Matewu 11:11 - Bhibhiliya Nya Guage

¹¹ Khu lisine nyi ngu mi embelani, kheni: Vbakari nya vathu vatshavbo va velegidwego khu nyamayi, mwalo a gu khongolo guvbindra Johane mubhapatisi. Aholu muthu nya mahegisela Mufumoni wa Ndzadzini khongolo gu mu vbindra.

Matewu 11:11 Iomraidhean Croise

Joba 14:1

“Muthu a velegidwego khu nyamayi, matshigu yaye ma rode, na ma tade khu sigaradzo.

Joba 14:4

Ina khu mani a dzi kodzago gu dusa gilo nya guage, ga gilo nyamba aga, na? Khu lisine mwalo!

Joba 15:14

Khuye mani muthu, nya gukala a dzipwa na lulamide? A na lulama kharini na velegidwe khu nyamayi?

Joba 25:4

Khu mani a lulamidego mbeli ga Nungungulu? A nga kodza kharini gululama muthu a velegidwego khu nyamayi?

Dzindzimo 51:5

Kholu eni nyi velegedwe mugighohoni, mayi wangu khuride mimba yangu nyiri gighohi.

Isaya 30:26

Ngima wu na ngangamela kha nga lidambo, ni gungangamela nya lidambo gu na engedzedwa livbandre na dzimbili dzinyondro, kha nga gungangamela nya livbandre na mavili matshigu, litshigu Pfhumu Nungungulu a na hungelelago dzimbanga dza vathu vaye ni gu vbodzisa silondra nya dziphandza a va pandridego.

Zakariya 12:8

Khu litshigu lolo, Pfhumu Nungungulu a na vhikela vathu va vbanyago Jerusalema, khu litshigu lolo, oyu nya gusolege vbakari gwawe, a na fanana ni mufumeli Dhavhidhe, gambe nyumba ya Dhavhidhe yi na wonega kha nga Nungungulu, kha nga ngilozi ya Pfhumu Nungungulu yi thangidego mbeli gwawe.

Matewu 11:10

Khuye oyu a thudwago khu Milowo, gupwani: ‘Nyi na thangisa mbeli gwago mwango wangu, gasi guya gu dongisela ndzila yago.’

Matewu 11:12

Gukhugela matshiguni ya Johane Mubhapatisi kala muhuno, Mufumo wa Ndzadzini wu ngu dwanedwa khu tshivba ni tshivba. Avo va gu ni tshivba va guya gu khu gu wu wandra.

Matewu 3:1

Khu matshigu yale, Johane mubhapatisi a di wonega giwulani gya Judheya na gu hevbudza, khuye:

Matewu 3:11

Eni nya gu mi bhapatisa khu mati, gasi mu vbindrugedze; aholu uye a tago khu hwane gwangu a na ni tshivba gu nyi vbindre; eni nyi mwalo fanelo nya gutshule silato saye. Uye a na mi bhapatisa khu Liphuvbo nya Guage ni nilo.

Matewu 5:19

Khu kharato, uye a na gu kanyisago siguruvedzo sesi nya sidugwana, a hevbudza kharato vathu, a na bani ari dugwana Mufumoni wa Ndzadzini. Aholu uye a si landrisago ni gu si hevbudza mu vathuni, a na bani ari khongolo Mufumoni wa Ndzadzini.

Luka 1:15

Kholu gi na bani giri muthu khongolo mahoni ga Pfhumu. Kha gi na sela vhinya mwendro wadwa nya gulevise; gi na tala khu Liphuvbo nya Guage gukhugela ndrani ga mayime waye.

Luka 7:28

Khidzo nyi mi embelago, kheni: Vbakari nya vathu vatshavbo va velegidwego khu vanyamayi, mwalo muprofeti nya khongolo guvbindra Johane; aholu muthu nya mahegisela Mufumoni wa Ndzadzini khongolo guvbindra uye.”

Luka 9:48

“Muthu watshavbo a na hakhago gyanana nya nga egi khu lina langu, kheni a nyi hakhago. Gasi uye a nyi hakhago, a gu hakha wule a nga nyi rumelago. Kholu wule a dzi sodzisago ngudzu vbakari gwanu, uyoyo khuye a gu khongolo.”

Johane 1:15

Johane a di mu fakazela, a gu ganela, khuye: “Khuye oyu nyi nga mu thula, kheni: Uye atago khu hwane gwangu a nyi thangede, kholu a di romo na nyi si velegwi.”

Johane 1:27

a gu uye atago khu hwane gwangu; eni nyi mwalo fanelo nya gutshule dzingodzi nya silato saye.”

Johane 10:41

Nya vangi va di hongola gwaye vaya, khavo: “Khu lisine, ambari ulo Johane a ngamba gira siliwugiso, satshavbo a nga ganelago khu muthu yoyu khya lisine.”

Johane 3:30

Uye a ngu yela gu dandra, gasi eni nyi vbunguga.”

Johane 5:35

Johane a diri mwenge wu nga bani wu gu khondra wu wenengedza vbakari gwanu; enu khu matshigwana madugwana, mu di tsakiswa khu mwenge waye.

Johane 7:39

Jesu a di gu thula Liphuvbo, lile li nga bani li vbweta guhakhwa khu vale va khodwago gwaye; Liphuvbo li di si gu tshigi, kholu Jesu a disi gukhusedzwi wudhumoni gwaye.

1 Vakorinto 15:9

Kholu eni kheni nyi gu dugwana ga vapostoli, gambe kha nyi faneli gu ranwa mupostoli, khu kotani nyi nga tshanisa Libandla la Nungungulu.

1 Vakorinto 6:4

Mwa gu bani muri ni mahungu nya guvbanye nya mafu, khu ginani mu tutumela guya ma thela ga valamuli va si gu gilo ndrani nya libandla nya vakhodwa?

Vaefeso 2:3

Ethu hatshavbo hi diri nethu kha nga avo, hi di gu vbanya khu nayo nya tumbunugo ni gu landrisa gunavela nya givili ni monyo. Khu tumbunugo nya makhalelo yathu, hi di gu fanela guya thethiswa khu Nungungulu gumogo ni vambe vathu.

Vaefeso 3:8

Eni, mahegisela nya sihathwa satshavbo sa Nungungulu, nyi ningidwe wuhigo nya gutivise ga ava va si gu Vajudha gutala nya wufumu wa Kristo;

2 Thimoti 1:10

Wuhindzi wowo wu wonegide khu guta ga Muvbanyisi wathu Kristo Jesu, a nga vbedza gufa a wonegisa gutumba nya guvbanye nya gupindruge khu Mahungu Yadi nya Ivhangeli.

Vahebheru 11:40

Kholu, Nungungulu a hi dongisede gilo nya gyadi ngudzu, khegi: Avo ni ethu, hatshavbo hi khale vathu nya guvbelele.

1 Pedro 1:10

Vaprofeti va wudzisede ni gusola gwadi mahungu nya guvbanyiswe gogo, va tiviside mahungu nya giningwa nya guvbanyiswe gi vegisedwego gu ningwa enu.

1 Samuweli 2:30

Khu kotani nya isoso, upwani esi a ganelago Pfhumu Nungungulu wa Israyeli, wari, khuye: Eni nyi di ganede ga ndranga ya babe wago ni ndranga yago, gukheni va na nyi thumela kha nga vaphasi nya mhamba kala gupindruga. Olu Pfhumu Nungungulu a ngu ganela, khuye: Kha si na simama. Kholu avo va nyi zundzago, nyi na va zundza neni, aholu avo va nyi kanyisago va na thedwa dzitshoni.