Matewu 10:37 - Bhibhiliya Nya Guage

³⁷ “Uye a golago babe mwendro mayi guvbindra idzo a nyi golago khidzo, kha nyi faneli. Ni uye a golago mwanaye nya gikhwathana mwendro nya gyagadzyana guvbindra idzo a nyi golago khidzo, kha nyi faneli.

Matewu 10:37 Iomraidhean Croise

Genesi 21:11

Magana yaya ma di swihadza ngudzu Abrahama kholu Ismayeli nuye a diri gyanana gyaye.

Zakariya 13:3

Ni wevbini muthu a na yedzago gu gira wuprofeti, babe ni mayi waye va nga mu velegago, va na mu embela, khavo: “Khu na nga vbanya, kholu u ganede malipha khu lina la Pfhumu Nungungulu; avbo a na phelago gu profeta, babe ni mayi waye va nga mu velegago, va na mu paya afa nari vbakari nya guprofete.

Matewu 22:37

Jesu a di mu phindrula, khuye: “ ‘Haladza Pfhumu Nungungulu wago khu monyo wago watshavbo, khu hefemulo wago watshavbo ni mapimo yago yatshavbo.’

Matewu 22:8

Khavbo avbo, a di embela sithumi saye, khuye: ‘Guhodza gu vidzidwe aholu avo nyi nga bani nyi va rambide kha va yedwa khu guta.

Luka 14:26

“Uye atago gwangu a mba diga babe, mayi, mwangadzi, sanana, vandriyaye, ni gu dzi diga uye mune, kha dzi kodzi gu khala mupizane wangu.

Luka 20:35

Aholu vale va na manwago vari ni fanelo nya guya vbanya ga limbe litigo gumogo ni gu wuga khu gufani, avovo kha va dzegi gambe kha va dzegwi.

Luka 21:36

Khu kharato, khalani na mu dongide, na mu gu lombelela gikhati gyatshavbo, gasi mu mane tshivba nya guvbuluge ga satshavbo si na gu dugelelago, mu kodza guta manwa khu Mwamana wa Muthu na mu nga tsaramide.”

Johane 5:23

gasi vatshavbo va rungudze Mwamana kha nga idzo va rungudzago khidzo Babe. Uye a si rungudzigo Mwamana kha rungudzi Babe a nga mu rumelago.

Dhewuteronome 33:9

wule U nga embelago babe ni mayi waye, khuwe: Gima nyi si gu mi woni; ni vandriyaye kha nga vati, uye a si khathaleligo sanana saye, kholu vegedzide magana yago ni gu landrisa gidzumeledzwano gyago.

Gutuledwa 3:4

Ambari ulo, tigoni ga Sardhesi u na ni vathu va ngamba kunedzisa dzingandzu dzawe. Avo nyi na gimbila navo na va ambade dzingandzu nya guage, kholu va na ni fanelo.

1 Samuweli 2:29

Khu ginani mu yeyisago miphaso yangu nya guvbiswe ni miningelo yangu eyi nyi leletedego gu ta ningedwa nyumbani gwangu? U zundzide sanana sago guvbindra Eni, u si enisa khu miningelo yatshavbo nya yadi ya vathu vangu va na Israyeli.