Marko 9:47 - Bhibhiliya Nya Guage

⁴⁷ Ni liso lago la gu khala gikhunguvanyiso gwago li duse vbavbandze, i tshukwana gubela Mufumoni wa Ndzadzini uri ni liso limwedo guvbindra gu rinywa ni maho ya mavili phalani nya nilo

Marko 9:47 Iomraidhean Croise

Genesi 3:6

Khavbo avbo, nyamayi, khu gu wona gukhuye handro nya simbo khwadi gu wu hodza, gambe wu ngu tsakisa mahoni; simbo nya wadi nya gutule mapimo ni guti, a di hava handro wule a gu hodza a gu ninga mwama waye a hodza nuye.

Joba 31:1

Nyi giride gidzumeledzwano ni maho yangu, gukheni nyi nga tshuki nyi dogorela gyagadzyana nya mbiri.

Dzindzimo 119:37

Ndreyisa maho yangu gasi nyi si woni silo si si phasigo, nyi tiyise ndzilani gwago.

Matewu 18:9

Wa gu wona gukhuwe liso lago li ngu gu tshunganisa, li duse u dzudzuga, kholu i tshukwana gu bela guvbanyani nya gupindruge nuri ni gidzogo, guvbindra gu rinywa niloni wa Ghehena nuri ni maho yago ya mavili.

Matewu 5:22

Gasi eni nyi ngu mi embelani, kheni: Uye a zangarelago ndriyaye a na thethiswa; uye a ranago muthu kwawe khuye mbeveve fanede gu lamudwa khu madhota. Uye a ranago muthu kwawe khuye gipumbu a na rinywa phalani nya nilo.

Marko 9:43

Mandza yago ma gu khala gikhunguvanyiso ma pile, kholu i tshukwana gubela guvbanyani nya gupindruge ni gimbobo, guvbindra gubela ni mandza ya mavili phalani nya nilo nyamba tshimega.

Marko 9:46

[Avbo siwungu si sifigo, nilo wakone wu si tshimegigo.]

Luka 14:26

“Uye atago gwangu a mba diga babe, mayi, mwangadzi, sanana, vandriyaye, ni gu dzi diga uye mune, kha dzi kodzi gu khala mupizane wangu.

Johane 3:3

Jesu a di phindrula, khuye: “Khu lisine, nyi ngu gu embela, kheni: Oyu a na gumba velegwa nyaluphye, gima kha na wona Mufumo wa Nungungulu.”

Johane 3:5

Jesu a di phindrula, khuye: “Khu lisine, nyi ngu gu embela, kheni: Oyu a na gumba velegwa khu mati ni Liphuvbo, kha na dzi kodza gubela Mufumoni wa Ndzadzini.

Vagalatiya 4:15

Olu gomo hayini gunengela nya gukhongolo mu nga bani muri nago guhegulani? Nyi ngu tumba gukheni gikhati gile nari gupwani si di kodzega, ambari ni maho yanu mu di hadza gu ma dusa mu nyi ninga.