Marko 9:3 - Bhibhiliya Nya Guage

³ Dzingandzu Dzaye dzi di ngangamela, dzi gu aga, nya gu mwalo muhandzi mafuni a dzi kodzago gu dzi agisa kharato.

Marko 9:3 Iomraidhean Croise

Dzindzimo 51:7

Nyi handze khu sasi, nyi na aga; nyi handze, nyi na aga ngudzu guvbindra hunguva.

Dzindzimo 68:14

Gikhati Nungungulu nya Tshivba Yatshavbo, a padego vafumeli, a va phalalegisa gu di thega hunguva gigomoni gya Salimoni.

Isaya 1:18

Deluni, hongoleni hi pimise gumogo khu mahungu yaya; A ngu ganela Pfhumu Nungungulu, khuye: Ambari sighoho sanu na si sivbade kha nga wugala, nyi na si agisa kha nga hunguva; ambari sa gu fanana ni giwunguwungu, nyi na si agisa kha nga mawoya nya nvuta.

Dhaniyeli 7:9

Na nyi nga gu khevisela, gu di vegwa sikhalo nya wufumu, a dita khala avbo moyo nya lidhota. Dzingandzu dzaye dzi di agide nga thondrwane; ni ndzudzu wa hungoni gwaye, wu di fanana ni mawoya nya wumburi nya nvuta, gikhalo gyaye nya wufumu, gi di fanana ni malavbelavbe nya nilo, marodha yaye, ma di fanana ni gudzura nya nilo.

Matewu 28:3

Makhalelo yaye yi di wonega kha nga gulasa nya ndzadzi; guambala gwaye gu di aga nga hunguva.

Marko 9:4

Gu di wonega avbo gwawe, Eliya ni Mosi na va gu bhula ni Jesu.

Luka 9:29

Vbakari nya nombelo, khovbe yaye yi di vbindrugedza; dzingandzu dzaye dzi di aga ngudzu, dzi ngangamela.

Mithumo 10:30

Korineliyo a di mu hakha, khuye: “Vbanyatulo nguluni, khu gikhati nya nga egi, na nyi gu gira milombelo yangu nya silambo, nyi di wona muthu nya dzingandzu nya gungangamele,

Gutuledwa 19:18

gasi muta hodza nyama nya vafumeli, nyama nya vathangeli nya dzinyimbi, nyama nya dzindrena, nyama nya dzikavalu, ni ya vale va khiledego idzo, nyama nya mafumbu yatshavbo, va nya gutshulega ni dzikhumbi, nya vadugwana ni vakhongolo.”

Gutuledwa 7:14

Nyi di mu hakha, kheni: “Pfhumu yangu, uwe khuwe u dzitigo!” Khavbo avbo, a di nyi tshamusela, khuye: “Ava khu vale va tago khu musigaradzoni nya sikhongolo, vale va nga handzago dzingandzu dzawe va dzi agisela novbani nya Nvutana.

Gutuledwa 7:9

Hwane nya isoso nyi di wona mwandra nya wungi ngudzu nya vathu nya mayigo, mahundzu, mafumbu, malimi yatshavbo, a gu mwalo muthu a dzi kodzago gu wu saya. Va di emide mbeli nya gikhalo nya wufumu ni mbeli nya Nvutana, na va ambade dzingandzu nya guage, va phara migindru mandzani.