Matewu 11:23 - Bhibhiliya Nya Guage

²³ Ahati uwe, Kafarinawume! U na dzi khusedza kala Ndzadzini, gani? U dzi pembide, u na rinywa phalani nya nilo, kholu, nari gupwani siliwugiso si nga girwago mahoni gwago si di giredwe tigoni ga Sodhoma, nolu litigo lolo na li nga romo.

Matewu 11:23 Iomraidhean Croise

Genesi 13:13

Vathu va Sodhoma va di vivbide ngudzu myonyo yawe, va di gira iso si hambanago ni gugola gwa Nungungulu.

Gililo 2:1

Nga wonani idzo Pfhumu, a fenengedzago khidzo Siyoni khu lipfhi nya likhulo laye! Theside vbavbatshi wudhumo wa Israyeli, wu nga bani wu khugega kala damboni, litshiguni nya likhulo laye kha alakanya gigandredzelo nya migondro yaye. Bet

Ezekiyeli 26:20

Khavbo avbo, nyi na gu gira u relela gumogo ni avo va relelago phalani nya vafi, gasi guya bangaladzana ni vagale, nyi na gu gira u ya vbanya guetani nya mafu, malangani nya siwula sa gale gumogo ni avo va relelago phalani nya vafi, gasi u si khadwi gambe khu muthu; nyi na tiyisa wuzundzo tigoni nya avo va vbanyago.

Ezekiyeli 31:14

Khu guralo, mwalo ni simbo moyo wu guromo vbafuvbi ni mati wu na dzi khusedzago khu kotani nya gulaphe gwaye, ambari gu khusedza dzitshoka dzaye vbakari nya matamo ya mapfhini. Mwalo wumbe simbo nya gutheledzedwe gwadi a na vbohago ga giyemo gyogyo; kholu yatshavbo yi vegisedwe guya gufani, yi na relela phalani nya vafi, gumogo ni vathu vafago, avo va relelago thowoni.

Ezekiyeli 32:18

“Mwamana wa muthu, emba ndzimo u lila khu gidzemo gya Egipito u va reledza phalani nya vafi avo gumogo ni vathu nya dzitshivba nya mambe mafumbo, gasi va relela guetani nya mafu, gumogo ni vale va relelago phalani nya vafi.

Ezekiyeli 32:24

Elamo womo nuye vbale gumogo ni vathu vaye, na va randrede lithowo laye; vatshavbo va di songwa khu matshari. Vatshavbo va nga bani va thusedzela vathu tigoni, va relede phalani va sa hana wugwera. Va rwala dzitshoni dzawe gumogo ni vale va relelago thowoni nya vafi.

Obhadhiya 1:4

Ambari wa gu vbuvba nga lighama, u ya vbaha gihaga gyago vbakari nya dzinyeledzi, eni nyi naya gu pfhungumula, a ngu ganela Pfhumu Nungungulu.

Matewu 10:15

Khu lisine nyi ngu mi embelani, kheni litshigu nya gulamudwe, lidhoropa lolo li na dayiswa guvbindra Sodhoma ni Ghomora.

Matewu 16:18

Eni neni nyi ngu gu embela, kheni: Uwe khuwe Pedro; vbatshani nya giwindri gegi nyi na vbaha libandla langu. Ni tshivba nya mufumo nya lufu kha yi na li gira gilo.

Matewu 17:24

Na va vbohide Kafarinawume, vakhuphisi va Nyumbani ga Nungungulu va di ya ga Pedro, vaya mu wudzisa, khavo: “Ina muhevbudzi wanu kha livbi khupho nya Nyumba ya Nungungulu, gani?”

Matewu 4:13

a diga, kharati, Nazareta, aya khala Kafarinawume, a gu lidhoropa li manegelago siwoni ga Galileya, litigo la Zebhuloni ni Nafitali.

Matewu 8:5

Na gu bela Khafarinawume, a di tedwa khu muthangeli moyo nya gikwata nya lizana masotshwa, a ngata mu lombago, khuye:

Luka 10:15

Ahati uwe, Kafarinawume! U di vbweta gu khusedzwa kala Ndzadzini, gani? Hulo, u tandregide! U na reledzwa kala vbavbatshi.”

Luka 14:11

Kholu watshavbo muthu a dzi khusedzago a na vbwasamiswa, gasi uye a dzi vbwasamisago a na khusedzwa.”

Luka 16:23

Na romo phalani nya nilo vbakari nya tshanisa, a di khusa maho a gu wona Abrahama nari hwindzo ni Lazaro mawogoni gwaye.

Luka 4:23

Gasi uye a di va embela, khuye: “Khu lisine mu na ganelani khu sipinga, na mu gu thula eni, khenu: ‘Nyanga, nga dzi hawulugisa wabune; gumogo ni gu nyi embelani, khenu satshavbo hi si pwidego gupwani u si giride Kafarinawume, nga si gira gambe tigoni momu gwago!’ ”

Mithumo 2:27

Kholu khu na nga diga hefemulo wangu kovani nya lufu gambe khu na nga dzumedzisa gihathwa gyago gi wona guhina.

Mithumo 2:31

Khu kharato, kokwe Dhavhidhe a di hegulela gu wona ni gu tivisa guwuga ga Kristo khu ga vafudego na gu ngari hwindzo. Khu lisine Kristo gima kha digwa kovani nya lufu, ni givili gyaye gambe gima kha gya wona guhina.

Judha 1:7

Gufanana ni Sodhoma ni Ghomora ni mambe madhoropa ya vbafuvbyana mule, avbo va nga dzi ningelago wubhayini ni ga gighoho nya gubhayane khu wama wawe, madhoropa yoyo, ma khade giwonelo ga vathu vatshavbo, ma gu mana tsayiso nya nilo nya gupindruge.

Gutuledwa 1:18

Kheni wule a vbanyago. Nyi di fude, aholu olu nyi ngu vbanya kala gupindruga. Nyi na ni dzipfhungulo nya lufu nedzi nya litigo nya vafi.”

Gutuledwa 11:8

Sirumbi sawe si na khala tshandzala mudzindzilani nya lidhoropa likhongolo, li ranwago khu gipimaniso pwani Sodhoma ni Egipito, umo gambe Pfhumu yawe yi nga khokhothedwago umo.

Gutuledwa 20:13

Linene li di dusa vbavbandze vafi va nga dzamago ga ilo, lufu ni lithowo si di bweledza vafi vawe. Muthu ni muthu a di lamudwa khu mithumo yaye.

Gutuledwa 6:8

Nyi di wona kavalu nya safarawu, na yi khiledwe khu moyo nya gupwani khu “Gufa” a na gu bangaladzwa khu Hayidhesi, litigo nya vafi. A di ningwa gipandre nya wu na nya litigo, gasi a gi mwaladze khu litshari, ni ndzala, ni mitungu nya madwali ni sirengo nya likhabi.