Matewu 1:20 - Bhibhiliya Nya Guage

²⁰ Na nga gu vinga mano yakone, a di tumbulugedwa khu ngilozi ya Pfhumu khu ndroroni, yita, khiyo: “Josefe, mwamana wa Dhavhidhe, u nga kanakani gu hakha Mariya, mwangadzi wago, kholu mimba a gu nayo khya Liphuvbo nya Guage.

Matewu 1:20 Iomraidhean Croise

Genesi 31:11

Ngilozi ya Pfhumu Nungungulu yi di nyi tivisa khu ndroroni, khiyo: “Jakobe!” Eni nyi di thana, kheni: “Nyi womo avba.”

Genesi 46:3

Khavbo avbo, Nungungulu a di engedza, khuye: Eni kheni Nungungulu wa babe wago; u nga kanakani gu relela tigoni ga Egipito, kholu nyi na ya gu gira iyo litigo nya likhongolo.

1 Dzipfhumu 17:13

Eliya a di mu embela, khuye: “U nga thavi gilo, indra gaya uya gira kha nga idzo u ganedego. Aholu khu esi u gu naso, phela khu gu nyi girela katinyana wudugwana u nyi resela eno; khu hwane u na gira wago ni wa mwanago.

1 Dzipfhumu 3:5

Nari Gibheyoni, Pfhumu Nungungulu a di dzi wonegisa ga Solomoni, khu ndroroni ni wutshigu; Nungungulu a mu embela, khuye: “Lomba igyo u gi vbwetago gasi nyi gu ninga.”

Dzindzimo 119:125

Eni nyi githumi gyago, nyi ninge mapimo, gasi nyi pima sileletelo sago.

Dzindzimo 143:8

Nyi nonedze lihaladzo lago gukhugela vbadzimindrutunu, kholu eni nyi tumbide uwe; hefemulo wangu nyi ngu wu yisa iyo gwago, nyi nonedze ndzila nyi yelago gubela khiyo.

Dzindzimo 94:19

Vbakari nya sigaradzo si tadego monyoni gwangu, uwe, U ngu tangadzisa hefemulo wangu.

Mavingu 12:5

Makungo ya vathu nya gululame khyadi, aholu wusingalagadzi wa va nya guvivbedwa khu monyo, khwa gu kanganyisa.

Isaya 26:3

Uwe Pfhumu Nungungulu, u ngu ninga gurula vathu mapimo yawe ma khedziselago Uwe, kholu va ngu tumba Uwe.

Isaya 30:21

Wa gu dhedhereka u ndreyela nyamudye mwendro nyambade, u napwa mahungu dzindzeveni gwago ma tago khu hwane gwago, khayo: “Eyi khiyo ndzila; gimbilani khiyo.”

Isaya 51:7

Nyi yingiseni, enu mutigo gululama, enu vathu, myonyo yanu yi sayisago nayo wangu, mu nga thavi vale va mi poyilago, ambari guvbela tshivba va gu mi valani.

Isaya 7:13

Khavbo avbo, muprofeti Isaya, a di ganela, khuye: Olu yingisani gwadi, enu lihundzu la Dhavhidhe; Ina kha mu garali khu gu hodzisa mbukuta vathu, gani? Mwa guvbweta gambe gu hodzisa mbukuta Nungungulu wangu, gani?

Isaya 7:2

Khu guralo, ndranga ya Dhavhidhe yi di tiviswa gupwani: “Siriya hungide pwanano ni va na Efrayimi.” Khavbo avbo, monyo wa Akazi, wu di ndrendremela gumogo ni vathu vaye, gu fanana ni misimbo ya khabini ya gu bani yi kutsungwa khu phuvbo.

Jeremiya 31:22

Kala lini nu nga gu legalega, uwe nyamahegyane nyamba yingisa? Wona nya gukhuwe Pfhumu Nungungulu vegide gilo nya giphya tigoni, nyamayi nyamba tumbega a na dzi vbwetela mwama.

Jeremiya 33:26

nyi na pfhurarela gambe livelego la Jakobe ni githumi gyangu Dhavhidhe, nyi si vegi livelego la Dhavhidhe li fuma nyumbani ga Abrahama, Isaki ni Jakobe; aholu, nyi na va pwela wuhindzi nyi va wuyisa khu wugumbitunu vata khala tigoni gwawe.

Jeremiya 40:9

Gedhaliya mwamana wa Ayikamo, mwamana wa Safani, a di sambanya mbeli gwawe gumogo ni ga vathu vawe, a ganela, khuye: “Mu nga thavi gu thumela Vakalidhiya, khalani tigoni momu mu dzi vega vbavbatshi ga mufumeli wa Bhabhiloni, mu na khadzisega gwadi.

Joyele 2:28

Khu hwane nya isoso, Eni nyi na guhula Liphuvbo langu vbatshani ga vathu vatshavbo. Sanana sanu nya sikhwathana niso nya sagadzyana si na profeta, sikhosane sanu si na lora dzindroro, madzaha yanu ma na wona siwoniso.

Mitengo 12:6

A va embela, khuye: “Olu yingisani magana yangu; vbakari gwanu a gu bani na romo muprofeti, Eni Pfhumu Nungungulu, nyi na dzi wonegisa gwaye khu giwoniso, nyi ganela naye khu ndroro.

Matewu 1:18

Guvelegwa ga Jesu Kristo gu di girega, kharati: Mariya mayi waye, a nga bani a tumbisidwe khu Josefe, a di khura mimba khu tshivba nya Liphuvbo nya Guage, nasi gu tshangani ni mwama waye.

Matewu 2:12

Na va layidwe khu ndroro gupwa va nga bweleli ga Herodhi, va di bwelela tigoni gwawe khu yimbe ndzila.

Matewu 2:13

Na va hongode, ngilozi ya Pfhumu yi di tumbulugela Josefe khu ndroroni, yi mu embela, khiyo: “Khuga u dzega gyanana ni mayi waye, u thavela Egipito. Indra khala iyoyo kala nyi gu tivise, kholu Herodhi a ngu vbweta gyanana, gasi gu gi songa.”

Matewu 2:19

Khavbo avbo, na fude Herodhi, ngilozi ya Pfhumu yi di tumbulugela Josefe khu ndroroni, tigoni ga Egipito, khiyo:

Matewu 2:22

Aholu, na pwide nya gupwani khu Arkelawo a nga tshikedzago wulanga wa babe waye kha nga mufumeli wa Judheya, a di khala hwanga gu hongola Judheya. Na layidwe khu Nungungulu khu ndroro, a di hongola tigoni ga Galileya.

Matewu 27:19

Na khade phathani, a lamula, pfhumugadzi yaye yi di mu rumela lito, khiyo: “U nga dzi bedzi mahunguni ya muthu yoyo a lulamidego, kholu vbasilambo nyi sanisekide ngudzu khu dzindroro; khu kotani gwaye.”

Matewu 28:5

Aholu ngilozi yi di khusa lito, yi embela vanyamayi vale, khiyo: “Mu nga thavi; nyi ngu dziti nya gukheni mwa gu vbweta Jesu a nga khokhothedwago.

Luka 1:19

Ngilozi yi di mu phindrula, khiyo: “Eni kheni Gabriyeli, wule a guromo mbeli ga Nungungulu; nyi di rumedwa gasi guta gu tivisa mahungu yaya nya gutsakise.

Luka 2:4

Josefe nuye, a di khuga khu dhoropani ga Nazareta wa Galileya a gu hongola, tigoni ga Dhavhidhe, a gu Bhetlehema gwa Judheya, kholu a diri wa nyumbani ya Dhavhidhe,

Mithumo 5:19

Aholu ngilozi ya Nungungulu yi dita ni wutshigu yita tula malimba nya lipaso, yi gu duga navo vbavbandze, yi va embela, khiyo:

Gutuledwa 19:7

Hongoleni hi tsake, hi nengela ni gu mu rungudza, kholu gi vbohide gikhati nya buzo wa Nvutana, mwangadzi waye gambe a dzi dongisede,

Valamuli 13:3

Ngilozi ya Pfhumu Nungungulu yi di wonega ga nyamayi yoyu, yi mu embela, khiyo: “Nyi ngu gu wona gukheni u gyumba gima u si gu khuri mimba; gasi olu u na khura mimba u velega gyanana nya gikhwathana.