Marko 6:20 - Bhibhiliya Nya Guage

²⁰ Kholu Herodhi a diri ni githawo ga Johane khu gu muti khuye muthu nya ndruda a agidego, a di mu vhikela. Uye, khu gu mupwa basi na gu ganela a di hambanega mapimo, aholu, a di mu yingisa khu gunengela.

Marko 6:20 Iomraidhean Croise

1 Dzipfhumu 21:20

Akabi a di hakha Eliya, khuye: “Ina, olu u nyi mane, uwe nala wangu, gani?” Eliya a di hakha, khuye: “Ina nyi gu mane gambe, kholu u dzi rengiside khu gu gira esi si vivbidego mahoni ga Pfhumu Nungungulu.

2 Dzipfhumu 13:14

Elizewu a di gu dwala khu ngumbe a fudego khiyo; Jowasi, mufumeli wa Israyeli a di relela aya iyo gwaye, aya lila khovbeni gwaye, khuye: “Baba wangu! Baba wangu! Kareta ya Israyeli ni vakhileli vakone!”

2 Dzipfhumu 6:21

Mufumeli wa Israyeli, gikhati a va wonego, a di embela Elizewu, khuye: “Baba, nyi va songa? Nyi va songa, gani?”

2 Dzikoronika 24:2

Lina la Mayi waye, a diri uye Zibhiya, wa Bherisebha. Jowasi a di gira mithumo nya gululame mbeli ga Pfhumu Nungungulu, matshigu yatshavbo ya muphasi nya mhamba Joyadha.

2 Dzikoronika 26:5

A di dzi garadza khu gu vbweta Nungungulu matshiguni ya Zakariya, uye a nga bani na siti gwadi siwoniso sa Nungungulu; gikhati a nga namarela ga Pfhumu Nungungulu, Uye a di mu kategisa.

Ekisodha 11:3

Pfhumu Nungungulu a di gira gu va na Israyeli va mana wuhigo mahoni ga Vagipiti. Mosi abune a diri ni tshivba nya guthavisege tigoni ga Egipito, mahoni ga sithumi sa Faro ni ga vathu va tigoni.

Ezekiyeli 33:32

Wona gukhuwe u womo gwawe kha nga uye a embelelago dzindzimo nya lihaladzo, khu lito nya gumbure li pwalago gwadi; kholu va gupwa magana yago aholu kha va ma landrisi.

Dhaniyeli 4:18

Eyi khiyo ndroro nyi loridego eni mufumeli Nabhukodhonosori. “Olu uwe Bhalitazari, nyi ninge tshamuselo yaye, kholu vagengeli vatshavbo va tigoni gwangu, kha va dzi khodza gu nyi tshamusela. Gambe uwe, u ngu dzi kodza, kholu liphuvbo la vanungungulu va agidego lomo vbatshani gwago.”

Dhaniyeli 4:27

Khu guralo, uwe mufumeli, dzumela gulaya gwangu, u diga sighoho ni guvivba gwago u gira gululama, u pwela wuhindzi sisiwana, a gu dzina saye matshigu yago nya gu tsake ma na simama.

Dhaniyeli 5:17

Khavbo avbo, Dhaniyeli a di mu phindrula, khuye: Siningwa sago khala naso, ni tshatshazelo yago ningela ga vambe. Aholu nyi na hevbulela mufumeli milowo nyi bwelo khavbo nyi mu pwadzela tshamuselo yaye.

Matewu 14:5

A di dogorede gu mu songa, aholu a di thava vathu, va nga bani va gu muti kha nga muprofeti.

Matewu 21:26

Gasi ha gukhethu: Khu gwa vathu, hi na wugedwa khu vathu, kholu vatshavbo va ngu muti Johane kha nga muprofeti nya gutale.”

Marko 11:18

Vakhongolo nya vaphasi nya mhamba ni vahevbudzi nya Nayo, na va pwide esi, va di vbweta mano nya gu mu songe; aholu va di mu thava kholu vathu vatshavbo va di gu samala sihevbudzo saye.

Marko 4:16

Kharato nugo, mbewu yi thegelago siwindrini, khu vale va pwago mahungu, va vbiredza gu ma hakha khu gutsaka.

Johane 5:35

Johane a diri mwenge wu nga bani wu gu khondra wu wenengedza vbakari gwanu; enu khu matshigwana madugwana, mu di tsakiswa khu mwenge waye.

Mithumo 2:12

Vathu vatshavbo va di liwuga, khavo: “Nari silo muni esi hi si wonago?”

Mithumo 5:24

Na va pwide magana yaya, muthangeli nya Nyumba ya Nungungulu gumogo ni vakhongolo nya vaphasi nya mhamba, va di liwuga ngudzu va gu dzi wudzisa avo vamune, khavo: “Gu na bani ari ginani silo sesi.”