma gu vbedza tshivba hefemulo.

Matewu 12:34

Enu livelego nya dzinyoga, mu na dzi kodza kharini gu ganela silo nya sadi, olu mu vivbedwego khu myonyo? Kholu likana la gu dusa iso si tadego monyoni.

Matewu 13:52

Khavbo avbo, a di va embela, khuye: “Khu kharato, muhevbudzi watshavbo nya Nayo a hevbudego iso si lumbago Mufumo wa Ndzadzini a ngu fanana ni mune ndranga a dusago khumo nya thomba yaye silo nya siphya niso sa gale.”

Matewu 7:17

Simbo watshavbo nya wadi wa gu thela mihandro nya yadi; gasi uwo nyamba wadi wa gu velega iyo nyamba yadi.

Luka 6:45

Muthu nya wadi a gu dusa khu monyoni gwaye nya guhandzege silo nya sadi; gasi uye a si gu wadi a gu dusa khu monyoni gwaye nya guvivbe silo nyamba sadi; kholu likana la gu dusa iso si tadego monyoni.

Vaefeso 4:29

Mu nga ganeli magana nya guvivbe, ganelani basi magana nya yadi, nya guphasedzele ava va mapwago.

Vakolosi 3:16

Mahungu ya Kristo ma na vbahe ndrani gwanu ma gu andra khu guti gwatshavbo hevbudzanani, mu ningana wusingalagadzi khu gyanu. Embelelani dzindzimo ni sizimba na mu gu bonga Nungungulu khu monyo wanu watshavbo.

Vakolosi 4:6

Mabhuloni gwanu ganelani mahungu nya gusalalegise, mu gu kodza gu ninga phindrulo nya guenele muthu ni muthu.