Matewu 11:21 - Bhibhiliya Nya Guage

²¹ “Libango lago, Khorazini! Libango lago, Bhetisayidha! Kholu nari pwani Tiro ni Sidhoni va di wonide siliwugiso nya nga iso mu nga si wonago enu, na va dzi vbindrugedzide gale khu gu ambala dzisaku ni gu phorola nguma.

Matewu 11:21 Iomraidhean Croise

Joba 42:6

Khu guralo, nyi ngu dzipwa na nyiri ni nandru, olu nyi ngu dzi laya, khu guphorola nguma ni kudzudzwane.”

Jeremiya 13:27

Nyi wonide wubhayi ni manavelo yago, wuphuphulu wago nya guvbindre pimo wa musigomoni ni magabini; libango avbo gwago, uwe Jerusalema! Kala lini u si kodzi gu dzi agisa?

Joyele 3:4

Gasi mahungu muni mu gu nawo ni eni, enu vathu va Tiro, va na Sidhoni ni maphuvbo yatshavbo ya Finisiya? Khuwo owu tshatshazelo mu nyi ningago, gani? Kholu mwa gu nyi livbisa khu malivbiselo yaya, khu guvbiredza nyi na thesa tshatshazelo yanu mihungoni gwanu.

Amosi 1:9

Pfhumu Nungungulu a ngu ganela kharati, khuye: “Khu kotani nya sighoho siraru mwendro sina sa Tiro, kha nyi na bweledza tsayiso, kholu yiside gidzemo nya vathu wugumbini aya va rengisa ga Edhomi, nyamba alakanya gidzumeledzwano nya wundruye.

Matewu 11:22

Khu kharato, nyi ngu mi embelani, kheni: Litshigu nya gulamudwe, gu na vbevbugisedwa Tiro ni Sidhoni guvbindra enu.

Matewu 15:21

Jesu a di khuga khu vbale a gu hongola phuvbo ga Tiro ni Sidhoni.

Matewu 18:7

Libango ga litigo khu kotani nya sikhunguvanyiso! Nyi ngu dziti nya gukheni iso si mwalo gu vhikedwa; aholu, libango li na ni wule a si vangago!

Matewu 26:24

Khu lisine Mwamana wa Muthu, a na hongola, kha nga idzo yi ganelago khidzo Milowo, aholu libango khya wule a na gu mu ningelago. Dari tshukwana ga muthu yoyo, na sa velegwa!”

Marko 3:8

ni Jerusalema, ni Idhumeya, Khisikheyi nya tsongo wa Joridhani, ni wubambe nya madhoropa ya Tiro ni Sidhoni. Gidzemo nya gingi, na gi pwide ndruma nya siliwugiso a nga gira Jesu, gi dita gwaye.

Marko 6:45

Khu hwane nya iso, Jesu a di ruma vapizane vaye gu bela ngalavani va thanga guya tshatugo ga Bhetisayidha, uye na ngu gu vbanganana ni gidzemo.

Marko 7:24

Na khugide khu vbale, Jesu a di hongola tigoni ga Tiro ni Sidhoni. Na bede ndrangani nya gukari, kha nga vbweta gu tidwa khu muthu, aholu kha nga kodza gu sihala;

Marko 7:31

A di khuga nyaluphye khu tigoni ga Tiro a vbindra khu Sidhoni, a gu hongola phwani ga Galileya a tsemakanya khu tigoni ga Dhekapoli.

Marko 8:22

Khavbo avbo, va di vboha Bhetisayidha; Va di mu resela mwama nya gikhumu, va gu mu lomba gu a mu khuhe.

Luka 4:26

Aholu yi mwalo noni yi nga rumedwago Eliya, vbavbandze ga noni ya Sarepita ga Sidhoni.

Luka 6:17

Jesu a di relela navo a gu ema panini, avbo a nga mananago ni vapizane nya vangi ni gidzemo nya gingi nya vathu va nga bani va dugela Judheya gwatshavbo, ni Jerusalema, ni bambe nya yiphwa ya Tiro ni Sidhoni,

Luka 9:10

Na va wide, vapostoli va dita tshamusela ga Jesu satshavbo iso va nga gimbila va gu gira. Khavbo avbo, a di va dzega a hongola navo giwulani, kha guya Bhetisayidha.

Johane 1:44

Filipi a diri wa Bhetisayidha, tigoni ga Andreya ni Pedro.

Johane 12:21

Va diya ga Filipi, givelegwa gya Bhetisayidha gwa Galileya, vaya mu lomba, khavo: “Hi di guvbweta gu wona Jesu.”

Mithumo 12:20

Herodhi a diri ni giviti ni vathu va Tiro ni Sidhoni. Gasi avo va di pwanana khu monyo moyo va mu yela, na va phede khu gu pwana ni Bhalasito, muphari nya ndranga ya mufumeli, va di ta lomba gurula kholu litigo lawe li di gu pharwa khu litigo la mufumeli.

Mithumo 27:3

Na gugide, hi di vboha siwoni ga Sidhoni, Juliyo a di sayisa gwadi Pawulo; a mu dzumedzisa gu duga aya wona valongo vaye, afela gu mana gu phasedzedwa khavo.

Judha 1:11

Libango lawe! Kholu va bede khu ndzila ya Kayimi. Khu kotani nya lidora ni dzitsapawu va dzi ningede gighohoni nya guvivbegya Bhalahama; va dzi mbembisa khu gu ganedza nya nga ogu ga Kora.

Gutuledwa 11:3

Nyi na rumela dzifakazi dzangu dza dzimbili na dzi ambade gilendra gasi gu profeta mahungu ya Nungungulu, gipimo nya likhumi mazana ni mazana mavili ni livbandre na limwedo magumi (1.260) matshigu.”

Gutuledwa 6:12

Gikhati yi nga namula gifungo nya livbandre na gimwegyo. Nyi di wona girevareva nya gikhongolo; lidambo li di sivbala kha nga gilendra; ngima wu di fuvila kha nga novba.