Marko 9:42 - Bhibhiliya Nya Guage

⁴² Gani khu mani a khunguvanyisago moyo nya sanana si khodwago nya nga esi, a diri tshukwana gu hungeledwa thamoni gwaye giwindri nya gikhongolo nya libwe, a rinywa nondrwani.

Marko 9:42 Iomraidhean Croise

Matewu 17:27

Ambari ulo, gasi hi si tshunganisi muthu, indra phwani uya lova. Ndzandzi u na gu phelago khiyo gu mola, yi tule likana, u na mana dzitsapawu. Dzi dzege uya livba khidzo khupho wago ni wangu.”

Matewu 18:10

Dzi woneleni, mu nga nyenyini sanana sesi, ne gimwegyo, kholu nyi ngu mi embelani, kheni: Dzingilozi dzawe khu Ndzadzini gikhati gyatshavbo dza gu wona khovbe ya Babe wangu a guromo Ndzadzini.

Matewu 18:6

“Gasi uye a khunguvanyisago gimwegyo nya sanana sesi si khodwago gwangu, a diri tshukwana gu a hungwe thamoni giwindri nya gikhongolo nya gitshindro, a rinywa nondrwani nya yiphwa.

Mithumo 9:4

A di thega vbavbatshi a pwa lito na li gukhilo “Sawule, Sawule, khu ginani u nyi sanisago?”

Varoma 14:13

Khu kharato, hi nga lamuli vakhwathu. Hi na dzi garadze khu gumba gira ni gimwegyo gilo gi dzi kodzago gu tshunganedzisa vakhwathu va thega gighohoni.

Varoma 15:21

Nyi di landrisa Milowo nya Guage, yi gu, khiyo: “Vale va ngamba embedwa mahungu yaye, va na ma wona; ni vale va nga bani va si gupwi gilo, va na ma pima.”

Varoma 16:17

Nyi ngu mi tivisani, vandruye, gukheni dzi woneleni ga vale va wusago guhambana ni gu yala gukanakana sihevbuloni mu hakhidego. Gimbilelani hwindzo navo,

2 Vakorinto 6:3

Ethu kha hi khunguvanyisi muthu khu mavbanyelo yathu, gasi thumo wathu wu si solegi.

Vafilipi 1:10

Gasi mu kodza gu hatha iso si gu sadi, ni gu vbanyani khu ndzila ni lisine mu khala na mu agide mu ta manwa muri mwalo gihoso, kala li gu vboha litshigu la Kristo;

1 Thimoti 5:14

Khu kharato, nya gu vbweta gukheni, dzinoni dzi ngarigo sagadzyana dzi dzegwe, dzi velega sanana, dzi sayise dzindranga dzawe, nyamba ninga wulanga nala a ganela guvivba khu gukhodwa gwathu.

2 Pedro 2:2

Vathu nya vangi va na simama gu vbanya mavbanyelo nya guvivbe. Khu kotani nya avo, vathu nya vangi va na ganela guvivba khu ndzila nya lisine.