Matewu 10:26 - Bhibhiliya Nya Guage

²⁶ “Khu kharato, mu nga thavi gilo, kholu gi mwalo gi nga fenengedzwago gi na gumba funungudwa; kha nga gambe, mwalo sihalo wu na gumba tidwa.

Matewu 10:26 Iomraidhean Croise

Mavingu 10:9

Uye a lulamidego a gu gimbila na tiyide, aholu uye a gimbilago khu dzindzila nya guwegele, a na tugudwa.

Mavingu 28:1

Sighohi sa gu thava ambari sa gumba tutumiswa khu muthu, aholu, avo va lulamidego va gu tiya nga nghala.

Mavingu 29:25

Guthava muthu gu dzi dembela naphwi, aholu uye thavago Pfhumu Nungungulu, a na mana guvbanya.

Muhevbudzi 12:14

Nungungulu a na lamula mithumo yatshavbo, ni satshavbo si sihadego, iso nya sadi niso nyamba sadi.

Isaya 41:10

u nga khali hwanga, kholu eni nyi nago; u nga vbeli tshivba, kholu eni kheni Nungungulu wago; nyi na gu tiyisa ni gu gu phasa, nyi gu seketela, nyi gu phara khu libogo langu la nyamudye nya gutumbege.

Isaya 41:14

U nga thavi, uwe livelego la Jakobe, enu mitshaledwa ya Israyeli; kholu eni kamwe nyi na gu phasa.” A ngu ganela Pfhumu Nungungulu, Mudzegisi wago, khuye a Agidego wa Israyeli.

Jeremiya 1:8

U nga va thavi, kholu eni nyi nago gasi gu gu vbulugisa, a ngu ganela Pfhumu Nungungulu.

Ezekiyeli 2:6

Uwe, mwamana wa muthu, u nga thavi, ambari gu khala hwanga khu magana yawe. Ambari va gu khala nga likhabi ni miba avbo gwago, uwe vbanya vbakari nya dzihume. U nga tedwi khu hwanga khiso va na ganelago, ambari gu thuruga khu gu va wona, kholu avo vathu nya guyeyise.

Matewu 10:28

Mu nga thavi avo va songago givili, na va si kodzi gu songa hefemulo. Thavani, uye a dzi kodzago gu rinya givili ni hefemulo phalani nya nilo.

Marko 4:22

Kholu gi mwalo gi sihadego gi na gumba wonegiswa; kha nga gambe gi mwalo gi girwago khu gisihaledza gi na gumba tugudwa.

Luka 24:47

ni gupwani, khu lina laye, gu na hevbudzwa mayigoni gwatshavbo gu vbindrugedza mavbanyelo ni tsetselelo nya sighoho, gukhugela Jerusalema.

Luka 8:17

Kholu, gimwalo gi sihadego gi na gu ne gu wonegiswa; kha nga gambe, mwalo sihalo a na gu ne gu tugudwa.

Mithumo 1:8

Gasi enu, mu na hakha tshivba gikhati Liphuvbo nya Guage li na gu tshigago gwanu. Mu na khala dzifakazi dzangu gukhugela Jerusalema ni Judheya gwatshavbo, ni Samariya, kala mahegiso nya mafu.”

Mithumo 4:13

Va di liwuga khu gu wona gutiya ga Pedro ni Johane, va tidwago gupwani vathu nyambana sihevbulo, gambe va di si dugeli dzindrangani nya guwonegele va di gu vati khu lisine khavo vapizane va Jesu.

Mithumo 4:19

Pedro ni Johane va di va hakha, khavo: “Lamulani enu vamune, mwendro gululamile mahoni ga Nungungulu gu ethu hi yingisa enu vathu guvbindra Nungungulu.

1 Vakorinto 4:5

Khavbo avbo, mu nga tutumeli gu lamula gi si gu vbohi gikhati. Virelani Pfhumu a wuye. Uye khuye a nata wenengedzago esi si sihadego gidemani, ni gu funungula esi si sihadego myonyoni nya vathu. Khavbo avbo, muthu ni muthu a na ningwa khu Nungungulu wuzundzo wu mu fanelago.

1 Pedro 3:14

Aholu mu na bani mu kategide mwa gu mana sisaniso khu kotani nya gugire iso nya sadi. Mu nga thavi muthu, gambe mu nga thurugi.