Marko 6:15 - Bhibhiliya Nya Guage

¹⁵ Vambe va di khavo “Khuye muprofeti Eliya.” Gasi vambe va di gukhavo: “Uye muprofeti kha nga moyo nya vaprofeti va gale.”

Marko 6:15 Iomraidhean Croise

Malakiya 4:5

Wonani, nyi ngu mi rumelani muprofeti Eliya, na li si gu vbohi litshigu nya likhongolo ni guthisa la Pfhumu Nungungulu.

Matewu 16:14

Va di hakha, khavo: “Vomo va gukhavo khu Johane Mubhapatisi; vambe vari khavo khu Eliya; vambe khavo khu Jeremiya mwendro moyo nya vaprofeti.”

Matewu 21:11

Gidzemo gi di hakha, khigyo: “Khu Jesu, muprofeti wa Nazareta gwa Galileya.”

Marko 6:16

Aholu Herodhi, na pwide silo sesi, a di ganela, khuye: “Khu Johane nyi nga ruma gu a pidwa ngolo, khuye a wugidego khu ga vafudego.”

Marko 8:28

Va di mu hakha, khavo: “Vomo va gukhavo khuwe Johane Mubhapatisi; vambe vari khavo khuwe Eliya; gasi vambe vari khavo u moyo nya vaprofeti.”

Luka 1:17

Igyo gi na rumedwa mbeli nya liendro la Pfhumu khu liphuvbo nya tshivba nya nga ya muprofeti Eliya, gasi a rudzise myonyo ya vavelegi ni sanana sawe, ni gu hevbudza guyingisa sanana nyamba yingisa. Gi na dongisela kharati vathu, gasi va hakha Pfhumu khu ndruda.”

Luka 7:16

Vatshavbo va di tala khu githawo, va gu dhumisa Nungungulu, khavo: “Tumbulugide vbakari gwathu muprofeti nya khongolo; Nungungulu endrede ngamo yaye.”

Luka 7:39

Mufarisi wule a nga mu ranago, na wonide esi, a di ganela enga mapimoni gwaye, khuye: “Nari gupwani oyu mwama muprofeti kamwe, na gu muti khu mani, ni gu muthu muni nyamayi a mu khuhago, kholu gighohi!”

Luka 9:19

Va di mu hakha, khavo: “Vomo va gukhavo khuwe Johane Mubhapatisi, vambe vari khavo khuwe Eliya, gasi vambe vari khavo u moyo nya vaprofeti va gale a nga wugago.”

Luka 9:8

Vambe, khavo khu Eliya a nga wuyago; gasi vambe va di gu tiyisa gukhavo: Moyo nya vaprofeti va gale a nga wugago.

Johane 1:21

Va di mu wudzisa nyaluphye, khavo: “Gasi khuwe mani? Khuwe Eliya, gani?” A di va hakha, khuye: “Khandreni.” Va di mu wudzisa gambe, khavo: “Khuwe muprofeti?” A di va hakha, khuye: “Ahihi.”

Johane 1:25

va di mu wudzisa, khavo: “Khu ginani u bhapatisago, gasi khandruwe Kristo, mwendro Eliya mwendro muprofeti?”

Johane 6:14

Vathu vale, khu gu wona giliwugiso a nga girago, va di khavo: “Khu lisine, khuye oyu muprofeti a emisedwego guta tigoni.”

Johane 7:40

Vbakari nya gidzemo, vambe nya vale va nga mu pwago, va di khavo: “Khu lisine uye muprofeti!”

Johane 9:17

Va di wudzisa nyaluphye mwama a nga bani nari gikhumu, khavo: “U ngu khuwe ginani khu wule a gu tudego maho?” A di va hakha, khuye: “Muprofeti.”