Marko 4:16 - Bhibhiliya Nya Guage

¹⁶ Kharato nugo, mbewu yi thegelago siwindrini, khu vale va pwago mahungu, va vbiredza gu ma hakha khu gutsaka.

Marko 4:16 Iomraidhean Croise

Matewu 13:5

Yimbe yi di thegela musiwindrini, umo ma nga bani mari mwalo mafu nya mangi; mbewu yi di vbiredzela gu buga, kholu mafu yakone kha ma nga bani ma etide ngudzu.

Marko 4:15

Dzimbewu dzi nga thegelago bambe nya ndzila, khu vale va nga hevbudzwa mahungu. Aholu, na va ma pwide, khu gu vbiredza a di vboha Sathane a ta dusa mahungu ma nga yadwago myonyoni gwawe.

Marko 4:17

Aholu avo va mwalo mikhamba, khu kharato, kha va tiya. Va gu mana silingo ni sigaradzo khu kotani nya Mahungu, va gu dzegela gu ma diga.

Marko 6:20

Kholu Herodhi a diri ni githawo ga Johane khu gu muti khuye muthu nya ndruda a agidego, a di mu vhikela. Uye, khu gu mupwa basi na gu ganela a di hambanega mapimo, aholu, a di mu yingisa khu gunengela.

Luka 8:13

Mbewu yi nga thegela siwindrini, khu vale nya gu, na va pwide Mahungu ya Nungungulu va gu ma hakha khu gunengela. Kha nga ulo va gu mwalo mikhamba, va gu khodwa gikhati gidugwana; aholu sa gu vboha silingo, va gu ma diga.

Johane 5:35

Johane a diri mwenge wu nga bani wu gu khondra wu wenengedza vbakari gwanu; enu khu matshigwana madugwana, mu di tsakiswa khu mwenge waye.

Mithumo 26:28

Khavbo avbo, mufumeli Agiripa a di embela Pawulo, khuye: “Nugunugu olu, wa guvbweta gu nyi vbindrugedza nyi khala mukristo!”

Mithumo 8:13

Simoni nuye a di khodwa, na bhapatisidwe a di bela tsawani wa Filipi. A di liwuga ngudzu khu gu wona siwonegiso ni siliwugiso si nga bani si gu girwa khu Filipi.