Matewu 11:6 - Bhibhiliya Nya Guage

⁶ Kategide saye wule a si khunguvanyiswigo kheni.”

Matewu 11:6 Iomraidhean Croise

Dzindzimo 119:1

Va kategide vale va gimbilago khu ndzila nya gululame, avo va landrisago milayo ya Pfhumu Nungungulu.

Matewu 13:21

Kha nga ulo a gu mwalo mikhamba, kha tiya: Sa gu vboha sigaradzo ni sisaniseko khu kotani nya mahungu, a gu dzegela gu ma diga.

Matewu 18:7

Libango ga litigo khu kotani nya sikhunguvanyiso! Nyi ngu dziti nya gukheni iso si mwalo gu vhikedwa; aholu, libango li na ni wule a si vangago!

Matewu 24:10

Avbovbo nya vangi va na thega, va zondrana ni gu ningelana khu gyawe.

Matewu 26:31

Khavbo avbo, Jesu a di va embela, khuye: “Wutshigu wa muhuno mwatshavbo, mu na phalalega mu nyi diga nyenga kholu gu lovidwe, pwani: ‘Nyi na bayisa muhavisi, nyi kodza gu phalalegisa dzinvuta.’

Matewu 5:29

Khu kharato, wa gu wona nya gukhuwe liso lago la nyamudye li ngu gu tshunganisa, li duse u dzudzuga, kholu i tshukwana gu luza givbango gimwegyo, guvbindra gu dzega givili gyago gyatshavbo gi rinywa phalani nya nilo.

Marko 6:3

Ina khandruye oyu hi mu tigo kha nga muvati, mwamana wa Mariya, ndruye wa Jakobe ni Josefe ni Judha ni Simoni, gani? Vandriyaye nya vanyamayi, khandravo hi vbanyago navo tigoni momu, gani?” Va di mu diga nyamba mu thela kota.

Luka 2:34

Simiyoni a di va kategisa, a gu embela Mariya, mayi wa Jesu, khuye: “Gyanana gegi gi emisedwe gu khunguvanyisa ni gu wusa vathu nya vangi va na Israyeli; gi na vanga guganedzisana;

Luka 7:23

Kategide saye wule a gumba khuvekhiswa khu magana yangu.”

Johane 16:1

“Nyi mi embede esi, gasi mu si khunguvanyegi.

Johane 6:66

Gukhugela avbovbo, vapizane nya vangi va di bwelela hwane va mu diga, va si gimbili gambe naye.

1 Vakorinto 2:14

Oyu a tumbago wugengeli waye, kha dzumeli gu hakha mahungu a tiviswago khu Liphuvbo la Nungungulu, a gu mapwa kha nga silo nya wupumbu. Kha dzi kodzi gu si pima, kholu mwalo a si pimago a gumba wenengedzwa khu Liphuvbo.

Vagalatiya 5:11

Vandruye, nari pwani eni nya gu hevbudza nayo nya wugwera, khu ginani nyi nga gu saniswago? Kholu nari pwani kharato, mahungu nyi tivisago ya Kristo a khokhothedwego vbagihambanotunu ma di si vbweti gu khala gikhunguvanyiso ga muthu.

1 Pedro 2:8

Gambe giwindri gi na gu tshunganisago vathu; giwindri gi na gu va thesago. Avo va tshunganede kholu va ngamba khodwa khu Mahungu, khiso si dongisedwego avo.