Matewu 10:14 - Bhibhiliya Nya Guage

¹⁴ Gasi avbo va na gumba mi hakha, mwendro gumba hakhwa mahungu yanu, mwa gu duga khu ndrangani momo, mwendro dhoropani momo, phuphuthani kudzudzwane wa migondroni gwanu.

Matewu 10:14 Iomraidhean Croise

Nehemiya 5:13

Nyi di ghubhuta kudzudzwane nya libhadzi langu, nyi ganela, kheni: “Nungungulu a na dzudze kharalo a mu dusa vbavbandze nya nyumba yaye, hwindzo ni silo saye, muthu watshavbo a na gumba tadzisa gifungo gegi. Tshangano watshavbo wu di ganela khuwo Amen. Va di rungudza Pfhumu Nungungulu, va gira kha nga idzo va nga sambanyago khidzo.

Matewu 10:13

Ndranga yoyo ya gu bani yiri ni fanelo, gurula gwanu gu na khale avbo; aholu ya gu bani yiri mwalo fanelo, gu na bwelele gwanu.

Matewu 18:5

Uye a hakhago gyanana nya nga egi, khu lina langu, kheni a nyi hakhago.

Marko 6:11

Ni evbini va na gumba mi hakha ni gu mi yingisa, gikhati mu dugago, phuphuthani kudzudzwane vbavbatshi nya migondro yanu gasi gu khala wukustumunyu gwawe.”

Marko 9:37

“Oyu a hakhago gyanana nya nga egi khu lina langu, kheni a nyi hakhago. Aholu, oyu a nyi hakhago, kha hakhi eni basi, a gu hakha ni wule a nga nyi rumelago.”

Luka 9:48

“Muthu watshavbo a na hakhago gyanana nya nga egi khu lina langu, kheni a nyi hakhago. Gasi uye a nyi hakhago, a gu hakha wule a nga nyi rumelago. Kholu wule a dzi sodzisago ngudzu vbakari gwanu, uyoyo khuye a gu khongolo.”

Luka 9:5

Gasi vale va na gumba mi hakha, gikhati mu dugago tigoni gwawe, phuphuthani kudzudzwane migondroni gwanu, kha nga wufakazi vbakari gwawe.”

Johane 13:20

Khu lisine, nyi ngu mi embelani, kheni: Oyu a hakhago wule nyi na mu rumelago, kheni a nyi hakhago; uye a nyi hakhago, a ngu hakha wule a nyi rumedego.”

Mithumo 13:51

Aholu, vapostoli va di phuphutha kudzudzwane migondroni gwawe, gu yeyedza guhambana navo, va phara ndzila va hongola dhoropani ga Ikoniya.

Mithumo 18:6

Na wone gu bomba gwawe ni gupwa magana nya guvale, a di khuga a phuphutha dzingandzu dzaye a va embela, khuye: “Novba wanu wu na vbalagele mihungoni gwanu, eni kha mu nyi woni, nyi agide, gukhugela muhuno nyi na hongola ga va nya mayigo.”

1 Vatesalonika 4:8

Khu guralo, oyu a si yingeligo milayo yeyi, khandri a gu yeyisa muthu, aholu, a gu yeyisa Nungungulu, a mu ningago Liphuvbo nya Guage.