Matewu 10:23 - Bhibhiliya Nya Guage

²³ Mwa gu tutumiswa dhoropani momo nya gukari, thavelani ga limbe. Kholu khu lisine nyi ngu mi embelani, kheni: Kha mu na vbedza gu dzuwulugela madhoropa ya Israyeli na si gu vbohi Mwamana wa Muthu.

Matewu 10:23 Iomraidhean Croise

Jeremiya 26:21

Mufumeli Jowakimi na pwide magana yaya ya Uriya uye gumogo ni dzindrena dzaye dzatshavbo ni manganagana yatshavbo, mufumeli a di vbweta dzindzila nya gu mu songe; aholu avbo Uriya a ngapwago esi, a di tala khu hwanga a thavela tigoni ga Egipito.

Matewu 16:27

Kholu Mwamana wa Muthu a nata ni dzingilozi dza Nungungulu, na tade khu gidhumo gya Babe waye, ata ninga moyo ni moyo, tshatshazelo waye gukhedza khu mithumo yaye.

Matewu 16:28

Khu lisine nyi ngu mi embelani nya gukheni: Vomo hi gu navo avba va na gumba linga lufu, kala va gu wona Mwamana wa Muthu na guta ni mufumo waye.”

Matewu 2:13

Na va hongode, ngilozi ya Pfhumu yi di tumbulugela Josefe khu ndroroni, yi mu embela, khiyo: “Khuga u dzega gyanana ni mayi waye, u thavela Egipito. Indra khala iyoyo kala nyi gu tivise, kholu Herodhi a ngu vbweta gyanana, gasi gu gi songa.”

Matewu 23:34

Khu kharato, nyi ngu mi rumelani vaprofeti, va nya guti ni vahevbudzi. Vambe mu na va songa, vambe mu va khokhothela; gasi vambe mu na va kwamula umo nya dzinyumba nya milombelo ni gu va tutumisani madhoropani gwanu gwatshavbo,

Matewu 23:36

Khu lisine nyi ngu mi embelani nya gukheni khu kota nya silo sesi satshavbo gu nata tsayiso ga mela yoyu!

Matewu 24:27

Kholu, kha nga ndzadzi yi lasago, yi wenengedza litigo latshavbo, gukhugela Khugadambo kala Pfoladambo, kharato nugo gu na girega gikhati a na tago Mwamana wa Muthu.

Matewu 24:30

Khavbo avbo, gu na wonega Ndzadzini giyeyedzo gya Mwamana wa Muthu, giyeyedzo gi na gu girago vathu vatshavbo nya mafu va lila khu gu wona Mwamana wa Muthu na guta vbakari nya lipfhi, na tade khu tshivba nya yikhongolo ni gidhumo.

Matewu 24:34

Khu lisine nyi ngu mi embelani, kheni: Kha na vbindra mela yoyu na si si gu dugeleli satshavbo soso.

Matewu 24:48

Aholu, githumi gile gya gu bani giri ni monyo nya guvivbe, gi pimisa monyoni gwaye, kharati: ‘Pfhumu yangu yi ngu hwela,’

Matewu 25:13

Khu kharato, khalani na mu dongide, kholu kha mu liti litshigu ni gikhati a natago khigyo Mwamana wa Muthu.

Matewu 26:64

Jesu a di mu hakha, khuye: “U ganede. Ambari ulo nyi ngu mi embelani: Tshigu mwedo mu na wona Mwamana wa Muthu na khade nyamudye ga Nungungulu nya tshivba tyatshavbo, na guta khu mapfhini ya Ndzadzini.”

Matewu 4:12

Na pwide nya gupwani Johane khothedwe pasoni, Jesu a di bwelela Galileya;

Marko 13:26

Khavbo avbo, va na wona Mwamana wa Muthu na gu tshiga khu vbakari nya lipfhi na tade khu tshivba nya yikhongolo ni gidhumo.

Luka 18:8

Nyi ngu mi embelani, khu lisine, kheni: A na dzegela gu si lamula. Ina gikhati a na wuyago Mwamana wa Muthu, a nata mana gukhodwa tigoni, gani?”

Luka 21:27

Khavbo avbo, va na wona Mwamana wa Muthu na gu tshiga khu vbakari nya lipfhi, na tade khu tshivba nya yikhongolo ni gidhumo.

Johane 7:1

Khavbo avbo, Jesu a di gimbilagimbila tigoni ga Galileya. A disi goli gu gimbila tigoni ga Judheya, kholu vakhongolo nya Vajudha va di guvbweta gu mu songa.

Mithumo 17:10

Ni wutshigu wowo, vandruye va di khiledza Pawulo ni Silasi va gu hongola Bhereya. Na va vbohide va di hongola nyumbani nya nombelo nya Vajudha.

Mithumo 17:14

Khavbo avbo, vandruye va di dzega Pawulo khu guvbiredza va gu hongola naye siwoni, gasi Silasi ni Thimoti va di tshala.

Mithumo 20:1

Na li vbede ligwaha, Pawulo a di rana vapizane a va ninga sileletelo. A di va vbangana, a gu phara ndzila a hongola tigoni ga Makedhoniya.

Mithumo 8:1

Sawule nuye a di tsakiswa khu gufa gwa Sitefane. Litshigu lolo va di gira liphulo nya gugimbile va molela vakhodwa vatshavbo va Jerusalema. Vatshavbo va di thava va phalalega ni litigo la Judheya ni Samariya, va tshala Vapostoli basi.