Marko 9:41 - Bhibhiliya Nya Guage

⁴¹ Khu lisine nyi ngu mi embela gukheni oyu a na mi ningago gani khokho nya mati, khu lina langu kholu mu gu vapizane va Kristo, gima kha na nga hamuga tshatshazelo waye.

Marko 9:41 Iomraidhean Croise

Matewu 10:42

Uye a ningago khokho nya mati nya gudzidzile ga moyo nya vapizane vangu nya gusolege, khu gu muti nya gukhuye mupizane wangu, khu lisine nyi ngu mi embelani, kha na dzimeledwa khu tshatshazelo.”

Matewu 25:40

Mufumeli a na va hakha, khuye: ‘Khu lisine nyi ngu mi embelani, kheni: Dzinyondro dzatshavbo mu nga bani mu gira kharato ga moyo nya vandriyangu nya gusolege, kheni mu nga bani mu nyi girela.’

Marko 4:10

Na va tshade venga, ava va nga bani va mu randrede gumogo ni vale nya likhumi na vavili, va di wudzisa Jesu tshamuselo nya sipimaniso sesi.

Varoma 14:15

Uwe wa gu khunguvanyisa ndriyago khu kota nya esi u hodzago, khu yeyedzi lihaladzo. Khu kota nya guhodze gwago u nga dzi giri givangelo nya gudzimedze muthu a fedwego khu Kristo.

Varoma 8:9

Gasi enu, mwa gu bani muri ni Liphuvbo la Nungungulu khu lisine, kha mu nga gu fumwa gambe khu gudogorela nya tumbunugo nya wuthu, aholu mwa gu fumwa khu Liphuvbo nya Guage. Muthu a gu mwalo Liphuvbo la Kristo, khandri wa Kristo.

1 Vakorinto 15:23

Aholu, muthu ni muthu a na hakha guvbanya khu gikhati gyaye. Matiwula khu Kristo a gu gitumbiso ga vatshavbo. Na wugide Kristo, gu na landrela vale va mu lumbago va hakha navo guvbanya.

1 Vakorinto 3:23

enu mu va Kristo, Kristo khwa Nungungulu.

2 Vakorinto 10:7

Enu mwa gu wona silo khu vbavbandze. A gu bani a romo oyu a dzi tumbago, nya gukhuye a gu lumba Kristo, uyoyo a na pimise gwadi, kholu ethu nethu ha gu lumba Kristo.

Vagalatiya 3:29

Na mu gu lumba Kristo, mu sanana sa Abrahama, mu na hakhani thomba yi tumbisidwego.

Vagalatiya 5:24

Ava va gu va Kristo Jesu va khokhothede vbagihambanotunu tumbunugo nya wuthu wawe ni gudogorela gwawe gwatshavbo.