Matewu 12:28 - Bhibhiliya Nya Guage

²⁸ Aholu nya gu bani nyi tutumisa maphuvbo nya guvivbe khu tshivba nya Liphuvbo la Nungungulu, giyeyedzo nya gupwani Mufumo wa Nungungulu wu mi vbohedeni.

Matewu 12:28 Iomraidhean Croise

Dhaniyeli 2:44

Khu matshiguni ya vafumeli vovo, Nungungulu wa ndzadzini a na emisa wumbe mufumo nya gu gima kha wu na khoziswa khu mambe mafumbu. A na pfhungumula ni gu mbembisa mifumo yatshavbo ya vafumeli vale, mufumo waye wu na tiya kala gupindruga.

Dhaniyeli 7:14

Va di mu ninga gufuma, wudhumo ni mufumo, gasi mayigo ni vathu nya malimi yatshavbo va mu thumela. Wufumu waye khwa gu kala gupindruga, wu mwalo mahegiso, mufumo waye gima mwalo a na gu wu dzegago.

Matewu 12:18

“Khigyo egi githumi gyangu, nyi gi hathidego, gigodwa gyangu, igyo gi nengedzisago hefemulo wangu, nyi na gi ninga Liphuvbo langu, gasi gi tivise va nya mayigo khigyo gomo gulamudwa.

Matewu 12:29

Nga nyi embelani: Gu kodzega kharini gu muthu aya bela ndrangani nya ndrena a gu yi phanga silo saye satshavbo, nyamba phela khu gu yi hunga? Hwane nya gu bani a yi hungide, khavbo a dzi kodzago gu yi phanga ndranga yaye yatshavbo.

Matewu 21:31

Khu wevbini nya ava va vavili a nga girago guhaladza ga babe wule?” Va di hakha, khavo: “Khuye nya guphele.” Jesu a di va embela, khuye: “Khu lisine nyi ngu mi embelani, kheni: Vakhuphisi ni maphuphulu va na mi thangela Mufumoni wa Ndzadzini.

Matewu 21:43

“Khu kharato, nyi ngu mi embelani, kheni: Mu na dzegedwani Mufumo wa Nungungulu wu ningedwa ga lihundzu li na gu thelago mihandro.

Matewu 4:24

Ndruma yaye yi di phalalega ni Siriya gwatshavbo. Va di mu resela vatshavbo avo va nga bani vari ni madwali ni dzingumbe nya dzingi ni simbe sigaradzo; avo va nga bani vari ni maphuvbo nya guvivbe, va nya guhandruga ni va nya sitshira, ni sikhurubwa. A di va hawulugisa vatshavbo.

Matewu 6:33

Aholu, guphela dwanelani Mufumo wa Nungungulu ni gugola gwaye; gasi simbe mu na ningwa khu gu engedzedwa.

Marko 1:15

“Ma tadzisegide matshigu, Mufumo wa Nungungulu womo vbafuvbi. Vbindrugedzani mavbanyelo, mu khodwe khu Mahungu nya Yadi.”

Marko 11:10

Wu na rungudzwe wufumu wa babe wathu Dhavhidhe wu vbohago. Hosana vbatshani Ndzadzini!”

Marko 16:17

Siliwugiso va na gu girago ava va na khodwago khesi: Khu lina langu va na tutumisa maphuvbo nya guvivbe, va na ganela malimi nya maphya,

Luka 10:11

‘Wonani, hi ngu phuphuta ni kudzudzwane nya lidhoropa lanu, wu nga bani wu dandramede migondroni gwathu, hi mi tshiyelani. Aholu dzitini nya gukhenu Mufumo wa Nungungulu womo vbafuvbi.’

Luka 11:20

Gani olu, nya gu bani nyi tutumisa maphuvbo nya guvivbe khu tshivba ya Nungungulu, khigyo giyeyedzo nya gupwani Mufumo wa Nungungulu wu vbohide vbakari gwanu.

Luka 16:16

Nayo ni sihevbudzo nya vaprofeti si thumide kala matshiguni ya Johane. Gukhugela avbo gu ngu hevbudwa Mahungu nya Yadi nya Mufumo wa Nungungulu. Muthu ni muthu a gu zama gu bela khu tshivba.

Luka 9:2

A di va ruma gu gimbila va tivisa Mufumo wa Nungungulu ni gu hawulugisa vadwali.

Mithumo 10:38

Nungungulu a di tadza khu tshivba nya Liphuvbo nya Guage Jesu wa Nazareta uye a nga gimbilago malangani yatshavbo, na gu gira silo nya sadi ni gu hawulugisa vathu vatshavbo va nga bani va gu saniswa khu Sathane, kholu Nungungulu a diri ni uye.

Varoma 14:17

Kholu Mufumo wa Nungungulu, khandri mahungu nya guhodze ni gusela, aholu, mahungu nya gululame, nya gurule ni gunengela gutago khu Liphuvbo nya Guage.

Vakolosi 1:13

A hi vbulugiside tshivbani nya gidema a gu hi bedza mufumoni wa Mwanaye nya gigodwa.

Vahebheru 12:28

Khu guralo, hongoleni hi bonge, kholu, hi hakhide Mufumo wa ndzadzini, owu wu si kodzigo gu kutsungwa. Hongoleni hi bonge, hi khozela Nungungulu khu magirelo nya gu mu tsakise ni githawo.

1 Johane 3:8

Oyu a simamago gu ghoha a gu lumba Sathane. Kholu Sathane ghohide gukhugela guhegulani. Mwamana wa Nungungulu a dzi wonegiside khu kotani nya isoso; guta pfhungumula mithumo ya Sathane.