Matewu 1:1 - Bhibhiliya Nya Guage

¹ Longoloko nya lihundzu la Jesu Kristo, Gyanana gya Dhavhidhe, Gyanana gya Abrahama.

Matewu 1:1 Iomraidhean Croise

Genesi 12:3

Nyi na kategisa avo va gu kategisago, nyi vala avo va na gu valago. Vathu vatshavbo va tigoni va na kategiswa khu kotani gwago.”

Genesi 2:4

Owu khuwo sasamedzo nya matimo nya guvangwe ndzadzi ni mafu, gikhati Pfhumu Nungungulu a giridego ndzadzi ni mafu.

Genesi 22:18

Mayigo yatshavbo ya mafuni, ma na kategiswa khu ga melego wago, kholu uwe u yingiside magana yangu.”

Genesi 5:1

Eli khu libhuku nya longoloko nya situgulwana sa Adhamu. Gikhati Nungungulu a vangidego muthu, a mu vangide nya idzosaye ni uye mune Nungungulu.

Dzindzimo 132:11

Pfhumu Nungungulu, giride gitumbiso ga Dhavhidhe, Kha na nga vbindrugedza, a bwelela hwane, a di khuwe: “Moyo nya gyanana gyago nyi na mu gira mufumeli, nyi na mu khadzisa vbagikhalotunu nya wufumu wago.

Dzindzimo 89:3

Uwe u di khuwe: Nyi giride gidzumeledzwano ni gihathwa gyangu, nyi sambanya ga Dhavhidhe, githumi gyangu, kheni:

Dzindzimo 89:36

Situgulwana saye si na vbanya kala gupindruga, gikhalo nya wufumu waye gi na simama mbeli gwangu kha nga lidambo,

Isaya 11:1

Khu tshinani ga Jese, gu na thunga litamo, khu mikhambani gwaye, gu na buga pfhundre.

Isaya 53:8

A di modwa khu dzihanyi a lamudwa, a di duswa mafuni, khu mani a na sayago matshigu nya guvbanye gwaye? Kholu, a di duswa tigoni nya vathu nya guvbanye khu kotani nya sighoho sa vathu vangu.

Jeremiya 23:5

Pfhumu Nungungulu a ngu ganela, khuye: “Wonani, ma nguta matshigu nyi na bugiselago Dhavhidhe pfhundre nya gululame; uye a na khala mufumeli, a na fumelago khu wugengeli ni guti, gambe a na lamula vathu khu nongameto.”

Jeremiya 33:26

nyi na pfhurarela gambe livelego la Jakobe ni githumi gyangu Dhavhidhe, nyi si vegi livelego la Dhavhidhe li fuma nyumbani ga Abrahama, Isaki ni Jakobe; aholu, nyi na va pwela wuhindzi nyi va wuyisa khu wugumbitunu vata khala tigoni gwawe.

Amosi 9:11

Khu litshigu lolo, nyi na wusa gambe tshatsha wa Dhavhidhe wu thegidego. Nyi tshikedzela malufa yaye, nyi wusa marumbi yaye. Nyi na wu vbahedza nga idzo wu nga bani ma romo khidzo khu gale;

Zakariya 12:8

Khu litshigu lolo, Pfhumu Nungungulu a na vhikela vathu va vbanyago Jerusalema, khu litshigu lolo, oyu nya gusolege vbakari gwawe, a na fanana ni mufumeli Dhavhidhe, gambe nyumba ya Dhavhidhe yi na wonega kha nga Nungungulu, kha nga ngilozi ya Pfhumu Nungungulu yi thangidego mbeli gwawe.

Matewu 1:18

Guvelegwa ga Jesu Kristo gu di girega, kharati: Mariya mayi waye, a nga bani a tumbisidwe khu Josefe, a di khura mimba khu tshivba nya Liphuvbo nya Guage, nasi gu tshangani ni mwama waye.

Matewu 1:2

Abrahama a di velega Isaki; Isaki a velega Jakobe; Jakobe a velega Judha ni vandriyaye;

Matewu 15:22

Khavbo avbo, nyamayi moyo nya mukhanani, a nga bani a guta khu phuvbo ga iyoyo, a di phela gu gulumela, khuye: “Pfhumu, Mwamana wa Dhavhidhe, nyi pwele wusiwana. Nyamahegyane wangu a ngu saniswa ngudzu khu liphuvbo nya guvivbe.”

Matewu 3:16

Jesu na bhapatisidwe, a di duga khu matini. Avbovbo Ndzadzini gu di tulega, a wona Liphuvbo la Nungungulu na li gu relela kha nga lituva, li ta mbaka vbatshani gwaye.

Matewu 9:27

Jesu, na gu khuga khu vbale, a di landrwa khu sikhumu sivili na si gu rana, khiso: “Mwamana wa Dhavhidhe, hi pwele wusiwana.”

Luka 1:33

A na fuma ndranga ya Jakobe kala gupindruga; mufumo waye gima kha wu na nga vbela.”

Johane 7:42

Ina kha yi ganeli Milowo khiyo Kristo a na dugela nyumbani ya Dhavhidhe, tigoni ga Bhetlehema, a gu umo a nga velegedwa umo Dhavhidhe, gani?”

Mithumo 2:30

Kha nga a nga bani ari muprofeti a di gu dziti nya gukhuye Nungungulu a di Mu tumbiside khu gusambanya, gu vega vbagikhalotunu gwaye nya wufumu gyanana nya melego waye.

Varoma 1:3

ma ganelago khu Mwanaye, a nga velegwago linyumbani la Dhavhidhe.

Varoma 4:13

Nungungulu tumbiside ga Abrahama ni ga sanana saye gu va ninga litigo rumba li khala thomba yawe, nasiri khu kota nya gulandrise Nayo, aholu khu gukhodwa gwaye.

Varoma 9:5

Khavo sivelegwa sa vababe nya libandla; Kristo, khu tumbunugo nya wuthu, a gu lumba lihundzu lawe, uye a guromo vbatshani nya silo satshavbo, a gu Nungungulu nya gurungudzwe kala gupindruga. Amen!

Vagalatiya 3:16

Wonani, gitumbiso gi giridwe ga Abrahama ni ga livelego laye. Milowo nya Guage kha yi ganeli khiyo ni ga sanana saye, gukhwatshi vathu nya vangi va thudwago. Aholu yari, khiyo: “Ni ga livelego lago, gu thudwa muthu moyo basi a gu uye Kristo.”

1 Thimoti 2:5

kholu womo Nungungulu moyo basi, ni Mutshanganisi moyo a tshanganisago Nungungulu ni vathu, khu Jesu Kristo a gu muthu nuye,

2 Thimoti 2:8

Dundruga Jesu Kristo a wugidego khu ga vafudego. Uye khwa nyumbani ga Dhavhidhe, nga edzi nyi hevbudzago khidzo omu nya Ivhangeli nyi tivisago.

Gutuledwa 22:16

“Eni Jesu, nyi rumede ngilozi yangu umo nya mabandla, gasi guta mi fakazela silo sesi. Eni nyi Khamba ni Mbewu nya lihundzu la Dhavhidhe, nyi Thandra nya Wuronga nya guwenengedze ngudzu.”