Marko 4:26 - Bhibhiliya Nya Guage

²⁶ A di ganela gambe, khuye: “Mufumo wa Nungungulu wu ngu fanana ni muthu a yalago mbewu mafuni.”

Marko 4:26 Iomraidhean Croise

Mavingu 11:18

Muthu nyambasi wadi, a gu hakha tshatshazelo nya wudambane, Aholu uye a yalago gululama, a na mana tshatshazelo nya wadi.

Muhevbudzi 11:4

Uye a khedziselago dziphuvbo, gima kha yali, ni wule a khedziselago mapfhi, gima kha na vbwera.

Muhevbudzi 11:6

Yala mbewu yago gu ngari dzimindru, aholu vbasilambotunu u nga khali khu mawogo, kholu khu yiti iyo yi na bugago yi ninga mihandro; kheyi mwendro khu yile, mwendro dzatshavbo dzi na ni lisima.

Isaya 32:20

Mu kategide enu mu yalago mbewu bambe nya tsongo mu digago dzimombe ni dziburu si gimbila na si tshulegide.

Matewu 13:11

A di va hakha, khuye: “Kholu enu, mu ningidwe guti misihalo nya Mufumo wa Ndzadzini, gasi avo va mwalo giningwa gyogyo.

Matewu 13:24

Jesu a di va ninga gimbe gipimaniso, khuye: “Mufumo wa Ndzadzini wu ngu fanana ni muthu a nga yalago mbewu nya yadi thembweni gwaye.

Matewu 13:3

Khu vbale, a di va hevbudza silo nya singi khu sipimaniso, a va embela, khuye: “Nga wonani, muyali a di duga gasi guya yala mbewu yaye.

Matewu 13:31

Jesu a di va ninga gimbe gipimaniso, khuye: “Mufumo wa Ndzadzini wu ngu fanana ni mbewu nya ginapi, muthu a nga yi dzegago a yala thembweni gwaye.

Matewu 13:33

Jesu a di va ninga gambe gimbe gipimaniso, khuye: “Mufumo wa Ndzadzini wu ngu fanana ni mela wu nga dzegwago khu nyamayi moyo a wu pfanga ni ndrengo tharu nya wuguvbi, kala wu gugumugisa wuguvbi watshavbo.”

Matewu 3:2

“Vbindrugedzani mavbanyelo, kholu Mufumo wa Ndzadzini womo vbafuvbi gwanu.”

Matewu 4:17

Khavbo avbo, Jesu a di phela gu hevbudza, na gu ganela, khuye: “Vbindrugedzani mavbanyelo, kholu Mufumo wa Ndzadzini womo vbafuvbi.”

Marko 4:25

Kholu oyu a gu naso a na engedzedwa, gasi uye a gu mwalo gilo, ambari iso nya sidugwana a gu naso, a na dzegedwa.”

Marko 4:27

Gani lade, gani a ngu wuga, gani wutshigu gani mihani, iyo mbewu ya gu buga yi dandra na si dziti magirelo muni.

Luka 13:18

Khavbo avbo, Jesu a di khuye: “Wu ngu fanana ni ginani Mufumo wa Nungungulu? Nyi na wu pimanisa ni ginani?

Luka 8:11

“Tshamuselo nya gipimaniso khowu: Mbewu khu magana ya Nungungulu.

Luka 8:5

“Nga wonani. A di khuga muthu nya gukari gasi guya yala mbewu yaye. Gikhati a nga yi swaya, yimbe yi di thegela bambe nya ndzila; yi gandredzedwa, gumogo ni gu rothedwa khu sinyoni sa damboni.

Johane 12:24

Khu lisine, nyi ngu mi embelani, kheni: Mbewu nya tirigu ya gu thega mafuni yi sifi, yi na khala yonga basi; aholu ya gufa, yi na ninga mihandro nya yingi.

Jakobe 3:18

Vale va vbahago gurula, va gu yala gurulani, va gu vbwera mihandro nya guvbanye nya gululame.