Marko 6:3 - Bhibhiliya Nya Guage

³ Ina khandruye oyu hi mu tigo kha nga muvati, mwamana wa Mariya, ndruye wa Jakobe ni Josefe ni Judha ni Simoni, gani? Vandriyaye nya vanyamayi, khandravo hi vbanyago navo tigoni momu, gani?” Va di mu diga nyamba mu thela kota.

Marko 6:3 Iomraidhean Croise

Isaya 49:7

A ngu ganela kharati Pfhumu Nungungulu, Mudzegisi wa Israyeli ni Gihathwa gyaye, wule a vengwago ni gu nyenywa khu mayigo, a gu githumi gya vafumeli nya dzihanyi, khuye: “Avbo vafumeli va na mu wonago, va na khuga va ema, manganagana ma na noga ma khidzima ma mu khozela; kholu lihaladzo la Pfhumu Nungungulu li tumbegide, Nya Guage wa Israyeli a gu hathidego.”

Matewu 11:6

Kategide saye wule a si khunguvanyiswigo kheni.”

Matewu 12:46

Na nga guganela vbakari nya gidzemo, a di vboha mayi Waye ni vandriyaye, va ngata khalago khu vbavbandze, na va vbweta gu ganela naye.

Marko 15:40

Va diromo navo vbafuvbi vbale vanyamayi va nga bani va gu khedzisela khu hwindzo. Vbakari gwawe a di romo Mariya Madhalene, Mariya mayi wa Jakobe, ni Josefe ni Salome.

Marko 3:18

Andreya, Filipi, Bharitolomewu, Matewu, Tomasi, Jakobe, mwamana wa Alifewu, Tadhewu, Simoni, Mwama Mukhanani,

Luka 2:34

Simiyoni a di va kategisa, a gu embela Mariya, mayi wa Jesu, khuye: “Gyanana gegi gi emisedwe gu khunguvanyisa ni gu wusa vathu nya vangi va na Israyeli; gi na vanga guganedzisana;

Luka 7:23

Kategide saye wule a gumba khuvekhiswa khu magana yangu.”

Luka 8:20

Va di mu embela, khavo: “Mayi wago ni vandriyago vomo vbavbandze; va guvbweta gu gu wona.”

Johane 14:22

Judha, nasiri Sikariyoti, a di khuye: “Pfhumu, u na dzi yeyedza kharini gwathu, nyamba dzi yeyedza tigoni?”

Johane 6:42

Avo va di wudzisana, khavo: “Ina khandruye oyu Jesu, gyanana gya Josefe, oyu hi vatigo vavelegi vaye? Khu ginani a gukhuye: ‘Eni nyi tshigide khu Ndzadzini?’ ”

Mithumo 1:13

Na va bede dhoropani, va di lita nyumbani ga vbatshani, omu va nga bani va gu olovela gu khala: Pedro, Johane, Andreya, Filipi, Tomasi, Bharitolomewu, Matewu, Jakobe mwamana wa Alifewu ni Simoni Zelote, ni Judha mwamana wa Jakobe.

Mithumo 12:17

Aholu, Pedro a di khusedza mandza a va degudza a va embeledzela edzi Pfhumu a nga mu vbulugisa idzo pasoni. A di engedza a va embela, khuye: “Tivisani silo sesi ga Jakobe ni ga vandruye.” Khavbo avbo, a di duga a gu phara ndzila a hongola wumbe wulanga.

1 Vakorinto 1:23

Gasi ethu ha gu tivisa Kristo a khokhothedwego vbagihambanotunu. Mahungu yaya ma gu khunguvanyisa Vajudha, ma wonwa kha nga wupumbu khu vale va si gu Vajudha.

1 Vakorinto 9:4

Gasi hi mwalo fanelo nya guhakhe guhodza ni gusela hi ningwago vbathumotunu gwathu, gani?

Vagalatiya 1:19

Kha nya wona mumbe mupostoli vbavbandze ga Jakobe, ndruye wa Pfhumu.

1 Pedro 2:4

hidzimelani gwaye, a gu giwindri nya guvbanye, gi nga nyenywa khu lisine khu vathu, aholu ga Nungungulu gilo nya lisima.

Judha 1:1

Eni, Judha, githumi gya Jesu Kristo nyi gu ndruye wa Jakobe, nyi ngu lovela ava va ranidwego ni gugolega ga Nungungulu Babe ni gu vhikedwa khu Jesu Kristo.