Marko 5:40 - Bhibhiliya Nya Guage

⁴⁰ Aholu va di mu hega. Uye a di ruma gu duga vatshavbo, gu tshala basi vavelegi, ni vale a ngatago navo, a bela navo umo a nga bani a romo nyamahegyane.

Marko 5:40 Iomraidhean Croise

Genesi 19:14

Loti a di ya ganela ni vamwane vaye va nga bani va vbweta gu dzega sanana saye, khuye: “Khugani mu duga ga wulanga wowu, kholu Pfhumu Nungungulu a ngu vbweta gu mbembisa lidhoropa.” Aholu, avo va di mu wona kha nga muthu nya sithenga mbeli gwawe.

2 Dzipfhumu 4:33

Khavbo avbo, Elizewu a di bela nyumbani a dzi segela lidimba uye gumogo ni gyanana, a lombelela ga Pfhumu Nungungulu.

Nehemiya 2:19

Avbo Sambalati, Muhoroni, Tobhiya, githumi nya Muamoni ni Gesemi, Muarabhi, va nga dzipwago, va di hi hega ni gu hi hembulula, va ganela, khavo: “Gasi ginani gyogyo mu girago? Mwa gu vbwetani gu wugela mufumeli, gani?”

Joba 12:4

Eni nyi di khala gihegiso ga dzipari dzangu, avbo eni nyi nga lombelela ga Nungungulu, Uye a nyi ninga phindrulo; muthu nya lisine ni gululama nyi di khala gihegiso.

Dzindzimo 22:7

vatshavbo va nyi wonago va gu nyi hembulula; va hama likana, va khiniga mihungo, khavo:

Matewu 15:11

Khandri gile gi belago khu kanani gi nyenyezisago muthu, aholu igyo gi dugago khu kanani gwaye khigyo gi mu nyenyezisago.”

Matewu 7:6

“Mu nga dzegi silo nya gukatege mu ninga dzimbwa, dzi nga mi wugelani dzi mi hodza; kha nga gambe, mu nga dzegi dzindralama dzanu mu ninga dzikhumba, dzi nga gandredzedwa.

Marko 5:39

Avbo a nga bela nyumbani a di khuye “Khu ginani mu wombago dzihuwa ni gu lila kharati? Nyamahegyane khafa, a di lala.”

Marko 5:41

A di mu phara khu libogo a mu embela, khuye: “Talitha, kumi”- gu tshamusago pwani: “Nyamahegyane, nyi ngu gu ruma, wuga.”

Luka 16:14

Vafarisi, kha nga ulo va nga bani vari vathu nya ligungo, na va pwide magana ya Jesu, va di mu hembulula.

Mithumo 17:32

Na va mu pwide na gu ganela khu gu wuga ga vafudego, vambe va di mu hega, vambe, khavo: “Hi na gu yingisa gambe limbe litshigu na wu gu ganela khu mahungu yaya.”