Marko 9:44 - Bhibhiliya Nya Guage

⁴⁴ Avbo siwungu si si figo, ni nilo wakone wu si tshimegigo.

Marko 9:44 Iomraidhean Croise

Isaya 33:14

Sighohi sa gigomoni gya Siyoni, si tade khu hwanga, va nya guvivbedwa khu monyo, va ngu ndrendremela, khavo: “Khu mani vbakari gwathu a na tiyago gu ema mbeli nya nilo nya mavbiselo yaya? Khu mani vbakari gwathu a na vbanyago malavbelavbeni nyamba tshimega, na?”

Isaya 66:24

Va na duga vaya wona sirumbi nya vathu va nga nyi wugelago; kholu siwungu sawe gima kha si na ngafa, ambari nilo wawe, kha wu na tshimega; gu na bani guri tshanisa ga vathu vatshavbo.

Matewu 25:41

“Khavbo avbo, a na embela va nyambade gwaye, khuye: ‘Khugani mahoni gwangu, enu mu vadwego, indrani niloni nya gupindruge wu dongisedwego Sathane ni dzingilozi dzaye.

Matewu 25:46

Ava vana hongola gusanisekani nya gupindruge; gasi va nya ndruda vana hongola guvbanyani nya gupindruge.”

Matewu 3:12

A na ni gisalava mandzani gwaye; a na vbiyela githala gyaye, a vbevbera dzimbewu a thela mugisangalani, gasi mafisi a na ma vbisa niloni nyamba tshimega.”

Marko 9:43

Mandza yago ma gu khala gikhunguvanyiso ma pile, kholu i tshukwana gubela guvbanyani nya gupindruge ni gimbobo, guvbindra gubela ni mandza ya mavili phalani nya nilo nyamba tshimega.

Marko 9:45

Ngondro wago wa gu khala gikhunguvanyiso, wu pile. I tshukwana gu bela guvbanyani nya gupindruge nuri gighwiri guvbindra gu rinywa phalani nya nilo ni migondro yago ya mivili.

Marko 9:48

avbo siwungu si si figo, nilo wakone wu si tshimegigo.

2 Vatesalonika 1:9

Avo va na mbembiswa va yiswa hwindzo, nyamba wona ni gupwa tshivba ni wudhumo wa Pfhumu.

Gutuledwa 14:10

uye a na sela gambe vbinyu nyamba futungedzwa nya likhulo la Nungungulu, li guhudwago ni tshivba yaye yatshavbo gikombeni nya gulamule. Gambe a na dayiswa khu nilo ni sufula mbeli nya dzingilozi nya gukatege ni Nvutana.

Gutuledwa 20:10

Sathane a nga va pengisago, a di rinywa tsivani nya nilo ni solufa, avba gu nga bani guromo girengo ni muprofeti nya malipha; avbo va na mana gutshaniseka nya gukhongolo wutshigu ni mihani kala gupindruga.

Gutuledwa 20:15

Tsivani momo va di rinywa vatshavbo vathu va nga bani va sa lowa malina yawe omu nya libhuku nya womi.

Gutuledwa 21:8

Gasi va nya wugara, ni mahedheni, ni sighohi, ni sighevenga, ni sibhayi, ni dzindroyi, ni va nya malipha, va nya wunyanga, vatshavbo va dongisedwe wulanga wawe tsivani nya nilo ni solufa, a gu gufa nya wuvili.”