Marko 4:39 - Bhibhiliya Nya Guage

³⁹ Khavbo avbo, na wugide, a di kawuka phuvbo, a embela yiphwa, khuye: “Degula! Rula!” Phuvbo yi di dzegela gu degula, gu manega malenga nya makhongolo.

Marko 4:39 Iomraidhean Croise

Joba 38:11

avbo nyi nga li embela gukheni: U na hegisa khavba, khu na vbindra gambe uya mbeli, mavimbi yago nya wurena ma nata vbela avba?

Dzindzimo 107:29

A di kawuka gingulu, higyo kape; ma vbwasama mavimbi, gu manega malenga.

Dzindzimo 148:8

nilo ni maralala, girame ni hunguva; dziphuvbo nya tshivba mu girago guruma gwaye;

Dzindzimo 29:10

Pfhumu Nungungulu khade vbatshani nya talo nya ndrambi, Pfhumu Nungungulu khade vbagikhalotunu nya wufumu kala gupindruga.

Dzindzimo 65:7

Uwe u ngu degudza ligwaha nya linene, ni mavimbi yaye, u vbedza ligwaha la vathu va tigoni.

Dzindzimo 89:9

Khuwe u fumelago tshivba nya linene; u rudzisa tshivba nya mavimbi ma gu gugumuga.

Ekisodha 14:16

Uwe khusedza ndronga yago u thawuludza mandza yago vbatshani nya yiphwa, u yi kabanisa khu vbakari, gasi sanana sa Israyeli, si kodze gu gimbila phwani funguni nya gubange.

Ekisodha 14:22

Sanana sa Israyeli si di bela khu vbakari nya yiphwa na yi bangide, mati ma gu gira libhiyo khu nyambade ni nyamudye gwawe.

Mavingu 8:29

Gikhati a nga gira mivbingano nya linene gasi mati ma si ndragi sigomo; gikhati a nga tsitsa giseketelo nya mafu,

Jeremiya 5:22

Pfhumu Nungungulu a ngu ganela, khuye: Ina kha mu nyi thavi, gani? Ina kha mu ndrendremeli mbeli gwangu, gani? Kholu kheni nyi nga girago vbingano nya linene khu mafu, vbingano nya gukala gupindruga nyamba ndragwa. Ambari ma gu khusega mavimbi yaye li dzuma linene kha wu na ndragwa.

Gililo 3:31

Kholu Pfhumu kha dzudzugi muthu kala gupindruga.

Nahume 1:4

Uye a ngu kawuka linene, livbwa, a bangisa ni mitsongo yatshavbo; a vbedza tshivba Bhasani ni gigomoni gya Karimelo, a wunisa senge sa Libhanoni.

Matewu 8:26

Jesu a di va embela, khuye: “Mwa gu thava ginani, vathu nya gukhodwe vbadugwana?” Na khugide, a di kawuka phuvbo ni mavimbi. Khavbo avbo, gu di manega malenga nya makhongolo.

Marko 4:38

Jesu a di lade gisaloni a gu khighela vbagikhuledzotunu; va di mu wusa, khavo: “Muhevbudzi, ina khu theli kota khu ethu hi mbembago, gani?”

Marko 9:25

Jesu, na wonide gukhuye va ngu vboha vathu nya vangi a di kawuka liphuvbo nya guvivbe, khuye: “Uwe liphuvbo nya givbwiri ni wududu, nyi ngu gu ruma: Duga ga gikhwathana gegi, u nga wuyi gambe uta bela gwaye.”

Luka 4:35

Jesu a di li kawuka, khuye: “Degula, duga ga muthu yoyo.” Gasi ilo, na li mu theside vbavbatshi khu tshivba ni tshivba, mahoni ya vathu vatshavbo, li di duga li gu hongola, nyamba mu gira gilo.

Luka 4:39

Na nogide a mu khedzisa, a di ruma feveri gu yi mu diga. Yi di mu diga kamwe. Na yi mu digide, a di dzegela gu khuga a va sayisa.

Luka 8:24

Va diya mu wusa, va Mu embela, khavo: “Muhevbudzi, hi ngu mbemba!” Uye, na wugide, a di kawuka phuvbo ni mavimbi, si gu renga; ma di manega malenga nya makhongolo.