Marko 7:6 - Bhibhiliya Nya Guage

⁶ Jesu a di va hakha, khuye: “Khidzo muprofeti Isaya a nga ganelago na gu thula enu vapfhadzi nenu, khuye: ‘Ava vathu va gu nyi rungudza khu magana aholu myonyo yawe yomo hwindzo ni eni.

Marko 7:6 Iomraidhean Croise

Isaya 29:13

Kholu Pfhumu ganede, khuye: Kha nga olu vathu vava va hidzimelago avbo gwangu khu magana ma dugago khu kanani gwawe, va gu nyi dhumisa khu magana basi, aholu myonyo yawe yomo hwindzo ngudzu ni Eni, kholu githawo gyawe ni Eni gya gu manega basi khu milayo va mi hevbudego ni vathu.

Ezekiyeli 33:31

Avo va guta gwago kha nga giolovedzo gyawe, va gu khala mbeli gwago gasi gu yingisa magana yago, aholu kha va ma landrisi. Va gu ganela khu magana khavo va ngu nyi gola, narigu khu myonyoni gwawe va gu alakanyela bhindzu nyambana fanelo.

Johane 15:24

Nari pwani kha nya nga gira siliwugiso nya sikhongolo vbakari gwawe, iso nya gu gima si si gu girwi khu mumbe muthu, na vari mwalo nandru; gasi avo, na va si wone, va di simama gu nyi zondra eni ni Babe wangu.

Johane 5:42

aholu nyi ngu mitini, gambe eni nyi ngu dziti gukheni, enu mu mwalo lihaladzo la Nungungulu.

Mithumo 28:25

Khu gumba pwanana, va di duga va hongola. Va si gu dugi, Pawulo a di va embela, khuye: “Bayi, li ganede Liphuvbo nya Guage, li nga ganela khu likana la muprofeti Isaya,

2 Thimoti 3:5

Va na sayisa giemo nya wukhodwa, aholu va ganedza tshivba yakone. Hambana navo vathu vovo.

Tito 1:16

Vari khavo va ngu muti Nungungulu, aholu mithumo yawe yi ngu va ganedza, kholu va tade khu livengo ni gumba yingisa. Kha va kodzi gu gira ni gimwegyo nya gyadi.